Categories: Gujarat

કોંગ્રેસના ૧૫૦થી વધુ ઉમેદવાર ૫૦થી નાની ઉંમરના

અમદાવાદ: કોર્પોરેશનની ચૂંટણીમાં કોંગ્રેસનો ૧૯૨ ઉમેદવાર પૈકી ૧૫૬ ઉમેદવાર પહેલી વખત ચૂંટણીજંગ લડવાના છે. આમ કોંગ્રેસ ઉમેદવારોની પસંદગીના મામલે ‘ફ્રેશ ફ્રેશ’ છે. તો આની સાથે સાથે કોંગ્રેસ ‘યંગ યંગ’ પણ છે. કેમ કે કોંગ્રેસના ૮૦ ટકા ઉમેદવાર પચાસ વર્ષથી નાની ઉંમરના છે.
પ્રજામાં એન્ટી ઈન્કમબન્સી, પાટીદાર આંદોલન વગેરે પરિબળોથી કોંગ્રેસની છાવણીમાં ચૂંટણીની જાહેરાત અગાઉથી કોર્પોરેશનમાં દસ વર્ષથી ચાલતા ભાજપ શાસન હટાવવાનો ઉત્સાહ જોવા મળતો હતો. જેના કારણે કોંગ્રેસ હાઈકમાન્ડે ઉમેદવારોની પસંદગીમાં ફૂંકી ફૂંકીને પગલાં ભર્યાં હતાં.

પક્ષના ૩૮ ચાલુ કોર્પોરેટર પૈકી ૨૨ કોર્પોરેટરને ઘરે બેસાડીને ‘નવા’ ચહેરાઓને તક આપી છે.
એક તરફ ભાજપે ઉમેદવારીની પસંદગીમાં જૂના જોગીઓને વધુ પસંદ કર્યા છે. પીઢ અને વરિષ્ઠ કાર્યકરોને મેદાનમાં ઉતાર્યા છે. ૨૦૦૫ની ચૂંટણી લડેલા કે તે વખતે કપાયેલાઓને બોલાવી બોલાવીને ફરીથી ટિકિટ અાપી છે. બીજી તરફ કોંગ્રેસના ઉમેદવારો ફક્ત નવા ચહેરાઓને જ ધરાવતા નથી પરંતુ યુવા ચહેરાઓથી પણ ભરપૂર છે.

કોંગ્રેસના ૧૫૦થી વધુ ઉમેદવારો પચાસ વર્ષથી નાની ઉંમરના છે. એટલે કે યુવાઓ છે. ૨૧થી ૩૦ વર્ષની વયજૂથના ૧૫થી વધુ ઉમેદવારો છે. ૩૧થી ૪૦ વર્ષની વયજૂથના ૪૫થી વધુ ઉમેદવારો છે. ૪૧થી ૫૦ વર્ષની વયજૂથના ૫૫થી વધુ ઉમેદવારો છે. જ્યારે ૫૧થી ઉંપરની ઉંમરના એટલે કે ઉંમરલાયક ઉમેદવારોની સંખ્યા ફક્ત પાંત્રીસેક જેટલી જ છે. પણ નેતૃત્ત્વએ પ્રારંભથી યુવા તાજગીસભર સ્વચ્છ પ્રતિભા ધરાવતા ચહેરાઓને ઉમેદવારો તરીકે પસંદ કરવા પર ભાર મૂક્યો હતો અને તે પ્રમાણે જ ઉમેદવારો પસંદ કરાયા હોવાનું કોંગ્રેસનાં ટોચનાં સૂત્રોએ જણાવ્યું છે.

admin

Recent Posts

શોપિયામાંથી અપહરણ કરાયેલા ત્રણ પોલીસ અધિકારીની હત્યાઃ એકને છોડી મૂક્યો

શ્રીનગર: જમ્મુ-કાશ્મીરના શોપિયામાં આતંકવાદીઓએ આજે સવારે જે ત્રણ સ્પેશિયલ પોલીસ ઓફિસર (એસપીઓ) અને ચાર પોલીસકર્મીઓનાં અપહરણ કર્યાં હતાં તેમાંથી આતંકવાદીઓએ…

48 mins ago

ખંડિત સ્ટેચ્યૂ, તૂટેલી રેલિંગ… શહેરની શોભા વધારતા ટ્રાફિક આઇલેન્ડની આ છે હાલત

અમદાવાદ: અમદાવાદ મ્યુનિસિપલ કોર્પોરેશને શહેરના વિવિધ ટ્રાફિક આઇલેન્ડની શોભા વધારવા માટે અલગ અલગ થીમ પર સ્ટેચ્યૂ મૂક્યાં છે જે હાલ…

1 hour ago

અનંત ચતુર્દશીએ શ્રીજીની પ્રતિમાના વિસર્જન માટે 34 કુંડ બનાવાયા

અમદાવાદ: આવતા રવિવારે અનંત ચતુર્દશી હોઈ દુંદાળાદેવ ગણેશજીની મૂર્તિની દશ દિવસ માટે પ્રતિષ્ઠા કરનારા ભક્તો દ્વારા શ્રદ્ધા અને ભાવપૂર્વક વિસર્જન…

1 hour ago

દબાણખાતા અને પોલીસને પૈસા આપવા તેમ કહી લારીવાળાઓને લુખ્ખા તત્વોની ધમકી

અમદાવાદ: શહેરમાં અાડેધડ પાર્કિંગ અને રોડ પર ગેરકાયદે દબાણને લઇને ટ્રાફિક પોલીસ દ્વારા ઝુંબેશ ચલાવી ટ્રાફિક સમસ્યા હલ કરવાના પ્રયાસો…

1 hour ago

મ્યુનિ. ઢોર પકડવામાં-પશુપાલકો તેના રજિસ્ટ્રેશન માટે ઉદાસીન

અમદાવાદ: હાઈકોર્ટના કડક આદેશ છતાં શહેરમાં રખડતાં ઢોર અને ખાસ કરીને ગાયોનાે ત્રાસ હજુ ઓછો થયો નથી. અનેક વિસ્તારમાં ગાયોના…

2 hours ago

બેન્કમાં જ યુવકનાં રોકડ અને મોબાઈલ લૂંટી બે શખસો ફરાર

અમદાવાદ: હેબતપુર ગામમાં રહેતા અને થલતેજની એક કંપનીમાં નોકરી કરતા યુવક પાસેથી કોઇ બે અજાણ્યા શખસ બેન્કમાં લાઇનમાં ઊભા રહેવાની…

2 hours ago