ચીનનાં સૌથી મોટા ‘ઝિયોન’ સહિતનાં અનેક ચર્ચ બળજબરીથી બંધ કરી દેવાયાં

બીજિંગ: ચીનની રાજધાની બીજિંગ સહિત કેટલાંય શહેરોમાં અધિકારીઓ દ્વારા બાઇબલ સળગાવીને તેમજ હોલી (પવિત્ર) ક્રોસમાં તોડફોડ કરીને કેટલાંય ચર્ચ બંંધ કરાવી દેવામાં આવ્યાં છે.

ખ્રિસ્તી લોકો પાસે એક દસ્તાવેજ પર સહી કરાવીને એવું લખાણ લઇ લેવામાં આવ્યું છે કે તેઓ ખ્રિસ્તી ધર્મ છોડી દેશે. પાદરીઓ અને ચીનના લઘુમતી સમુુદાય સાથે સંકળાયેલ એક ગ્રૂપે આ ચોંકાવનારી માહિતી આપી છે.

ચીનની રાજધાની બીજિંગમાં આવેલ સૌથી મોટું ચર્ચ ‘ઝિયોન’ બળજબરીપૂર્વક બંધ કરાવી દેવામાં આવ્યું છે. આ ચર્ચ પર લાઇસન્સ વગર તેનું સંચાલન કરવાનો આરોપ મૂકવામાં આવ્યો છે.

ચીનના કાયદા અનુસાર પ્રત્યેક ધાર્મિક સ્થળને વહીવટીતંત્રની માન્યતા અને મંજૂરી મેળવવી ફરજિયાત છે. છેલ્લા કેટલાક સમયથી ચીનની સામ્યવાદી સરકારે તમામ ધર્મ ખાસ કરીને ખ્રિસ્તી ધર્મ વિરુદ્ધ આક્રમક કાર્યવાહી કરી છે.

બીજિંગ ઉપરાંત કેટલાય પ્રાંતમાં ખ્રિસ્તી ધર્મના પવિત્ર ચિહ્ન હોલી ક્રોસ અને ધાર્મિક પુસ્તક બાઇબલનો નાશ કરવામાં આવ્યો છે. અમેરિકા સ્થિત ચીન એડ ગ્રૂપના બોબ ફુએ જણાવ્યું છે કે ચીનમાં ધાર્મિક માન્યતાની આઝાદીના ઉલ્લંઘન બદલ આંતરરાષ્ટ્રીય સમુદાયને એલર્ટ કરવો જોઇએ.

હાલ ચીનમાં ૩.૮ કરોડ પ્રોટેસ્ટન્ટ ખ્રિસ્તીઓ છે. એવું માનવામાં આવે છે કે આગામી દાયકામાં ચીનમાં ખ્રિસ્તીઓની સૌથી મોટી વસ્તી હશે.

અત્રે ઉલ્લેખનીય છે કે પૂર્વે ચીનની સરકારે એક મસ્જિદ તોડી પાડવાનો આદેશ કર્યો હતો, પરંતુ મુસ્લિમોના વિરોધ દેખાવોના કારણે આ આદેશ પાછો ખેંચવામાં આવ્યો હતો.

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

6 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

6 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

6 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

7 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

8 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

8 hours ago