Categories: Gujarat

ગોતાના વંદેમાતરમ્ રોડનું પહેલા જ વરસાદમાં ધોવાણ

અમદાવાદ: મ્યુનિ. કોર્પોરેશનમાં રોડના કામોમાં થતા વ્યાપક ભ્રષ્ટાચારથી લોકો દર ચોમાસામાં રાડ પાડી ઊઠે છે. શાસક પક્ષ ચૂંટણી જીતવાના આશયથી દર વખતે નવાં નવાં સૂત્રો, સ્લોગનોનાં નગારાં પીટે છે. પરંતુ નાગરિકોને આપવાની થતી નળ, ગટર અને રસ્તા જેવી પ્રાથમિક સુવિધા પ્રત્યે ઉદાસીનતા દાખવે છે. ગોતાના વંદેમાતરમ્ રોડનું ચોમાસાના પહેલા વરસાદમાં જ થયેલું ધોવાણ તંત્રની ભ્રષ્ટ નીતિ રીતિ અને શાસકોની ઉદાસીનતાનું એક વધુ વરવું ઉદાહરણ છે.

નવા પશ્ચિમ ઝોનના ગોતામાં ન્યૂ એસ.જી. રોડ એટલે કે વંંદેમાતરમ્ રોડ પર આશરે પચાસેક નવી સોસાયટીઓ બની છે. ગોતા પુલથી નીચે ઊતરતા વિશ્વકર્મા મંદિર પાસેથી શરૂ થતો રોડ છેક ચેનપુર, જગતપુરથી એસ.જી. હાઇવે પર નીકળે છે. આ રોડ પરની વંદેમાતરમ્, શુકન ગોલ્ડ, દેવનંદન રેસિડન્સી, પ્રાર્થના રેસિડન્સી, શાઇન સુપર્બ, દેવનંદન પ્લેટિના, શુકન સ્ટેટસ, શાયોના તિલક જેવી સોસાયટીના રહેવાસીઓ ચોમાસાના પહેલા વરસાદમાં ધોવાયેલા આ રોડથી ત્રાહિમામ પોકારી ગયા છે.

શાઇન સુપર્બ સોસાયટીના ચેરમેન મનીષ પ્રજાપતિ કહે છે કે, “કોર્પોરેટરોને બિસ્માર રોડના ફોટોગ્રાફસ પણ મોકલી અપાયા હોવા છતાં તેમનાં પેટનુ પાણી હાલતું નથી.”

આ અંગે રાજેશ્વરીબહેન પંચાલને પૂછતાં તેઓ કહે છે, “આખ્ખો રોડ તૂટ્યો નથી. પરંતુ પાણીની લાઇન નંખાઇ રહી હોય તેવું લાગે છે. કુસુમબહેન જોશી કહે છે, “રોડ‌, બિલ્ડિંગ કમિટીના ચેરમેન જતીન પટેલનું ધ્યાન દોર્યું છે. ભરત પટેલ એવું કહે છે, હું તો આઠ-નવ મહિના પહેલા ચૂંટાઇને આવ્યો છું. એટલે આ રોડ મારી પહેલાં થયો હોઇ મને કંઇ ખબર નથી. જ્યારે બ્રિજેશ પટેલ કહે છે, કોન્ટ્રાકટરના મજૂરો આવ્યા નથી. મજૂરો આવશે કે રોડને નવો બનાવી દેશે. હાલ તો મોટરેબલ કરાવી દઇશ.

રોડ-બિલ્ડિંગ કમિટીના ચેરમેન જતીન પટેલ કહે છે કે, “રોડ પ્રોજેકટ દ્વારા તૈયાર કરાયેલા આ રોડ પર શુકન ગોલ્ડ અને પાણીની ટાંકી એમ બે સ્પોટ જ ક્ષતિગ્રસ્ત થયા છે. જેના માટે કોન્ટ્રાકટરને નોટિસ પણ ફટકારાઇ હોઇ રોડ રિપેરિંગના ઝડપી પગલાં લેવાશે.

divyesh

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

2 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

3 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

4 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

6 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

6 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

7 hours ago