Categories: India

૫૦૦ કરોડનું સીશોર ચીટફંડ કૌભાંડઃ BJDના MLAની ધરપકડ

ભુવનેશ્વર: સેન્ટ્રલ બ્યૂરો ઓફ ઈન્વેસ્ટિગેશને (સીબીઆઈ) સીશોર ચીટફંડ કેસમાં ઓડિશામાં સત્તારૂઢ બીજુ જનતા દળના (બીજેડી) ધારાસભ્ય પ્રભાત બિસ્વાલની ધરપકડ કરી છે. આ મામલામાં સીબીઆઈએ પ્રભાત બિસ્વાલ અને તેનાં પત્ની પર સીશોર ગ્રૂપમાંથી રૂ. ૨૯ લાખની હેરાફેરી કરી હોવાનો આરોપ મૂક્યો છે.

આ મામલો ૨૦૧૧માં જાજપુરમાં જમીન આપવા સાથે સંકળાયેલ નાણાંની હેરાફેરીનો છે. પાછળથી પ્રભાત બિસ્વાલ અને તેમનાં પત્ની આ નાણાંની અવેજમાં કોઈ દસ્તાવેજ કે સેલડીડ રજૂ કરવામાં નિષ્ફળ રહ્યાં હતાં. સીશોર ગ્રૂપ એક પોન્ઝી સ્કીમ લાવ્યું હતું. આ ચીટફંડ ગોટાળાને લઈને પશ્ચિમ બંગાળ, ઓડિશા અને ઝારખંડમાં ભારે હોબાળો અને ઊહાપોહ મચી ગયો હતો.

આ ઉપરાંત સીબીઆઈએ પ્રભાત બિસ્વાલ પર સીશોર ગ્રૂપ પાસેથી મોટો ફાયદો લીધાનો પણ આરોપ મૂક્યો છે. ખાસ કરીને કંપનીને કટકમાં, જગતપુર ઈન્ડસ્ટ્રીયલ વિસ્તારમાં બિઝનેસ કરવાની મંજૂરી અપાવવાનો પણ આરોપ મૂકવામાં આવ્યો છે. સીબીઆઈ ૫૦૦ કરોડના કહેવાતા સીશોર ચીટફંડ કૌભાંડમાં અગાઉ પણ ચાર્જશીટ દાખલ કરી ચૂકી છે.

સીબીઆઈની આ કાર્યવાહીના પગલે ઓડિશામાં શાસક બીજુ જનતા દળને ફટકો પડ્યો છે. સીબીઆઈ અગાઉ પક્ષના ધારાસભ્ય પ્રાવત ત્રિપાઠીની પણ ધરપકડ કરી ચૂકી છે, કે જેઓ એટી ગ્રૂપ ચીટફંડ કૌભાંડમાં સંડોવાયેલા હતા. એ જ રીતે નવા દિગંત પોન્ઝી કૌભાંડમાં પક્ષના સંસદ સભ્ય રામચંદ્ર હંસદાહની પણ ધરપકડ થઈ ચૂકી છે.

સીશોર ગ્રૂપે શાસક બીજેડી માટે મહત્તમ ક્ષોભજનક સ્થિતિ ઊભી કરી છે, કારણ કે આ કૌભાંડમાં બીજેડીના અનેક ધારાસભ્યોના નામો સંભળાઈ રહ્યાં છે. રાજ્ય સરકારે ૨૦૦૯થી ૨૦૧૧ વચ્ચે ઓડિશામાં ખાનગી જાહેર ભાગીદારી (પીપીપી)ના ધોરણે શ્રેણીબદ્ધ પ્રોજેક્ટ અમલમાં મૂકવા સીશોર ગ્રૂપને કામગીરી સોંપી હતી.

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

9 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

9 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

9 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

9 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

9 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

9 hours ago