Categories: Gujarat

VIDEO: પ્રવિણ તોગડિયાનાં ગુમ થવા મામલે ક્રાઇમ બ્રાન્ચે યોજી પ્રેસ કોન્ફરન્સ

અમદાવાદઃ વિશ્વ હિંદુ પરિષદનાં અધ્યક્ષ પ્રવિણ તોગડિયાની પોલીસ દ્વારા અટકાયત કરવામાં આવી છે. જેને લીધે વાતાવરણ ઘણું જ ગંભીર બની ગયું છે. તમને જણાવી દઇએ કે 10 વર્ષ જૂના કેસમાં રાજસ્થાનનાં ગંગાનગરની પોલીસે અમદાવાદમાંથી પ્રવિણ તોગડિયાની અટકાયત કરી છે.

પ્રવિણ તોગડિયાની અટકાયત કરી પોલીસ તેઓને સોલા પોલીસ સ્ટેશન લઇ ગઇ હતી. જેને લઇ વાતાવરણ ઘણું ગંભીર બનતા ત્યાં વિશ્વ હિન્દુ પરિષદનાં કાર્યકરો એકઠાં થઇ ગયાં હતાં. તેઓએ સોલા પોલીસ સ્ટેશનની આસપાસનાં વિસ્તારમાં એટલે કે એસ.જી હાઇવે પર વિરોધ કરી ચક્કાજામ કર્યો હતો. કાર્યકર્તાઓએ અમદાવાદમાં એસ.જી હાઇ-વે પર રસ્તા પર બેસીને વાહનો અટકાવ્યા હતાં. જેને લઇ હાઇ-વે પર વાહનોની લાંબી કતાર લાગી ગઇ હતી.”

ઉલ્લેખનીય છે કે રાજસ્થાન પોલીસે તોગડિયાની અટકાયત કરી અજ્ઞાત સ્થળે લઈ ગઈ હોવાની પણ ચર્ચા ચાલી રહી છે ત્યારે આ સમગ્ર મામલે ક્રાઈમ બ્રાન્ચે પત્રકાર પરિષદ યોજીને સ્પષ્ટતા કરી છે. ક્રાઈમ બ્રાન્ચ જેસીપીનાં જણાવ્યા પ્રમાણે એવું કહેવાય છે કે,”રાજસ્થાનમાં પ્રવીણ તોગડિયા સામે ફરિયાદ નોંધાઈ હતી.

જે બાદ રાજસ્થાન પોલીસે પ્રવીણ તોગડિયાની ધરપકડ માટે અમદાવાદની સોલા પોલીસની મદદ માગી હતી. ત્યાર બાદ પોલીસ તોગડિયાનાં ઘરે પહોંચી હતી પરંતુ તોગડિયા નિવાસ સ્થાને ન મળતા રાજસ્થાન પોલીસ પરત ફરી હતી.

રાજસ્થાન પોલીસે પ્રવીણ તોગડિયાની ધરપકડ કરી નથી. આ સાથે જ જેસીપીએ જણાવ્યું હતું કે પ્રવિણ તોગડિયા સવારે 10.30 કલાકે પોતાનાં નિવાસ સ્થાનેથી નિકળ્યાં હતાં. જે બાદ મોડી રાત્રે તેઓ VHPમાં કાર્યાલય ખાતે પહોંચ્યાં હતાં. જ્યાંથી તોગડિયા પોતાના સિક્યોરિટી ગાર્ડને અડધો કલાકનું કહી રીક્ષામાં બેસીને બહાર ગયાં હતાં.

પ્રવિણ તોગડિયા પોતાનાં કાર્યાલયથી એક દાઢીવાળા માણસ સાથે ગયા હોવાનું પણ જાણવા મળી રહ્યું છે. જેથી પોલીસ દ્વારા હાલ CCTV કેમેરાની પણ તપાસ કરવામાં આવી રહી છે.

ક્રાઈમ બ્રાન્ચ જેસીપીનાં જણાવ્યા પ્રમાણે, હાલ તોગડિયાની શોધખોળ માટે સ્પેશિયલ ટીમ પણ બનાવાઈ છે. લોકોએ જરા પણ ચિંતા કરવાની જરૂર નથી. અમે તપાસ કરીએ જ છીએ. જો કે આ મામલે VHP દ્વારા હજુ સુધી કોઈ જ ફરિયાદ પણ નોંધાવવામાં આવી નથી.”

Dhruv Brahmbhatt

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

4 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

5 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

6 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

7 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

7 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

7 hours ago