Categories: India

ટાઈટલર સામેના કેસની તપાસ કરવા સીબીઆઈને કોર્ટનો આદેશ

નવી દિલ્હી: જગદિશ ટાઈટલરને આંચકા રૂપ એક ઘટનામાં ટ્રાયલ કોર્ટે ૧૯૮૪ના સિખ વિરોધી રમખાણોના કેસમાં તેમને ક્લિન ચીટ આપતા સીબીઆઈના ક્લોઝર રિપોર્ટને ફગાવી દીધો હતો.  એડિશનલ ચીફ મેટ્રોપોલિટન મેજિસ્ટ્રેટે પાછળથી સીબીઆઈનો ક્લોઝર રિપોર્ટ સ્વીકારવાનો ઈન્કાર કર્યો હતો અને આ કેસમાં વધુ તપાસ આગળ કરવા સીબીઆઈને આદેશ આપ્યો હતો. આ કેસમાં સીબીઆઈનો આ ત્રીજો ક્લોઝર રિપોર્ટ હતો અને તે ૨૪મી ડિસેમ્બર, ૨૦૧૪ના રોજ દાખલ કરાયો હતો. અગાઉના બે ક્લોઝર રિપોર્ટ, જેમાં ટાઈટલરને ક્લિન ચીટ આપવામાં આવી હતી તેને પણ કોર્ટે ફગાવી દીધા હતા.

આ કેસ ૧લી નવેમ્બર, ૧૯૮૪ના રોજ ઉત્તર દિલ્હીમાં ગુરુદ્રારા પલ્બાનગશ ખાતે થયેલા રમખાણોને લગતો છે. તેમાં ત્રણ જણા માર્યા ગયા હતા. સીબીઆઈના ક્લોઝર રિપોર્ટને પડકારતા આ કેસના ફરિયાદી લખવિન્દર કૌરે વિરોધ અરજી દાખલ કરી હતી. રમખાણોમાં તેમના પતિ બાદલ સિંહનું મૃત્યુ થયું હતું. ગઈ ૩૦મી ઓક્ટોબરે ક્લોઝર રિપોર્ટ સ્વીકારવો કે નહીં તે બાબતે સીબીઆઈના વકિલ અને કૌરના ધારાશાસ્ત્રીની દલીલો સાંભળ્યા બાદ કોર્ટે પોતાનો ચુકાદો અનામત રાખ્યો હતો.

૧૦મી નવેમ્બરે કૌરે સીબીઆઈના આખરી રિપોર્ટમાં જે સાક્ષીઓને ટાંક્યા હતા તેમના વિશે નવેસરથી માહિતી પૂરી પાડવા માટે કોર્ટની મંજૂરી અને સમય માટે અરજી દાખલ કરી હતી. સીબીઆઈએ તે સમયે કોર્ટને જણાવ્યું હતું કે નક્કર હકીકતો મેળવવા અને સાક્ષીઓની ભાળ મેળવવા માટે સમય મંજૂર કરવા માટે કેસની કાર્યવાહી મુલતવી રાખવામાં આવે તો તેને કોઈ વાંધો નથી. સીબીઆઈ પણ તે સાક્ષીઓને તપાસવા માગે છે કારણ કે તે આ કેસના યોગ્ય ચુકાદા માટે જરૂરી છે.

divyesh

Recent Posts

કોહલીને ‘0’, મીરાંને ‘44’ પોઇન્ટ પર ખેલરત્ન, 80 પોઇન્ટ હોવા છતાં બજરંગ-વિનેશને ‘ઠેંગો’!

નવી દિલ્હીઃ દેશના સૌથી મોટા રમત પુરસ્કાર એટલે કે 'રાજીવ ગાંધી ખેલરત્ન પુરસ્કાર' માટે કેટલાક ખેલાડીઓની પસંદગી કરાઈ છે. આ…

2 mins ago

રાજ્યમાં બે દિવસ હળવા વરસાદની આગાહી, રાજસ્થાનના દક્ષિણ-પૂર્વીય વિસ્તારમાં સર્જાયું લો-પ્રેશર

અમદાવાદ: દક્ષિણ પૂર્વ રાજસ્થાન અને તેની આસપાસ હવાનું દબાણ સર્જાતાં રાજ્યના અમરેલી અને અરવલ્લી જિલ્લામાં સતત મેઘમહેર થઇ રહી છે.…

39 mins ago

હવે પ્રાદેશિક ગ્રામીણ બેન્કોનું મર્જર સંખ્યા ઘટાડીને 56માંથી 36 કરાશે

નવી દિલ્હી: સરકાર હવે જાહેર ક્ષેત્રની બેન્કો સાથે પ્રાદેશિક ગ્રામીણ બેન્કોના (આરઆરબી)ના મર્જરની પણ પ્રક્રિયા શરૂ કરવા જઇ રહી છે.…

1 hour ago

રેગિંગનો ભોગ બનનાર વિદ્યાર્થીને ધમકાવનાર બે યુવકો NSUIના હોદ્દેદાર

અમદાવાદ: નવરંગપુરાની એચએલ કોમર્સ કોલેજમાં એફવાયના વિદ્યાર્થી સાથે થયેલા રેગિંગના મામલે નવરંગપુરા પોલીસે ચાર આરોપીની ધરપકડ કરી છે. બીજી તરફ…

1 hour ago

રાજ્યભરમાં વધી રહેલો સ્વાઈન ફલૂનો કહેરઃ વાઈરલ-તાવના દર્દીઓમાં વધારો

અમદાવાદ: અમદાવાદ શહેર સહિત રાજ્યભરમાં મચ્છર અને પાણીજન્ય રોગચાળાની સ્થિતિ વકરી રહી છેે દવાખાનાંઓ વાઈરલ, તાવ, શરદી સહિતના રોગની ફરિયાદ…

1 hour ago

રાફેલ ડીલઃ આજે કોંગ્રેસ CVCને તપાસ કરવા અપીલ કરશે

નવી દિલ્હી: કોંગ્રેસના ટોચના નેતાઓનુું એક પ્રતિનિધિમંડળ રાફેલ ફાઇટર વિમાન ડીલમાં કહેવાતા ભ્રષ્ટાચારની સ્વતંત્ર તપાસ કરાવવાની માગણીને લઇને આજે સેન્ટ્રલ…

2 hours ago