Categories: Gujarat

ભ્રષ્ટાચારનાં થીંગડાં

અમદાવાદ: સમગ્ર શહેરમાં રસ્તાનું હલકી ગુણવત્તાના કારણે ધોવાણ થવાથી ઠેર ઠેર ખાડા પડ્યા છે. હવે કોર્પોરેશન ખાડાઓ પૂરવાની મથામણમાં પડ્યું છે, પરંતુ તંત્રની રસ્તાને થીંગડાં મારવાની કામગીરી એટલી હદે કંગાળ પુરવાર થઇ છે કે લોકો કટાક્ષમાં આ થીંગડાંઓને ભ્રષ્ટાચારનાં થીંગડાં તરીકે ઓળખાવી  રહ્યા છે.

નવા પશ્ચિમ ઝોનના સત્તાવાળાઓએ ઠેર ઠેર રસ્તા પર પેચવર્કની કામગીરી હાથ ધરી છે, પરંતુ આ પેચવર્કની કામગીરી ટીકા પાત્ર બની છે. સો મીટર કે બસો મીટરના રસ્તાના ખાડા પૂરવામાં પણ કોર્પોરેશને લેવ‌િલંગ જાળવ્યું નથી. એક પછી એક ચારથી પાંચ સ્તરના ડામરના રગડા જોવા મળી રહ્યા છે. ક્યાંક ક્યાંક તો મૂળ રસ્તા કરતાં ડામર-કપચીના થર અડધા ફૂટથી ઊંચે ચઢ્યો છે.

સ્માર્ટ સિટીની ગુલબાંગો વચ્ચે રસ્તાના કામો ઢંગધડા વગર થઈ રહ્યા છે. લાખો-કરોડોનો કોન્ટ્રાક્ટ મેળવતા કોન્ટ્રાક્ટરો અાડેધડ પેચવર્કના નામે થીંગડાં મારે છે. તેની સામે મ્યુનિ. તંત્ર અાંખમિચામણા કરી રહ્યું છે. મ્યુનિ. અધિકારીઅો અને કોન્ટ્રાક્ટરોની ભ્રષ્ટ સાંઠગાંઠના કારણે અત્યારે શહેરમાં અમુક રોડને બાદ કરતા મોટાભાગના રોડ થીંગડાંવાળા બની ગયા છે. પેચવર્કના નામે થીંગડાં મરાય છે. પણ રોલ પણ યોગ્ય રીતે ફેરવાતું નથી.

ચાર રસ્તા પરનાં પેચવર્ક પણ ઊબડખાબડ રીતે તૈયાર થયાં છે. આવા ઊબડખાબડ રસ્તાથી વાહનચાલકો પરેશાનીમાં મુકાયા છે. વેજલપુર, જોધપુર, બોડકદેવ, સેટેલાઈટ સહિત શહેરભરમાં ફકત કપચી જ નજરે પડે છે. જે કપચીઓ અત્યારથી ઊખડી ગઇ છે. ઉખડેલી કપચી ઊડી ઊડીને વાહનચાલકોને ઇજાગ્રસ્ત કરી રહી છે. સાવ વાહિયાત રીતે મ્ય્ુનિ. સત્તાધીશોએ રસ્તાના ખાડા પૂરવા લીધા હોઇ નાગરિકો રોષે ભરાયા છે.

નબળી ગુણવત્તાની ફરિયાદ અંગે ચોક્કસ તપાસ કરાશેઃ જતીન પટેલ
રોડ-બિલ્ડિંગ કમિટીના ચેરમેન જતીન પટેલ કહે છે કે, ‘જે જે સ્થળોની નબળી ગુણવત્તાની ફરિયાદ ઊઠી છે તે તમામ સ્થળોની કામગીરીની ચોક્કસ તપાસ કરાશે.’

એક સ્થળે ફરિયાદ હતી, જેને દૂર કરાઇ છેઃ એન. કે. મોદી
નવા પશ્ચિમ ઝોનના એડિશનલ સિટી ઇજનેર એન. કે. મોદી કહે છે કે, ‘નવા પશ્ચિમ ઝોનમાં એક જ સ્થાનેથી ફરિયાદ મળી હતી, જેને દૂર કરાઇ છે. હવે ક્યાંયથી કોઇ ફરિયાદ નથી. કોન્ટ્રાકટરે સંતોષકારક કામગીરી કરી છે.’ અાશરે ૧૫થી ૨૦ લાખના ખર્ચે પેચવર્કના કામો હાથ ધરાયા હતા. જે ચાર દિવસથી બંધ છે.

divyesh

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

4 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

5 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

6 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

7 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

8 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

9 hours ago