ચીની સેનાએ ઓગસ્ટમાં ભારતીય સરહદમાં ચાર કિ.મી. સુધી ત્રણ વખત ઘૂસણખોરી કરી

નવી દિલ્હી: ડોકલામ વિવાદ બાદ ચીને વધુ એક વખત ભારતીય સરહદમાં અતિક્રમણ અને ઘૂસણખોરીને અંજામ આપવાની કોશિશ કરી છે. ભારત અને ચીન વચ્ચે છેલ્લા કેટલાક સમયથી સરહદે વિવાદ જારી છે. ચીન સતત દોસ્તીનો બહારથી દાવો કરે છે, પરંતુ અંદરખાને તેની ભારત વિરોધી પ્રવૃત્તિ સતત જારી છે.

આઇટીબીપીના અહેવાલો અનુસાર ઓગસ્ટ મહિનામાં ચીની સેનાએ ભારતીય સરહદમાં ત્રણ વખત ઘૂસણખોરી કરી હતી. ચીને ઉત્તરાખંડના બારાહોતીમાં ૬ ઓગસ્ટ, ૧૪ ઓગસ્ટ અને ૧પ ઓગસ્ટના રોજ ઘૂસણખોરી કરી હતી. આ દરમિયાન ચીનની સેના પીએલએના સૈનિકો અને કેટલાક સિવિલિયનો બારાહોતીની રીમથીમ પોસ્ટ નજીક જોવા મળ્યા હતા.

રિપોર્ટમાં જણાવ્યા પ્રમાણે ચીની સૈનિકો લગભગ ચાર કિ.મી. સુધી ભારતીય સીમામાં ઘૂસી આવ્યા હતા. આપણો દેશ જયારે ૧પ ઓગસ્ટના રોજ સ્વાતંત્ર્યદિન મનાવી રહ્યો હતો ત્યારે ચીની સૈનિકો ભારતીય સરહદમાં ઘૂસણખોરી કરી રહ્યા હતા. આઇટીબીપીના સખત વિરોધ બાદ ચીનના સૈનિકો અને તેના નાગરિકોને પીછેહઠ કરવી પડી હતી.

સિક્કિમ અને ભુતાનની સરહદ પર આવેલ ડોકલામમાં પણ ચીનના સૈનિકોએ ગઇ સાલ કેટલાયે મહિનાઓ સુધી ડેરા તંબૂ તાણી રાખ્યા હતા. તેની સામે ભારતે વિરોધ કર્યો હતો અને લગભગ ૭૦ દિવસ સુધી બંને દેશોના સૈ‌નિકો સામસામે અડીંગો જમાવીને બેસી ગયા હતા. જોકે પાછળથી આ વિવાદ ઉકેલાઇ ગયો હતો, પરંતુ આ દરમિયાન બંને દેશો વચ્ચે ભારે તણાવ પેદા થયો હતો.

બંને દેશોની સરકાર બોર્ડર પર શાંતિની વાતો કરે છે, પરંતુ વાસ્તવિક સ્તરે પરિસ્થિતિ અલગ જ છે અને ચીન જ્યારે પણ મોકો મળે છે ત્યારે ભારતીય સરહદમાં ઘૂસણખોરી કરવાની એક પણ તક જતું કરતું નથી.

divyesh

Recent Posts

ભરેલાં ટામેટાં બનાવો આ રીતે ઘરે, ખાશો તો આંગળા ચાટતા રહી જશો

બનાવવા માટેની સામગ્રી: લાલ કડક ટામેટાં: ૧૦ જેટલાં નાના ઝીણું ખમણેલું લીલું કોપરું: ૪ ચમચાં આખા ધાણાં: ૪ ચમચા મરીઃ…

4 mins ago

નહેરુનાં કારણે આજે એક ચા વાળો બન્યો દેશનો વડા પ્રધાનઃ શશી થરુર

નવી દિલ્હીઃ કોંગ્રેસનાં નેતા શશી થરુરે વધુ એક વખત વડા પ્રધાન નરેન્દ્ર મોદી સામે નિશાન સાધ્યું છે. શશી થરુરે એક…

50 mins ago

ફિટનેસ અંગે પરિણીતિએ કહ્યું,”ખાણી-પીણીમાં રાખવું પડે છે ખૂબ ધ્યાન”

બોલિવૂડ અભિનેત્રી પરિણી‌તિ ચોપરાએ છ વર્ષની કારકિર્દીમાં જે ફિલ્મો કરી તેમાંથી કેટલીક હિટ રહી તો કેટલીક ફ્લોપ. તાજેતરમાં તેની 'નમસ્તે…

1 hour ago

જલારામ જયંતીઃ ‘જય જલિયાણ’નાં જયઘોષ સાથે વીરપુરમાં ઉમટ્યાં હજારો શ્રદ્ધાળુઓ

પૃથ્વી ઉપર કેટલાંક દિવ્ય આત્મા જ્યારે જન્મ લે છે ત્યારે તેમના અપાર પુણ્યનાં કારણે તથા તેમનાં દિવ્યાત્માનાં કારણે આજુબાજુનું તમામ…

2 hours ago

મહિલા T-૨૦ વર્લ્ડકપઃ લેસ્બિયન કપલે ટીમને અપાવી એક તરફી જીત

ગયાનાઃ વિન્ડીઝમાં રમાઈ રહેલા મહિલા ટી-૨૦ વર્લ્ડકપમાં એક એવી ઘટના બની, જેણે ઇતિહાસ રચી દીધો. આઇસીસી ટૂર્નામેન્ટમાં એવું પહેલી વાર…

2 hours ago

વિન્ડીઝ સામેની 3 T-૨૦માં ઇન્ડીયાનાં ૪૮૭ રન, અડધાથી પણ વધુ ૨૫૯ રન રોહિત-શિખરનાં

વિન્ડીઝ સામેની ત્રણ મેચની ટી-૨૦ શ્રેણી ભારતે ૩-૦થી વિજય મેળવ્યો. શ્રેણીમાં ભારતે બે વાર, જ્યારે વિન્ડીઝે એક વાર ૧૮૦થી વધુનો…

2 hours ago