Categories: Gujarat

બસ અને ટ્રેલર વચ્ચે ગમખ્વાર અકસ્માત ૧૨ને ઈજા, ૪૦ મુસાફરોનો અદ્ભુત બચાવ

અમદાવાદ: બોરસદ-ધર્મજ રોડ પર ડભાસી પાટિયા પાસે એસટી બસ અને ટ્રેલર વચ્ચે જોરદાર ધડાકા સાથે અકસ્માત થતાં બસનો કચ્ચરઘાણ બોલી ગયો હતો. અા બસમાં મુસાફરી કરી રહેલા ૪૦ જેટલા મુસાફરોના જીવ તાળવે ચોંટી ગયા હતા. જોકે ઓછા-વત્તા પ્રમાણમાં ઈજાને બાદ કરતા તમામ મુસાફરોનો અદ્ભુત બચાવ થયો હતો.

પ્રાપ્ત માહિતી પ્રમાણે અા અંગેની વિગત એવી છે કે સુરતથી બોટાદ તરફ જઈ રહેલી એસટી બસ બોરસદ-ધર્મજ રોડ પર ડભાસી પાટિયા પાસેથી પસાર થઈ રહી હતી ત્યારે બસ ઓવરટેક કરવા જતાં સામેથી અાવી રહેલા ટ્રેલર સાથે બસ અથડાઈ હતી અને બસનું અાખું પડખું ચીરાઈ જતાં બસનો કચ્ચરઘાણ બોલાઈ ગયો હતો અને ડ્રાઈવરનો પણ પગ કપાઈ ગયો હતો. અા ઘટનામાં બસમાં સવાર ૪૦ મુસાફરો પૈકીના ૧૨ને ઈજાઓ પહોંચતા તમામને સારવાર માટે ખસેડવામાં અાવ્યા હતા. જોકે કોઈ જાનહાની થઈ ન હતી.

અા ઉપરાંત દીવ-સાસણ રોડ પર તલાલાના માધુપુર નજીક એક સ્વિફ્ટ કાર પલટી ખાઈ ઝાડ સાથે અથડાતાં કારમાં બેઠેલ પાંચ યુવાન પૈકી રાહુલ રાજપૂત, વિજયસિંહ લક્ષ્મણસિંહ સહિત ત્રણ યુવાનનાં મોત થયાં હતાં જ્યારે બેને ગંભીર ઈજાઓ પહોંચી હતી. પોલીસે અા અંગે અાગળની કાર્યવાહી હાથ ધરી છે.
http://sambhaavnews.com/

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

1 day ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

1 day ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

1 day ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

1 day ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

1 day ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

1 day ago