Karnataka: કોંગ્રેસના બે ઉપમુખ્યમંત્રીના પ્રસ્તાવને ફગાવી દેતું જેડીએસ

કર્ણાટકમાં ભાવિ મુખ્યમંત્રી એચડી કુમારસ્વામીએ સોમવારે સોનિયા ગાંધી અને કોંગ્રેસના અધ્યક્ષ રાહુલ ગાંધી સાથે મુલાકાત કરી હતી. આ દરમિયાન ત્રણેય નેતાઓએ કર્ણાટકમાં મંત્રિમંડળના ગઠન અને બંને પક્ષ વચ્ચેના પોર્ટફોલિયોની વહેંચણી પર ચર્ચા કરી હતી.

સૂત્રોને મળતી જાણકારી મુજબ કોંગ્રેસે સંતુલન બનાવી રાખવા બે ઉપમુખ્યમંત્રી બનાવવા પર જોર આપ્યું હતું, પરંતુ જેડીએસએ આ પ્રસ્તાવ ફગાવી દીધો હતો. ઉપમુખ્યમંત્રી પદની રેસમાં સૌથી આગળ કોંગ્રેસના પ્રદેશ અધ્યક્ષ જી. પરમેશ્વારનું નામ છે. રાહુલ ગાંધીના તુગલકાબાદ સ્થિત નિવાસસ્થાને યોજાયેલ બેઠકમાં મંત્રિમંડળ ગઠન પર 20 મિનીટ ચર્ચા કરવામાં આવી હતી.

આ બેઠક અગાઉ કુમારસ્વામીએ કહ્યું હતું કે બંને પાર્ટીઓ વચ્ચે કોઇપણ પ્રકારની સોદાબાજી કરવામાં આવશે નહીં. બંને પક્ષ સાથે મળીને કામ કરશે. તેઓ કોંગ્રેસ મોવડીમંડળ પાસે સલાહ લેવા આવ્યા છે. આ બેઠક બાદ જેડીએસ નેતાએ કહ્યું કે તેમણે કોંગ્રેસ અધ્યક્ષ રાહુલ ગાંધી અને સોનિયા ગાંધીને શપથ ગ્રહણ સમારોહમાં આવવાનું આમંત્રણ આપ્યું છે. તેઓ બંને શપથગ્રહણ સમારોહમાં આશે.

તેની સિવાય કર્ણાટકના પ્રભારી કેસી વેણુગોપલ પણ ઉપસ્થિત રહેશે. આ અગાઉ કુમારસ્વામીએ કહ્યું કે જેડીએસ અને કોંગ્રેસ રાજ્યમાં સ્થિર તેમજ મજબુત સરકાર આપશે. કુમારસ્વામી 23 મેના રોજ કર્ણાટકના મુખ્યમંત્રી પદની શપથ લેશે. કુમારસ્વામીએ બસપા પ્રમુખ માયાવતી સાથે મુલાકાત કી લોકસભા ચૂંટણીમાં ક્ષેત્રીય દળની ભુમિકા પર ચર્ચા કરી..

You might also like