ATM Tranjaction Rules - Sambhaav News
Thu, Jan 18, 2018
mobile apps
Sambhaav Audio News

ATMમાંથી પૈસા નીકળ્યા ન હોવા છતાં પૈસા કપાશે તો દંડ થશે બેંકને

ATM

એટીએમમાંથી પૈસા કાઢતી વખતે કેટલીક વાર ટ્રાન્ઝેક્શન પૂરું થઈ જવા છતાં પૈસા નીકળતા નથી ત્યારે કેટલીક વખત આ રીતે પૈસા નહિ નીકળવા છતાં એકાઉન્ટમાંથી પૈસા કપાઈ જતા હોય છે તેથી હવે ‌રિઝર્વ બેન્ક તરફથી જણાવાયું છે કે આવી રીતે જે તે વ્યકિતના ખાતામાંથી રકમ કપાઈ હશે તો તે બદલ બેન્કને જે તે ગ્રાહકને દરરોજ ૧૦૦ રૂપિયા દંડ પેટે ચૂકવવા પડશે.

આ અંગે રિઝર્વ બેન્ક તરફથી સ્પષ્ટતા કરવામાં આવી છે કે આવા કેસમાં જે તે ગ્રાહકને વળતરની રકમ મળે છે પણ આવી બાબતની મોટા ભાગના લોકોને પૂરતી જાણકારી નથી હોતી. આ અંગે રિઝર્વ બેન્ક તરફથી જણાવવામાં આવ્યું છે કે કોઈ પણ ગ્રાહકે ભલે ગમે તે બેન્કના એટીએમમાંથી ટ્રાન્ઝેક્શન કર્યું હોય, પરંતુ આવા કિસ્સામાં જે તે ગ્રાહકને તેમની બેન્ક તરફથી જ વળતર આપવામાં આ‍વશે.

આ માટે બેન્કમાંથી પેનલ્ટી મેળવવા માટે તમારે ટ્રાન્ઝેક્શન ફેલ થયાના ૩૦ દિવસનું એકાઉન્ટનું સ્ટેટમેન્ટ લગાવવું પડશે. આ ઉપરાંત બેન્કના અધિકારીઓને એટીએમ કાર્ડની માહિતી પણ આપવી પડશે. જોકે આવી સ્થિતિમાં પણ જે તે ગ્રાહક પાસેથી તેમની ખાનગી માહિતી મેળવવામાં કે માગવામાં આવતી નથી. આ રીતે જે તે વ્યકિતના ખાતામાંથી રકમ કપાઈ હશે તો તે બદલ બેન્કને જે તે ગ્રાહકને દરરોજ ૧૦૦ રૂપિયા દંડ પેટે ચૂકવવા પડશે.

loading...
loading...

Leave a Reply

Your email address will not be published. Required fields are marked *

loading...
loading...