Categories: Gujarat

અમદાવાદ સેશન્સ કોર્ટનો હાર્દિકને વધુ એક ઝટકો

અમદાવાદ: હાર્દિક પટેલને રાજદ્રોહના ગુનામાં જામીન આપવા માટે સુરત સેશન્સ કોર્ટે ઈન્કાર કર્યા બાદ અમદાવાદ સેશન્સ કોર્ટે હાર્દિકની જામીન અરજીને ફગાવી દઈને વધુ એક ઝટકો આપ્યો હતો.  પાટીદાર અનામત આંદોલન સમિતિ (પાસ)ના કન્વીનર હાર્દિક પટેલ એન્ડ મંડળીએ રાજ્યમાં કરેલી ૧પર જેટલી સભાઓ અને ટેલિફોનિક સંવાદોના આધારે અમદાવાદ ક્રાઈમ બ્રાન્ચ દ્વારા તેમની સામે રાજદ્રોહની કલમ હેઠળ ફરિયાદ નોંધવામાં આવી હતી. આ મામલે હાર્દિક પટેલ, ચિરાગ પટેલ અને દિનેશ બાંભણિયાની અમદાવાદ ક્રાઈમ બ્રાન્ચ દ્વારા ધરપકડ કરીને તેમના ફોજદારી કોર્ટમાં રિમાન્ડ મેળવ્યા હતા. આથી હાર્દિક પટેલ સહિત ત્રણેય આરોપીઓએ કાયમી જામીન મેળવવા માટે અમદાવાદ એડિશનલ સેશન્સ જજ એન.જી. દવેની કોર્ટમાં જામીન અરજી કરી હતી.

આ અરજી અંગે એડિશનલ સેશન્સ જજ એન.જી. દવેએ પોતાનો ચુકાદો જાહેર કરીને હાર્દિક પટેલ, ચિરાગ પટેલ અને દિનેશ બાંભણિયાને જામીન આપવાનો સાફ ઈન્કાર કરી દીધો હતો. કોર્ટે આરોપીઓની જામીન અરજી ફગાવતા કહ્યું હતું કે જો આરોપીઓને જામીન અપાય તો રાજ્યમાં કાયદો અને વ્યવસ્થાની પરિસ્થિતિ જોખમાય તેવી શક્યતા છે. આ કેસમાં આરોપીઓ વિરુદ્ધ પ્રથમ દર્શનીય ગુનો જણાય છે અને ગુનાની ગંભીરતા જોતા હાલના તબક્કે જામીન આપી શકાય તેમ નથી.

પાસના કન્વીનર હાર્દિક પટેલ અને તેના સાથીદારો દ્વારા તા. રપ ઓગસ્ટના રોજ જે ભડકાઉ ભાષણ કરાયા હતા અને ત્યાર બાદ તા. રપ અને ર૬ ઓગસ્ટના રોજ જે તોફાનો ફાટી નીકળ્યા હતા. જેના અનુસંધાને ક્રાઈમ બ્રાન્ચ દ્વારા હાર્દિક પટેલ અને તેના સાથીદારોની ધરપકડ કરીને તેમની સામે રાજદ્રોહનો ગુનો નોંધવામાં આવ્યો હતો. આ કેસમાં હાર્દિક પટેલ અને તેના સાથીઓ ચિરાગ પટેલ અને દિનેશ બાંભણિયાએ જામીન મેળવવા અમદાવાદ સેશન્સ કોર્ટમાં જામીન અરજી કરી હતી. જેમાં સરકાર પક્ષ દ્વારા સખત વિરોધ કરાયો હતો.

હાર્દિક પટેલ તથા તેના સાથીઓ દ્વારા એવો બચાવ રજૂ કરાયો હતો કે પોલીસે તેમની વિરુદ્ધ બિલકુલ ખોટી રીતે કેસ કર્યો છે અને રાજકીય કિન્નાખોરી રાખીને તેમને ફસાવવામાં આવ્યા છે. જો કે કોર્ટે તેમના બચાવને ફગાવ્યો હતો.  એડિશનલ સેશન્સ કોર્ટ દ્વારા હાર્દિક અને તેના સાથીઓની જામીન અરજીને ફગાવી દેવાતાં હવે તેઓએ હાઈકોર્ટમાં જામીન અરજી કરવી પડશે.

divyesh

Recent Posts

એશિયા કપઃ પાકિસ્તાન સામે ભારતનો ભવ્ય વિજય, 8 વિકેટે આપ્યો પરાજય

દુબઇઃ એશિયા કપમાં આજે ટીમ ઇન્ડીયા અને પાકિસ્તાન વચ્ચે પાંચમી એવી ભવ્ય મેચનો દુબઇમાં મુકાબલો થયો. જેમાં પાકિસ્તાનની ટીમે 43…

9 hours ago

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

10 hours ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

11 hours ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

12 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

13 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

14 hours ago