PM મોદીની વિદેશ યાત્રાઓ પર કોંગ્રેસે રાજયસભામાં ઘેરાવો કર્યો

નવી દિલ્હી: રાજ્યસભામાં આજે વિદેશ નીતિ પર થયેલી ચર્ચા દરમિયાન કોંગ્રેસએ પ્રધાનમંત્રી નરેન્દ્ર મોદીની વિદેશ યાત્રાઓ અને ભારતની વર્તમાન વિદેશ નીતિ પર પ્રશ્નો ઊઠાવ્યા. કોંગ્રેસ નેતા આનંદ શર્માએ મોદીને ડોકલામમાં ચીનની સાથે ચાલુ રહેલા તણાવ, પાકિસ્તાન અને નેપાળની સાથે સંબંધને લઇને જવાબ આપવા કહ્યું.

શર્માએ કહ્યું કે પાકિસ્તાનના મુદ્દા પર સરકારની નીતિ સ્પષ્ટ નથી, પહેલા કહે છે કે વાત કરીશું પરંતુ એક જ વખતમાં વાતને પૂરી પણ કરી દેવામાં આવે છે. એમણે કહ્યું કે એવું તો શું થયું ભારતના પ્રધાનમંત્રી અફઘાનિસ્તાનની યાત્રાથી પરત ફરીને લાહોર ચાલ્યા ગયા. જ્યારે પીએમ પાકિસ્તાનની જમીન પર ઊતર્યા તો ત્યાં તેમને ના સલામી મળી અને ના ગાર્ડ ઓફ ઓનર મળ્યો પરંતુ ભેટમાં આતંકવાદી હુમલા મળ્યા.

શર્માએ કહ્યું કે પ્રધાનમંત્રી અત્યાર સુધી 69 દેશોની યાત્રા કરી ચૂક્યા છે. પરંતુ કહેતા પણ નથી કે શું વાત થઇ. પીએમ પાંચ વખત અમેરિકા જઇ આવ્યા છે. પ્લેનમાં એકલા જાય છે. પ્લેનમાંથી ઊતરવાનો પ્રોટોકોલ હોય છે, પરંતુ એકલા ઊતરે છે કારણ કે કોઇ ફ્રેમમાં રહે નહીં. પહેલા એમણે કહ્યું હતું કે 1 ની જગ્યાએ 10 માથા લાવશે. પરંતુ કૂટનીતિ હલ્કાપણાથી ચાલતી નથી. શર્માએ કહ્યું કે હાલમાં જ એનએસએ અજીત ડોભાલ પણ ચીન ગયા હતા, પરંતુ શું વાત થઇ કોઇને ખબર નથી. તો બીજા બાજુ નેતા વિપક્ષ ગુલામ નબી આઝાદે ચર્ચા દરમિયાન પીએમના હાજર રહેવાનો મુદ્દો પણ ઊઠાવ્યો હતો પરંતુ સુષ્માએ કહ્યું કે પીએમ આ ચર્ચામાં હાજર રહેશે નહીં.

http://sambhaavnews.com/

You might also like