Categories: India

જ્યારે મુલાયમની કારને ગોળીઓથી વિંધીને ચાળણી બનાવી દેવાઈ હતી

લખનૌ: વડા પ્રધાન નરેન્દ્ર મોદીએ યુપીના મુખ્યપ્રધાન અખિલેશ યાદવને યાદ અપાવ્યું હતું કે ૩૩ વર્ષ પહેલાં કોંગ્રસના ઈશારે તેમના પિતા મુલાયમસિંહ યાદવ પર જીવલેણ હુમલો થયો હતો. તે વખતે કોંગ્રેસ યુપીમાં સત્તા પર હતી અને મુલાયમસિંહ ચરણસિંહના ભારતીય લોકદળના નેતા હતા. ૮ માર્ચ ૧૯૮૪ના રોજ ઈન્ડિયન એક્સપ્રેસ જૂથના હિંદી અખબાર જનસત્તાએ ‘મુલાયમસિંહ યાદવ પર હુમલો’ એવા મથાળા હેઠળ આ સમાચાર છાપ્યા હતા.

મુલાયમસિંહ પર થયેલા આ હુમલાની વિગતો એવી છે કે ઉત્તર પ્રદેશમાં લોકતાંત્રિક મોરચો અને વિધાન પરિષદમાં વિપક્ષી નેતા મુલાયમસિંહ યાદવ પર ૭ માર્ચ ૧૯૮૪ના રોજ જીવલેણ હુમલો થયો હતો. તેમની કારની આગળ બાઈક ચલાવી રહેલા છોટાલાલ નામનું શખસનું ઘટના સ્થળે જ મૃત્યુ થયું હતું અને એક અન્ય શખ્સ નેત્રપાલ ગંભીર રીતે ઘાયલ થયો હતો. મુલાયમ જ્યારે મેનપુર જિલ્લાથી ઈટાવા તરફ પરત આવી રહ્યા હતા ત્યારે હુમલાની આ ઘટના બની હતી.

આ ઘટના અંગે મુલાયમસિંહે જણાવ્યું હતું કે હું ૨જી માર્ચથી ઈટાવાના પ્રવાસ પર હતો જ્યાં તેમની રેલીઓ યોજાવાની હતી. ૭ માર્ચના રોજ સાંજે ૫.૦૦ વાગ્યે ઈટાવા અને મેનપુરીની સરહદ પર આવેલા જિંગપુર ગામમાં એક બેઠક સંબોધવાના હતા. ત્યાર બાદ તેમને મહીખેડા ગામમાં પોતાના એક મિત્રને મળવા જવાનું હતું. અહીંથી તેઓ ૯.૩૦ વાગ્યે મેનપુરી જવા નીકળ્યા હતા અને ૮૦૦ મીટર દૂર જતાં જ તેમણે પોતાની કારની આગળ ફાયરિંગના અવાજો સાંભળ્યા હતા.

મુલાયમસિંહના ડ્રાઈવરે જોયું કે કારની આગળ બાઈકસવારો નીચે પડવા લાગ્યા હતા અને ત્યાર બાદ મુલાયમસિંહની ગાડીમાં આગ લાગી હતી. મુલાયમસિંહના સુરક્ષા દળોએ વળતો હુમલો કર્યો હતો અને અડધો કલાક ફાયરિંગ ચાલ્યું હતું. જ્યારે ફાયરિંગ બંધ થઈ ગયું ત્યારે પોલીસે એક સિક્યોરિટી કોર્ડન કરીને એક જીપમાં મુલાયમસિંહને બેસાડીને કુર્રા પોલીસ સ્ટેશન લઈ ગઈ હતી.

આ ઘટના બાદ મુલાયમસિંહની કાર પર ગોળીઓનાં નવ નિશાન જોવા મળ્યા હતા. આમ એ દિવસે હુમલાખોરોએ મુલાયમસિંહની ગાડી પર ફાયરિંગ કરીને તેને ચાળણી જેવી બનાવી દીધી હતી. રાજ્યના ગ્રામીણ વિકાસ પ્રધાન બલરામસિંહ યાદવના સમર્થકો પર હુમલો કરાવવાનો આક્ષેપ કરવામાં આવ્યો હતો.
http://sambhaavnews.com/

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

5 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

5 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

5 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

6 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

6 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

6 hours ago