Categories: Ahmedabad Gujarat

બાપુનગરમાં લુખ્ખાં તત્વોનો આતંક સીસીટીવીમાં કેદ થયાે

અમદાવાદ, બુધવાર
શહેરના પૂર્વ વિસ્તારમાં ગુનાખોરીનું પ્રમાણ દિન પ્રતિદિન વધી રહ્યું છે આ વાતની ખાતરી પુરાવતો એક વીડિયો વાઇરલ થયો છે. બાપુનગર વિસ્તારમાં આવેલ હરદાસનગરમાં સામાન્ય બાબતે લુખ્ખાં તત્ત્વોએ ધોળા દિવસે જાહેરમાં છરીઓ બતાવીને લોકોની દુકાનો બંધ કરાવતાં રીતસરનો આતંક મચાવ્યો હતો.

આ ઘટનાને ત્રણ દિવસ થઇ ગયા તેમ છતાંય પોલીસ હજુ સુધી તમામ આરોપીઓને પકડી શકી નથી. લુખ્ખાં તત્ત્વોએ મચાવેલા આતંકનો વીડિયો સોશિયલ મીડિયા પર વાઇરલ થતાં લોકોમાં ચર્ચાનો વિષય બન્યો છે.

બાપુનગર વિસ્તારમાં આવેલ હરદાસનગરમાં રહેતી ગૌરીબહેન ઉર્ફે ડોલી દશરથભાઇ ઠાકોરે બાપુનગર પોલીસ સ્ટેશનમાં કેટલાક લોકો વિરુદ્ધમાં ફરિયાદ કરી છે. ફરિયાદમાં કરેલા આક્ષેપ પ્રમાણે તારીખ ૧૮ ફેબ્રુઆરીના રોજ ગૌરીબહેન પકોડીની લારી પાસે ઊભાં હતાં તે સમયે બાઇક પર ચાર યુવકો બૂમો પાડતા પાડતા આવ્યા હતા. હરદાસનગરની ચાલીના લુખ્ખાઓ ક્યાં છે…અને સંજય ઉર્ફે જોલો ક્યાં છે તેમ કહીને યુવકોએ બીભસ્ત ગાળો બોલવાની શરૂ કરી હતી અને હાથમાં છરી લઇને લોકોની દુકાનો બંધ કરાવી હતી.

દરમિયાનમાં ગૌરીબહેન અને પકોડીની લારી ધરાવતા યુવકને પણ ગાળો બોલીને જતા રહ્યા હતા. યુવકોએ બે છરી કાઢીને રીતસરનો આંતક મચાવીને લોકોની દુકાનો ટપોટપ બંધ કરાવી દીધી હતી. આ મામલે ગૌરીબહેને બાપુનગર પોલીસ સ્ટેશનમાં ગુનો દાખલ કરાવ્યો હતો. યુવકોએ મચાવેલા આતંક સીસીટીવી કેમેરામાં કેદ થઇ ગયાે હતાે.

પોલીસ સીસીટીવી ફૂટેજ કબજે કરીને આરોપીઓને પકડવા માટે તજવીજ શરૂ કરી છે. ઉલ્લેખનીય છે કે આ ઘટનાને ત્રણ દિવસ થઇ ગયા તેમ છતાંય હજુ સુધી આરોપીઓ પકડાયા નથી ત્યારે યુવકોએ મચાવેલા આતંકનો વીડિયો સોશિયલ મીડિયા પર વાઇરલ થયો છે.

Navin Sharma

Recent Posts

ક્રૂડ ઓઈલ 11 મહિનાની નીચી સપાટીએઃ 6.5 ટકાનો જંગી ઘટાડો

વોશિંગ્ટન: વૈશ્વિક બજારમાં બ્રેન્ટ ક્રૂડનો ભાવ ૧૧ મહિનાની સૌથી નીચી સપાટીએ આવી ગયો છે. ગ્લોબલ આર્થિક મંદી અને સપ્લાય વધવાની…

1 hour ago

CBI વિવાદમાં NSA અ‌જિત ડોભાલનો ફોન ટેપ થયાની આશંકા

નવી દિલ્હી: સીબીઆઇના આંતરિક ગજગ્રાહ વચ્ચે એક ચોંકાવનારી હકીકત બહાર આવી છે. સરકારને એવી આશંકા છે કે કેટલાય સંવેદનશીલ નંબરો…

1 hour ago

મેઘાણીનગરના કેટરરના દસ વર્ષના અપહૃત બાળકનો હેમખેમ છુટકારો

અમદાવાદ: મેઘાણીનગર વિસ્તારના ભાર્ગવ રોડ પરથી ગઇ કાલે મોડી રાતે એક દસ વર્ષના બાળકનું અપહરણ થતાં ચકચાર મચી ગઇ હતી.…

2 hours ago

સાયન્સ સિટીમાં દેશની પહેલી રોબોટિક ગેલેરી ખુલ્લી મુકાશે

અમદાવાદ: આપણે અત્યાર સુધી રોબોટની સ્ટોરી ફિલ્મો જોઈ હશે પણ આવી કાલ્પનિક કથા વાસ્તલવિક રૂપમાં હવે અમદાવાદ અને દેશમાં પહેલી…

2 hours ago

મ્યુનિસિપલ કોર્પોરેશનમાં બાવીસ વર્ષ પછી ક્લાર્ક કક્ષાએ બઢતી અપાઈ

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા ગઈ કાલે બાવીસ વર્ષ બાદ કલાર્ક કક્ષાના કર્મચારીઓને સિનિયોરિટીના આધારે બઢતી અપાતાં કર્મચારીઓમાં ભારે આનંદની…

2 hours ago

Ahmedabadમાંથી વધુ એક કોલ સેન્ટર પકડાયુંઃ રૂ.84 લાખ જપ્ત

અમદાવાદ: ગેરકાયદે ચાલતા કોલ સેન્ટરમાં પોલીસની ધોંસ વધતાં હવે લોકો તેમના ઘરમાં નાના નાના પાયે કોલ સેન્ટર ચલાવી રહ્યા છે.…

2 hours ago