Categories: Gujarat

ગાડી જોઇને ચલાવો તેમ કહીને કોન્ટ્રાક્ટરના દસ લાખ સેરવી લીધા

અમદાવાદ: શહેરમાં નજર ચૂકવીને રૂપિયા ભરેલી બેગ ઉઠાંતરી થવાના અનેક કિસ્સાઓ બની રહ્યા છે ત્યારે ગઇ કાલે સાંજે બાપુનગર વિસ્તારમાં એક ઇલેક્ટ્રિક કોન્ટ્રાકટરના દસ લાખ રૂપિયા ભરેલી બેગ લઇને ગઠિયાઓ ફરાર થઇ જતાં સમગ્ર વિસ્તારમાં ચકચાર મચી ગઇ છે. તમે ગાડી જોઇને ચલાવો તેમ કહીને કોન્ટ્રાક્ટર સાથે બાઇક ચાલકે બબાલ શરૂ કરી હતી. જેનો લાભ લઇને અન્ય એક બાઇક ચાલક ગાડીમાં મૂકેલ રૂપિયા ભરેલો થેલી લઇને ફરાર થઇ ગયો હતો.

નિકોલ વિસ્તારમાં આવેલા સુરોહી બંગલોઝમાં રહેતા અને ઇલેક્ટ્રિક ફિટિંગનું કામ કરતા ગિરીશભાઇ છગનભાઇ ઢોલરિયા (પટેલ)એ બાપુનગર પોલીસ સ્ટેશનમાં અજાણ્યા શખ્સો વિરુદ્ધમાં ફરિયાદ કરી છે. ગિરીશભાઇ ગાંધીનગર સરગાસણ ગામ ખાતે આવેલી ફ્લેટની સ્કીમનું ઇલેક્ટ્રિકનું કામ કરે છે. બે દિવસ પહેલાં ડેવલોપર્સની ઓફિસમાં ગિરીશભાઇ ગયા હતા અને દિવાળીને તહેવાર નજીક આવતો હોવાથી કારીગરોને પેમેન્ટ કરવા માટે છ લાખ રૂપિયાની માગણી કરી હતી.

ડેવલોપર્સના માલિક ગિરીશભાઇને કારીગરોના રૂપિયા ચુકવવા માટે છ લાખ રૂપિયા આંગડિયા મારફતે આપવાનું જાણાવ્યું હતું. ગઈકાલે અાંગડિયા દ્વારા દસ લાખનું પેમેન્ટ સાંજે દસ લાખ રૂપિયા ભરેલી થેલી ગિરીશભાઇ તેમની કારમાં મૂકીને બાપુનગરથી રવાના થયા. થોડેક દૂર જતા ગિરીશભાઇની કારને એક બાઇક ચાલકે ટપલી મારી હતી. જેના કારણે ગિરીશભાઇએ તેમની કાર રોકી હતી. જેમાં બાઇક ચાલક તેમની પાસે આવ્યો હતો અને જોઇને કાર ચલાવોને તેમ કહીને ઝઘડો શરૂ કર્યો હતો.

દરમિયાનમાં ગિરીશભાઇએ બાઇક ચાલક સાથે ઝધડો કરતા હતા તે સમયે અન્ય એક બાઇક પર બેઠેલા બે શખ્સો આવ્યા હતા અને કારમાં પડેલા દસ લાખ રૂપિયા લઇને જતા રહ્યા હતા. ત્યારે બબાલ કરનાર યુવક પણ પોતાનું બાઇક લઇને ફરાર થઇ ગયો હતો. ગિરીશભાઇ કારમાં બેઠા ત્યારે તેમની રૂપિયા ભરેલી બેગ ગાયબ હતી. જેથી તેમણે પોલીસ કંટ્રોલમાં ફોન કરીને ઘટનાની જાણ કરી હતી. બાપુનગર પોલીસે આ મામલે ગુનો દાખલ કરીને તપાસ શરૂ કરી છે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

3 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

3 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

3 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

3 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

4 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

4 hours ago