Categories: Gujarat

કાર્બાઈડથી બિનધાસ્ત કેરી પકવો, પકડાવ તો મામૂલી દંડ ભરો અને છૂટી જાવ!

અમદાવાદ: અમદાવાદીઓને એ વાત જાણીને ભારે આઘાત લાગશે કે નફાખોર વેપારીઓ આરોગ્ય માટે હાનિકારક પ્રતિબંધિત કેલ્શિયમ કાર્બાઇડનો ઉપયોગ કરીને કેરીઓને પકવે તો પણ કોર્પોરેશન તેમની વિરુદ્ધ ફૂડ સેફ્ટી એક્ટ મુજબ કોઇ શિક્ષાત્મક કાર્યવાહી કરી શકતું નથી. પરિણામે નફાખોરો કેલ્શિયમ કાર્બાઇડથી કેરી પકવીને પ્રજાના આરોગ્ય સાથે ખુલ્લેઆમ ચેડાં કરે છે અને જ્યારે આ મામલે પકડાય છે તો મામૂલી દંડ ભરીને છૂટી જાય છે. દૂધ, ઘી, હળદર, મરી-મસાલા, મરચાંના પાઉડરમાં ભેળસેળ પકડાય તો જેલની સજાની જોગવાઇ છે, પરંતુ કાર્બાઇડના મામલે નફાખોરોને એક દિવસની પણ જેલની સજા થતી નથી.

ઉનાળાની સિઝનમાં ફળોના રાજા કેરીનો આસ્વાદ માણવા તલપાપડ અાબાલવૃદ્ધોને લેભાગુ વેપારીઓ ઓછા સમયમાં વધુ નફો કમાવી લેવા કેરીના બોક્સમાં કાર્બાઇડની દશ-દશ ગ્રામની પડીકી મૂકીને ઉતાવળે પકવે છે. કાર્બાઇડથી પકવેલી કેરી આરોગવાથી આંતરડાના કેન્સર સહિતના ઘાતક રોગ થતા હોય છે એટલે રાજ્ય સરકાર દ્વારા કાર્બાઇડ પર પ્રતિબંધ મુકાયો છે.

ચાલુ સિઝનમાં પહેલી વખત કોર્પોરેશને ગઇ કાલે કાલુપુર-નરોડા અને દાણાપીઠ ફ્રૂટ માર્કેટમાં ત્રાટકીને કુલ સાત કિલો કાર્બાઇડનો જથ્થો જપ્ત કર્યો છે, પરંતુ કાર્બાઇડનો જથ્થો રાખનાર વેપારી પાસેથી ફક્ત એક હજારથી આઠ હજારનો મામૂલી દંડ લેવાયો છે. આટલી દંડની રકમ તો ફ્રૂટ બજારના વેપારીના રોજબરોજના ચા-નાસ્તાની થતી હોય છે એટલે નફાખોર વેપારીના મન કે મગજમાં તંત્રનો કોઇ ફફડાટ જ રહેતો ન હોવાથી પ્રતિબંધિત કાર્બાઇડનો બેફામ ઉપયોગ થઇ રહ્યો છે. મણિનગર-ઉત્તમનગરના ચિરાગ કેરી ભંડારના વેપારી ગોપાલ મૂલચંદાણી અને ભગવતી કેરી ભંડારના વેપારી વાસુ નેહલાણી એમ બે વેપારીના કાચા મંડપમાંથી વાસી કેરીનો જથ્થો પકડી તેનો નાશ કરીને મ્યુનિ. હેલ્થ વિભાગે કર્તવ્યની ઇતિશ્રી કરી છે. શહેરમાં ઠેરઠેર કાચા મંડપની હાટડીઓ ખૂલી હોઇ આરોગ્યને નુકસાનકારક વાસી, સડેલી કેરીઓ ‘કેસર’ કેરીના નામે ભોળી જનતાને પધરાવતા લેભાગુઓ પ્રત્યે પણ તંત્ર નરમી દાખવી રહ્યું છે.

નફાખોરો સામે આકરાં પગલાં લેવા તંત્ર રાજ્ય સરકારને દરખાસ્ત કરશે
મ્યુનિ. હેલ્થ વિભાગના ઇન્ચાર્જ વડા ડો. ભાવિન સોલંકી કહે છે કે ફૂડ સેફ્ટી એન્ડ સ્ટાન્ડર્ડ એક્ટ-૨૦૦૬ હેઠળના નિયમો કાર્બાઇડથી કેરી પકવતા વેપારીઓ સામે આકરી દંડાત્મક કે શિક્ષાત્મક કાર્યવાહી સૂચવતા નથી એટલે આ અંગે તંત્ર દ્વારા રાજ્ય સરકારને દરખાસ્ત કરાશે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

14 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

14 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

14 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

14 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

14 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

15 hours ago