તરણેતરના મેળામાં 200 યુવક-યુવતીઓએ ‘છત્રી ડાન્સ’ કરી રચ્યો અનોખો રેકોર્ડ

તરણેતર: સુરેન્દ્રનગરના થાન તાલુકાના તરણેતર ગામ ખાતે ત્રીનેશ્વર મહાદેવના મંદિરના સાનિધ્યમાં પરંપરાગત રીતે યોજાતા તરણેતરના ભાતીગળ લોકમેળામાં આજરોજ રાજ્યના મુખ્યમંત્રી વિજયભાઈ રૂપાણી સહીતના મંત્રીઓ ઉપસ્થિત રહ્યા હતા. જયારે તરણેતરની સાચી ઓળખ એવી ભાતીગળ છત્રીનો એક સાથે 200 જેટલા યુવક-યુવતીઓએ ડાન્સ કરી અનોખો રેકોર્ડ નોંધાવ્યો હતો.

સુરેન્દ્રનગર જીલ્લાના પાંચાળ વિસ્તાર એવા તરણેતર ખાતે વર્ષોથી પરંપરાગત અને લોકસંસ્કૃતિને ઉજાગર કરતો ભાતીગળ મેળો યોજાય છે.ત્યારે ચાલુ વર્ષે પણ તરણેતરના મેળાનું ચાર દિવસ માટે આયોજન કરવામાં આવ્યું છે. જેમાં આજે રાજ્યના મુખ્યમંત્રી વિજયભાઈ રૂપાણી સહીતના મંત્રીઓ ઉપસ્થિત રહ્યા હતા. તરણેતરના પારંપરિક લોકમેળામાં વર્ષોથી ભાતીગળ ભરત ભરેલી છત્રી આકર્ષણનું કેન્દ્ર બની રહે છે.

ત્યારે આજે એક સાથે 2016 યુવક-યુવતીઓ એ સામુહિક છત્રી ડાન્સ કરી અનોખો રેકોર્ડ કાયમ કર્યો છે. અગાઉ રશિયા ખાતે 1800 જેટલી છત્રી ડાન્સ ગ્રીનીશ બુક ઓફ રેકોર્ડમાં નોંધાયો છે. ત્યારે તરણેતર ખાતે 2016 યુવક-યુવતીઓ એ પારંપરિક રાસ-ગરબા પર સામુહિક ડાન્સ કરી ગ્રીનીશ બુક ઓફ વર્લ્ડ રેકોર્ડમાં સ્થાન નોંધાવતા તરણેતરના મેળાએ દેશ સાથે વિદેશનું ગૌરવ વધાર્યું છે. જે બદલ મુખ્યમંત્રીએ વહીવટી તંત્ર સહીત પ્રજાજનોને અભિનંદન પાઠવ્યા હતા.

You might also like