CM રૂપાણીનાં નિવેદનથી બિલ્ડરોને ફટકો, હવે નહીં મળે મરજી મુજબનાં લાભ

બિલ્ડરોને અપાતી છૂટ મામલે રાજ્ય સરકારે એક મોટો નિર્ણય લીધો છે. હવેથી ખાસ કિસ્સામાં બિલ્ડરોને અપાતા લાભો બંધ કરાયાં છે. મુખ્યમંત્રી વિજય રૂપાણીએ આ અંગે માહિતી આપી છે. તેમણે કહ્યું કે,”ખોટી રીતે લાભ લેવા માટે બિલ્ડરોએ ધક્કા ખાવા નહીં. કારણ કે હવે કલમ 29 હેઠળ ખાસ કિસ્સામાં અપાતા એફએસઆઇનાં લાભ બંધ કરી દેવામાં આવ્યાં છે.”

મુખ્યમંત્રી રૂપાણીનાં આ નિવેદનથી બિલ્ડર લોબીને મોટો ફટકો પડ્યો છે. મહત્વનું છે કે વીટીવીએ આ અંગે મોટી મુહિમ ઉપાડી છે. ચૂંટણી પહેલાં 44 જેટલાં બિલ્ડરોએ કલમ 29 હેઠળ ખાસ કિસ્સામાં ચારથી વધુ એફએસઆઇ મેળવી હતી. પરંતુ હવે તમામ પ્રક્રિયા ઓનલાઇન થતાં આ પ્રકારની લાગવગશાહી પર કાયમી રોક લાગી જશે.

મહત્વનું છે કે ચૂંટણી પહેલાં કેટલાંક બિલ્ડરોએ 4થી વધુની FSI મેળવી લીધી હતી. FSI એટલે કે જેમાં સરકાર દ્વારા બિલ્ડરોને યોગ્ય જરૂરી લાભો આપવામાં આવે છે. પરંતુ હવે ગુજરાત સરકાર દ્વારા બિલ્ડરોને કોઇ પણ પ્રકારની ગેરમાન્ય સુવિધાઓ આપવામાં આવશે નહીં. 44 જેટલાં બિલ્ડરોએ કલમ 29 હેઠળ વધુ FSI મેળવી હતી. પરંતુ હવે ગુજરાત સરકાર કોઈને પણ ખોટા લાભ નહીં આપે. હવે માત્ર ઓનલાઈનથી જ જે પણ કાયદેસર હશે તેને જ પરમિશન મળશે.

You might also like