Categories: India

અશોક ચવ્હાણ સામે કેસ ચલાવવા રાજ્યપાલની મંજૂરી

મુંબઈ: વિપક્ષ કોંગ્રેસને ભારે આંચકારૂપ એક ઘટનામાં મહારાષ્ટ્રના રાજ્યપાલ સી વિદ્યાસાગર રાવે કરોડો રૂપિયાના આદર્શ કૌભાંડ કેસમાં પૂર્વ મુખ્યમંત્રી અશોક ચવ્હાણ પર કેસ ચલાવવા માટે સીબીઆઈને મંજૂરી આપી હતી. રાજ્યમાં ભાજપના નેતૃત્વ હેઠળની સરકારના આ કોંગ્રેસી નેતા સામે કાર્યવાહી કરવાની અરજી થઈ તેના થોડાક જ દિવસો બાદ આ મંજૂરી આપવામાં આવી છે.

રાજ્યપાલ કાર્યાલયના એક અધિકારીએ જણાવ્યું કે મહારાષ્ટ્રના રાજ્યપાલ સી વિદ્યાસાગર રાવે આજે આદર્શ કો ઓપરેટિવ હાઉસિંગ સોસાયટી કેસમાં સીબીઆઈને મહારાષ્ટ્રના પૂર્વ મુખ્યમંત્રી અશોક ચવ્હાણ પર સીઆરપીસીની કમ ૧૯૭, ઈપીકોની કલમ ૧૨૦-બી અને ૪૨૦ (છેતરપિંડી) હેઠળ કેસ ચલાવવા માટે સીબીઆઈને મંજૂરી આપી હતી.

તેમણે જણાવ્યું કે ૮ ઓક્ટોબર, ૨૦૧૫ના રોજ મુંબઈમાં સીબીઆઈના જોઈન્ટ ડિરેક્ટરે ન્યાયમૂર્તિ પાટિલ પંચના તપાસ અહેવાલ અને ચવ્હાણ વિરુધ્ધ મળેલા કહેવાતા વાંધાજનક દસ્તાવેજોને આધારે સીઆરપીસીની કલમ ૧૯૭ હેઠળ ચવ્હાણ પર કેસ ચલાવવા માટે મંજૂરી માગી હતી. પંચે અહેવાલમાં ચાર પૂર્વ મંત્રીઓ- ચવ્હાણ, સ્વ. વિલાસરાવ દેશમુખ, સુશિલકુમાર શિંદે અને શિવાજીરાવ નિલાંગેકર-પાટિલ સહિત કેટલાક ઉચ્ચ અધિકારીઓને તેમની ભૂમિકા બદલ આ કૌભાંડમાં સામેલ હોવાનો આરોપ મૂક્યો હતો.

તેમણે કહ્યું કે રાજ્યપાલે તાજેતરમાં જ મંત્રીમંડળની મદદ અને સલાહ માંગી હતી અને મંત્રીમંડળે મંજૂરી(સીબીઆઈને) આપવાની સલાહ આપી હતી. પંચની રચના જાન્યુઆરી,૨૦૧૧માં કરવામાં આવી હતી જોકે, તેના અહેવાલ અને તેની ભલામણોને તે વખતની કોંગ્રેસ-એનસીપીની સરકારે ડિસેમ્બર,૨૦૧૩માં ફગાવી દીધા હતા.

admin

Recent Posts

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

25 mins ago

“લવરાત્રિ” ફિલ્મનું નામ બદલી “લવયાત્રિ” કરાતા શિવસેનાનાં કાર્યકરોની ઉજવણી

વડોદરાઃ સલમાન ખાનની લવરાત્રિ ફિલ્મનાં નામને લઈને છેલ્લાં ઘણાં સમયથી વિવાદ ચાલી રહ્યો હતો. ત્યારે હવે આ ફિલ્મનું નામ બદલીને…

1 hour ago

INDvsPAK: દુબઇમાં બે દેશો વચ્ચે મેદાન-એ-જંગ, પાકિસ્તાને ટોસ જીતી બેટિંગનો કર્યો નિર્ણય

દુબઇઃ એશિયા કપમાં આજે ટીમ ઇન્ડીયા અને પાકિસ્તાનની વચ્ચે પાંચમો અને રોમાંચક મુકાબલો દુબઇમાં થવા જઇ રહ્યો છે. મેચ પહેલા…

2 hours ago

હ્યુન્ડાઇની ફર્સ્ટ ઇલેક્ટ્રિક કાર “કોના” ટૂંક સમયમાં કરાશે લોન્ચ

હ્યુન્ડાઇએ પોતાની ઇલેક્ટ્રિક કારને 2018 ઓટો એક્સપોમાં રજૂ કરી હતી. જ્યાર બાદ આનાં લોન્ચ થવા પાછળનાં અનેક અનુમાનો લગાવવામાં આવી…

2 hours ago

મોદી સરકારનો સૌથી મોટો નિર્ણય, ત્રિપલ તલાક પર અધ્યાદેશને મંજૂરી

ન્યૂ દિલ્હીઃ મોદી સરકારે મુસ્લિમ મહિલાઓને ત્રિપલ તલાકમાંથી મુક્તિ અપાવવાનું બીડું ઝડપી લીધું છે. ત્રિપલ તલાકને ગુનાકીય શ્રેણીમાં લાવવા માટે…

3 hours ago

મારામાં આવેલા પરિવર્તનને લોકો સમજેઃ સની લિયોન

સની લિયોનની જિંદગી પર બનેલી વેબ સિરીઝ 'કરનજિત કૌર' ખૂબ જ પસંદ કરવામાં આવી રહી છે. તેના બીજા ભાગને લઇને…

3 hours ago