Categories: Gujarat

ક્રાઇમ બ્રીફ જાણો બસ એક ક્લિક પર

દાઝી જતાં એક મહિલાનું મોત
અમદાવાદઃ મેઘાણીનગર વિસ્તારમાં દાઝી જવાથી એક મહિલાનું મોત થયું હતું. મેઘાણીનગરમાં નગીનાવાડી ખાતે રહેતી કુસુમબહેન શીશુપાલ ચૌહાણ નામની મહિલા રસોઈ બનાવતી હતી તે દરમિયાન અકસ્માતે દાઝી જવાથી તેનું સિવિલ હોસ્પિટલમાં સારવાર દરમિયાન મોત થયું હતું.

દેશી અને વિદેશી દારૂનો જથ્થો કબજે
અમદાવાદઃ શહેરમાં ચાલતા દારૂ અને જુગારના અડ્ડા પર પોલીસે દરોડા પાડી ૨૭૮ લિટર દેશી દારૂ, ૩૨૫ બોટલ વિદેશી દારૂ, ૧૭૦ બિયરનાં ટીન, એક સ્કૂટર, એક બાઈક, એક કાર, ૧.૭૫ લાખની રકમ અને જુગારનાં સાધનો કબજે કરી ૬૭ શખસની ધરપકડ કરી અા અંગે ગુના દાખલ કર્યા છે.

ગઠિયો યુવતીને ઉઠાવી ગયો
અમદાવાદઃ ઓઢવ વિસ્તારમાંથી એક યુવતીને ગઠિયો ઉઠાવી જતાં પોલીસે ગુનો દાખલ કર્યો છે. ઓઢવમાં જીવનજ્યોત ચાર માળિયા પાસે અાવેલ ઈન્દિરાનગર ખાતે રહેતી એક યુવતીને તેના ઘર નજીકથી કોઈ અજાણ્યો શખસ ઉઠાવી જતાં પોલીસે સઘન શોધખોળ શરૂ કરી છે.

અગમચેતીરૂપે ૨૧૨ ઈસમની અટકાયત
અમદાવાદઃ શહેરમાં કાયદો અને વ્યવસ્થાની પરિસ્થિતિ જાળવવાના હેતુથી પોલીસે અગમચેતીનાં પગલાંરૂપે જુદા જુદા વિસ્તારોમાંથી ૨૧૨ ઈસમની અટકાયત કરી હતી. જ્યારે નશાબંધીના ભંગ બદલ ૧૯ દારૂડિયાને ઝડપી લઈ લોકઅપ ભેગા કર્યા હતા. અા ઉપરાંત પોલીસે પાસા હેઠળ પણ ૬ની ધરપકડ કરી જેલ ભેગા કરી દીધા છે.

બિનવારસી હાલતમાં લાશ મળી
અમદાવાદઃ સિવિલ હોસ્પિટલ કેમ્પસ નજીક ફૂટપાથ પરથી એક વૃદ્ધની લાશ બિનવારસી હાલતમાં મળી અાવી હતી. અા વૃદ્ધનું મોત બીમારીના કારણે થયું હોવાનું જાણવા મળે છે.

બીમારીથી કંટાળેલા યુવાને નદીમાં ઝંપલાવ્યું
બીમારીથી કંટાળેલા એક યુવાને નદીમાં ઝંપલાવી અાત્મહત્યા કરતાં રિવરફ્રન્ટ પોલીસે ગુનો દાખલ કરી તપાસ હાથ ધરી છે. શાહપુર વિસ્તારમાં દરવાજાના ખાંચા નજીક અાવેલી બોરડીવાળી પોલમાં રહેતા માલવ કિરિટભાઈ ત્રિવેદી નામના ૩૧ વર્ષીય યુવાન છેલ્લા કેટલાક વખતથી બીમારીથી પીડાતો હતો. બીમારીથી કંટાળેલા અા યુવાને નહેરુબ્રિજ અને એલિસબ્રિજ વચ્ચે ઘાટ નં.૮ નજીક સાબરમતી નદીમાં પડતું મૂકી અાત્મહત્યા કરી હતી. ફાયરબ્રિગેડના જવાનોએ લાશને બહાર કાઢી પીએમ માટે મોકલી અાપી હતી.

કેમિકલ કંપનીમાં ભીષણ અાગ લાગતાં દોડધામ
વડોદરા નજીક પાદરા પાસે એકલબારા ગામ નજીક અાવેલ એક કેમિકલ ફેક્ટરીમાં ભીષણ અાગ લાગતા ૨૦ લોકોને ઈજાઓ થઈ હોવાનું જાણવા મળે છે. અા અંગેની વિગત એવી છે કે પાદરા તાલુકાના એકલબારા ગામની સીમમાં પોનેરિયા કેમિકલ કંપનીના ગોડાઉનમાં મોડી સાંજે અચાનક જ કેમિકલ ભરેલાં ડ્રમમાં ભીષણ અાગ લાગતા ભારે નાસભાગ મચી ગઈ હતી. અાગ અને કેમિકલના કારણે ૨૦ જેટલા લોકોને અસર થતાં તમામને સરકારી હોસ્પિટલમાં સારવાર માટે ખસેડવામાં અાવ્યા હતા. બનાવની જાણ થતાં વડોદરા ફાયરબ્રિગેડે તાત્કાલીક પહોંચી જઈ અાગને કાબૂમાં લીધી હતી.

Navin Sharma

Recent Posts

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોની થશે કારકિર્દીક્ષેત્રે પ્રગતિ

મેષઃ સમારોહ, પારિવારિક મેળાવડાઓમાં ભાગ લઇ શકશો. તમારાં સ૫નાં અને આશાઓ વાસ્તવિકતામાં ફેરવાતાં જણાશે. પારિવારિક સંબંધો મજબૂત અને સુરક્ષિત રહેશે, તમારી…

8 hours ago

…તો મારી પાસે ટોપ બેનરની ફિલ્મો ન હોતઃ સોનમ કપૂર

સોનમ કપૂરે બોલિવૂડમાં ૧૦ વર્ષ પૂરાં કરી લીધાં છે તેમ છતાં પણ તે ટોપ ફાઇવ અભિનેત્રીઓમાં ક્યારેય સામેલ થઇ શકી…

9 hours ago

રૂ.11 લાખની ઉઘરાણી કરતાં વેવાઈ પક્ષના સંબંધીની બે ભાઈએ હત્યા કરી

અમદાવાદ; શહેરમાં નવા વર્ષથી હત્યાનો સિલસિલો શરૂ થઇ ગયો છે. દર એકાદ-બે દિવસે અલગ અલગ કારણોસર હત્યાના બનાવ બની રહ્યા…

9 hours ago

નર્મદાનાં પાણીમાં પેસ્ટિસાઈડ્સનું પ્રમાણ ચકાસવા મશીન મુકાશે

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા શહેરીજનોને ખુલ્લી નર્મદા કેનાલમાંથી પીવાનું પાણી પૂરું પડાતું હોઇ આ પાણીમાં ભળતાં પેસ્ટિસાઇડ્સ(જંતુનાશક દવાઓ)ના પૃથક્કરણ…

9 hours ago

એક તરફી પ્રેમમાં પાગલ યુવાને સિવિલનાં મહિલા ડોક્ટરની ઊંઘ હરામ કરી

અમદાવાદ: સિવિલ હોસ્પિટલના રે‌િડયોલોજી વિભાગમાં ફરજ બજાવતી એક રે‌િસડન્ટ ડોક્ટર યુવતીએ શાહીબાગમાં રહેતા એક યુવક વિરુદ્ધમાં અશ્લીલ ચેનચાળા કરવા અંગેની…

9 hours ago

ઓસ્ટ્રેલિયા પ્રવાસઃ કરો ‘નવા યુગ’ની શરૂઆત

નવી દિલ્હીઃ ભારતીય ક્રિકેટ ટીમ ઓસ્ટ્રેલિયા પહોંચી ચૂકી છે અને તા. ૨૧ ને બુધવારથી શરૂ થઈ રહેલી ત્રણ મેચની ટી-૨૦…

9 hours ago