ચીનમાં રોબોટે એક શખસ પર હુમલો કરતાં અફરાતફરી

શેનઝેન (ચીન): ચીનના એક ટેક ફેરમાં એક રોબોટે એક વિઝિટર પર હુમલો કરીને તેને ગંભીર રીતે ઘાયલ કર્યો છે. આ રોબોટને ઘરેલુ કામ માટે બનાવવામાં આવ્યો હતો. આ રોબોટનું નામ ફેટી હોવાનું જણાવાય છે. એક માનવી પર રોબોટ દ્વારા હુમલો કરવાની ચીનની આ પ્રથમ ઘટના છે. આ ઘટના દક્ષિણ ચીનમાં ઘટી હતી.

અહીં એક ટેક્નોલોજી મેળો યોજાઈ રહ્યો હતો અને લોકો મોટી સંખ્યામાં એકત્ર થયા હતા ત્યારે એકાએક ફેટી નામના આ રોબોટે ગ્લાસ બૂથ તોડીને એક શખસ પર હુમલો કરીને તેણે ગંભીર રીતે ઘાયલ કર્યો હતો. ત્યાર બાદ શખસને હોસ્પિટલમાં સારવાર અર્થે દાખલ કરવામાં આવ્યો હતો.

ટેક્નોલોજી ફેરના આયોજકનું કહેવું છે કે ઓપરેટરની ભૂલથી રોબોટે હુમલો કર્યો હતો. ઓપરેટરે રિવર્સના બદલે ફોરવર્ડ બટન દબાવી દેતાં રોબોટ ગ્લાસ તોડીને બહાર આવી ગયો હતો અને એક શખસ પર હુમલો કરી બેઠો હતો. આ રોબોટની કિંમત ૧૩,૦૦૦ યુઆન એટલે કે રૂ. ૧.૨૮ લાખ છે. રોબોટના હુમલામાં ઘાયલ થનાર શખસ કોણ છે તે તત્કાળ જાળવા મળ્યું નથી.

visit: sambhaavnews.com

You might also like