Categories: Business

નોટબંધી બાદ આરબીઆઈની આગામી સપ્તાહે પ્રથમ બેઠક

ગઇ કાલે દિવસના અંતે બીએસઇ સેન્સેક્સ ૩૨૯.૨૬ પોઇન્ટના ઘટાડે ૨૬,૨૩૦.૬૬, જ્યારે એનએસઇ નિફ્ટી ૧૦૬.૧૦ પોઇન્ટના ઘટાડે ૮,૦૮૬.૮૦ પોઇન્ટની સપાટીએ બંધ જોવાઇ હતી. સપ્તાહ દરમિયાન શેરબજારમાં સાધારણ ૦.૩૦ ટકાનો ઘટાડો નોંધાયો હતો. બજારના જાણકારોના જણાવ્યા પ્રમાણે બજારમાં રિઝનેબલ કરેક્શનની જરૂરિયાત હતી તે થઇ ગઇ છે. સ્થાનિક બજારનો બધો જ આધાર વૈશ્વિક બજારના મૂડ ઉપર છે. વૈશ્વિક બજારનું સેન્ટિમેન્ટ બગડે તો તેની સીધી અસર સ્થાનિક બજાર ઉપર જોવાઇ શકે છે, જોકે આગામી સપ્તાહે આરબીઆઇની મોનેટરી પોલિસી કમિટીની બેઠક છે, જેની જાહેરાત બુધવારે થશે.

સરકારની નોટબંધીની જાહેરાત બાદ આરબીઆઇની પ્રથમ મોનેટરી પોલિસીની બેઠક છે. આરબીઆઇએ એમએસએસ એટલે કે માર્કેટ સ્ટેબિલાઇઝેશન સ્કીમની લિમિટ વધારી છે. આરબીઆઇએ વર્ષ ૨૦૧૬-૧૭ માટે એમએસએસની લિમિટ વધારી છ લાખ રોડ રૂપિયા કરી દીધી છે. અગાઉ રૂ. ૩૦,૦૦૦ કરોડ હતી. એમએસએસ બોન્ડ નક્કી કરેલી સમય સીમા માટે હોય છે, જેમાં બેન્કને વ્યાજ પણ મળે છે. બેન્ક માટે એમએસએસ સ્કીમ સીઆરઆર કરતાં વધુ ફાયદેમંદ છે, કેમ કે સીઆરઆર અંતર્ગત જમા નાણાંમાં બેન્કને વ્યાજ મળતું નથી.

ચાલુ સપ્તાહે રિયલ્ટી અને ફાર્મા સેક્ટરમાં સૌથી વધુ ઘટાડો નોંધાતો જોવાયો હતો. ચાલુ મહિનામાં યુએસ ફેડરલ રિઝર્વની બેઠક છે, તેની સાથેસાથે ઇટાલીના જનમતની અસર પણ આગામી સપ્તાહે શેરબજાર ઉપર જોવાઇ શકે છે. બજારના પંડિતોના જણાવ્યા પ્રમાણે જીએસટી કાઉન્સિલની બેદિવસીય બેઠક આજે પૂરી થઇ રહી છે. કેરળ અને પશ્ચિમ બંગાળની રાજ્ય સરકારે ઊભા કરેલા કેટલાક વિવાદિત મુદ્દાઓ અંગે ઉકેલ આવે તેવા આસાર ઓછા જણાઇ રહ્યા છે ત્યારે જીએસટીના અમલીકરણ અંગે પણ પ્રશ્નાર્થ ઊભો થઇ શકે છે. આવા સંજોગોમાં શેરબજારનું સેન્ટિમેન્ટ બગડી શકે છે.
http://sambhaavnews.com/

divyesh

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

8 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

9 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

10 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

11 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

11 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

11 hours ago