Categories: Gujarat

હવે સીજી રોડ પર આડેધર પાર્કિંગ કરનારાઓ પર થશે તવાઈ, સતત વધી રહ્યા છે રોડ પર લારી ગલ્લા

શહેરની રોનક ગણાતા સીજી રોડ પર પાર્કિંગની જગ્યાઓએ આડેધડ રીતે ખડકાતી ખાણી-પીણીના લારી-ગલ્લાથી ટ્રાફિક જામની સમસ્યા તો સર્જાય છે, પરંતુ રોડ પર આડેધડ રીતે પાર્ક કરીને પાસેના કોમર્શિયલ કોમ્પ્લેકસમાં કામ માટે રવાના થતાં ફોર વ્હીલર ચાલકોના ત્રાસથી પણ ટ્રાફિકના પ્રશ્નો વધ્યા છે. જોકે હવે મ્યુનિસિપલ સત્તાવાળાઓ આવા વાહનચાલકો સામે કડકાઇથી કામ લેવા જઇ રહ્યા છે.

સીજી રોડ વાહનોની અવરજવરથી વ્યસ્ત હોય છે. શહેરના કોમર્શિયલ હબ તરીકેે સીજી રોડની પ્રતિષ્ઠા છે. સીજી રોડના કારણે આશ્રમ રોડ પરની ઝાકમઝોળ ઝાંખી પડી છે. જોકે તંત્રની બેદરકારીથી લાંબા સમયથી સીજી રોડ પરના ટ્રાફિકના પ્રશ્નો વધ્યા છે.

શહેરના અન્ય વિસ્તારોની જેમ સીજી રોડ પણ ખાણી-પીણીના સતત વધતા જતા લારી-ગલ્લાના દબાણોથી ગ્રસ્ત બન્યું છે. ખાણી-પીણીના ખુમચાવાળા બેધડકપણે પાર્કિંગની જગ્યામાં પોતાના ખુમચા ઊભા કરીને ધંધો કરે છે. પશ્ચિમ ઝોનના એસ્ટેટ વિભાગના કેટલાક અધિકારી તેમજ કર્મચારી દરરોજની રોકડી કરવામાં વ્યસ્ત હોઇ ખુમચાવાળાઓનો ધંધો બેરોકટોક ચાલી રહ્યો છે.

આની સાથે સાથેે રોડ પર સર્વિસ રોડના ડિવાઇડર પાસે પાર્ક કરાતા ફોર વ્હીલરોથી પણ ટ્રાફિકનો પ્રશ્ન જટીલ બન્યો છે. જાણકાર સૂત્રો કહે છે કે પે એન્ડ પાર્કના કોન્ટ્રાકટરો વાહનચાલકો પાસેથી મનફાવે તેવા પાર્કિંગના ચાર્જ વસૂલતા હોઇ કેટલીક વખત રોડ પર વાહન પાર્ક કરાય છે. આ મામલે પણ તંત્ર આંખ આડા કાન કરી રહ્યું છે. આ બધાં કારણસર ખાસ કરીને સાંજના પિક અવર્સના સમયે તો સીજી રોડ પર સરળતાથી વાહન હંકારવાનું વાહનચાલકો માટે પડકારરૂપ બન્યું છે.

તાજેતરમાં મળેલી મ્યુનિસિપલ ઉચ્ચ અધિકારીઓની અઠવાડિક સમીક્ષા બેઠકમાં ખુદ કમિશનર મૂકેશકુમારે સીજી રોડ પરની ટ્રાફિક સમસ્યાની ગંભીરતાથી નોંધ લીધી હતી. સીજી રોડ પર પાર્ક કરાતાં ફોર વ્હીલર ચાલકો સામે કડકાઇથી કામ લેવા સંબંધિત એસ્ટેટ વિભાગને કડક તાકીદ કરી હતી. જોકે ચૂંટણીના માહોલમાં સીજી રોડ પર આડેધડ પાર્ક કરનારા વાહનચાલકો વિરુદ્ધ વિશેષ ઝુંબેશ હાથ ધરવાની સંભવિત અભિયાનથી શાસક ભાજપ પક્ષના ઉચ્ચ હોદ્દેદારોમાં છૂપો ગભરાટ પ્રસરી ગયો હતો. શાસકોઅે તંત્ર સમક્ષ ચૂંટણીના સમયે આવી સંવેદનશીલ ઝુંબેશ હાથ ન ધરવાનો આગ્રહ સેવતા તેમાં બ્રેક લાગી ગઇ હતી.

જોકે હવે ચૂંટણી પતી ગઇ હોઇ પશ્ચિમ ઝોનના સત્તાવાળાઓ સીજી રોડની ટ્રાફિક સમસ્યાના નિરાકરણ માટે વધુ ગંભીર હશે. અગાઉ ફોર વ્હીલરોનાં પૈડાં માટે સૌથી વધુ તાળાં સત્તાવાળાઓ ખરીદી ચૂકયાં છે. અલબત્ત આ તાળાં ઉપયોગમાં લેવાતાં ન હોઇ જે તેે મ્યુનિસિપલ ઓફિસમાં ધૂળ ખાતાં પડયાં છે. આ તાળાંઓને આગામી સોમવારથી અસરકારક રીતે ઉપયોગમાં લેવાશે તેમ પણ મ્યુનિસિપલ સૂત્રો વધુમાં જણાવે છે.

દરમિયાન આ અંગે પશ્ચિમ ઝોનના એસ્ટેટ ઓફિસર રાજેન્દ્ર જાધવને પૂછતાં તેઓ કહે છે સીજી રોડ પર ટ્રાફિક પોલીસના સહયોગથી આડેધડ પાર્ક કરાતાં વાહનો સામે ઝુંબેશ ચાલી રહી છે. જોકે કેટલાં વાહનો વિરુદ્ધ કાર્યવાહી કરાઇ છે તેની મને જાણ નથી.

Navin Sharma

Recent Posts

OMG! આંખોમાં હોય છે કુદરતી ‘નાઈટ વિઝન મોડ’

વોશિંગ્ટન: આપણી આંખોમાં કુદરતી રૂપે જ નાઈટ વિઝન મોડ હોય છે. આ દાવો છે વિજ્ઞાનીઓનો જેમણે શોધ્યું છે કે, તારા…

13 mins ago

પેટીએમ લાવી રહ્યું છે ‘ફેસ લોગ ઈન’ ફીચર

નવી દિલ્હી: પોતાના પ્લેટફોર્મને વધુ સુર‌િક્ષત બનાવવા માટે ડિજિટલ પેમેન્ટ કંપની પેટીએમ 'ફેસ લોગ ઇન' ફીચર લાવવાની તૈયારી કરી રહી…

19 mins ago

સુપ્રીમ કોર્ટમાં આજે મહત્વના ચુકાદાઓ પર નજર, આધારકાર્ડના ફરજિયાતને લઇને આવી શકે છે ચુકાદો

સુપ્રીમ કોર્ટમાં આજરોજ ઘણા મહત્વના ચુકાદાઓ આવે તેવી શક્યતા છે. જેમાં સૌથી મહત્વનો આધાર કાર્ડ ફરજિયાતને લઇને સુપ્રીમ કોર્ટ પોતાનો…

55 mins ago

રાજ્યમાં ગરમીમાં વધારા સાથે વરસાદની આગાહી, 34 ડિગ્રીએ પહોંચ્યો તાપમાનનો પારો

રાજ્યમાં છેલ્લા કેટલાક દિવસથી પડી રહેલી ગરમીને લઇને ફરી એકવાર વરસાદની આગાહી કરવામાં આવી છે. ઉલ્લેખનીય છે કે અમદાવાદ સહિત…

57 mins ago

શું પાર્ટનર સાથે પોર્ન ફિલ્મ નિહાળવી જોઇએ?, આ રહ્યું શંકાનું સમાધાન…

ઘણાં સમય પહેલાં સેક્સને લઇ એક સર્વે કરવામાં આવ્યો હતો. જેમાં આ સર્વે દ્વારા એવું જાણવાની કોશિશ કરવામાં આવી હતી…

10 hours ago

બુલેટ ટ્રેન મામલે વાઘાણીનું મહત્વનું નિવેદન,”કોંગ્રેસ માત્ર વાહિયાત વાતો કરે છે, એક પણ રૂપિયો અટકાયો નથી”

અમદાવાદઃ PM નરેન્દ્ર મોદીનાં ડ્રીમ પ્રોજેક્ટ બુલેટ ટ્રેનને જાપાનની એજન્સી દ્વારા એક મોટો ઝટકો આપવામાં આવ્યો છે. જેમાં આ પ્રોજેક્ટને…

12 hours ago