BSNL એ રજૂ કર્યો રક્ષાબંધન પ્લાન, ગ્રાહકોને મળશે ફાયદો

ટેલીકોમ સેકટરમાં વધતી ગળાકાપ હરિફાઇ વચ્ચે સરકારી ટેલીકોમ કંપની BSNLએ એક નવી ‘રાખી ઓફર’ રજૂ કરી છે. જેમાં ગ્રાહકોને અનલિમિટેડ વોઇસ, ડેટા અને SMS આપવામાં આવશે. આ પ્લાનની કિંમત કંપનીએ 399 રૂપિયા રાખી છે. આ પ્રીપેડ પ્લાનમાં ગ્રાહકોને 74 દિવસની વેલિડિટી મળશે.

ખાસ વાત એ છે કે BSNL આ નવા પ્લાન દિલ્હી અને મુંબઇ ટેલિકોમ સર્કલમાં પણ વેલિડ છે. તેની સાથે પર્સનલાઇઝડ રિંગ બેક ટોન (PRBT)નો ફાયદો ગ્રાહકોને મળશે. અહિ ગ્રાહકોને અનલિમિટેડ સોંગ ચેન્જનો ઓપ્શન મળશે.

આ પ્લાનને STV399 નામથી રજૂ કરવામાં આવ્યો છે. આ પ્લાનને 26 ઓગસ્ટ રક્ષાબંધનના દિવસે ઉપલબ્ધ કરવામાં આવશે.

BSNLના 399 રૂપિયાના પ્લાનમાં અનલિમિટેડ કોલિંગ, ડેટા અને SMSનો ફાયદો ગ્રાહકોને મળશે. આ સાથે અનલિમિટેડ કોલિંગનો ફાયદો લોકલ, STD અને રોમિંગ કોલ્સ દરેક પર વેલિડ હશે.

તેની સિવાય BSNL દ્વારા હાલમાં જ એક નવો ફ્રીડમ ઓફર રજૂ કરવામાં આવી હતી. જેમાં પ્રીપેડ કસ્ટમરોને વોઇસ અને ડેટા બંનેનો ફાયદો આપવામાં આવી રહ્યો હતો. BSNLનો આ પ્લાન 9 રૂપિયા અને 29 રૂપિયાનો હતો. આ પ્લાન ખાસ કરીને સ્વતંત્રતા દિવસના અવસર પર બહાર પાડવામાં આવ્યો હતો.

You might also like