Categories: World

બ્રિટને માલ્યાને દેશનિકાલ કરવા સ્પષ્ટ ઈનકાર કરી દીધો

નવી દિલ્હી: સરકારી બેન્કોની રૂ. ૯,૦૦૦ કરોડની લોનની ભરપાઈ કરવાનો ઈનકાર કરનાર શરાબના બિઝનેસમેન વિજય માલ્યાની બ્રિટને પોતાના દેશમાંથી હકાલપટ્ટી કરવાની ભારતની માગણીને ફગાવી દીધી છે. બ્રિટિશ એજન્સીઓએ એવી દલીલ કરી છે કે ભારત તરફથી માલ્યાનો પાસપોર્ટ રદ કરવામાં આવ્યો છે, જ્યારે માલ્યા ૧૯૯૨થી બ્રિટનના નાગરિક છે અને તેથી તેમની બ્રિટનમાંથી હકાલપટ્ટી કરી શકાય નહીં, જોકે બ્રિટને માલ્યાનું ભારતને પ્રત્યાર્પણ કરવાના મુદ્દે સંમતિ દર્શાવી છે.

બ્રિટિશ એજન્સીઓએ લંડન સ્થિત ભારતીય હાઈકમિશનને જણાવ્યું છે કે માલ્યાને બ્રિટનમાંથી દેશનિકાલ કરી શકાય નહીં. બ્રિટિશ સરકાર તરફથી માલ્યાના પ્રત્યાર્પણ અંગે સંમતિ દર્શાવ્યા બાદ લાંબા સમયથી હાથ તાળી આપી રહેલા માલ્યાની હવે મુશ્કેલીઓ વધતી દેખાય છે, જોકે માલ્યાના પ્રત્યાર્પણ વચ્ચે ભારત અને બ્રિટન વચ્ચે આ પ્રક્રિયામાં કેટલો સમય લાગે છે તે હવે જોવાનું છે. ભારત સરકાર પહેલેથી જ વિજય માલ્યાને સોંપવાનો બ્રિટિશ સરકારને અનુરોધ કરી ચૂકી છે. બ્રિટને જોકે સ્પષ્ટપણે જણાવ્યું છે કે બ્રિટનના નિયમો અનુસાર માલ્યાને દેશનિકાલ કરી શકાય નહીં.

વિજય માલ્યાની મુશ્કેલીઓ હવે વધી રહી છે. બેન્ક લોન ભરપાઈ કરવાનો ઈનકાર કરનાર વિજય માલ્યા સામે ઈડીએ કાર્યવાહી કરીને તેમના શેર ફ્રીઝ કરવાની યોજના તૈયાર કરી છે. સૂત્રોના જણાવ્યા પ્રમાણે માલ્યાના મેંગલોર કેમિકલ્સમાં ૨૧.૯૮ ટકા, યુબી હોલ્ડિંગમાં ૫૨.૩૪ ટકા, યુનાઈટેડ સ્પિરિટમાં ૩૨.૪૫ ટકા અને મેક ડોવેલ હોલ્ડિંગમાં ૧૭.૯૯ ટકા શેર છે. જો ઈડી તેમના શેર ફ્રીઝ કરવાની કાર્યવાહી કરશે તો તેમને મોટો ફટકો પડશે, કારણ કે તેઓ અન્ય કંપનીઓ સાથે આ શેર અંગે ડીલિંગ કરી શકશે નહીં.

divyesh

Recent Posts

એશિયા કપઃ પાકિસ્તાન સામે ભારતનો ભવ્ય વિજય, 8 વિકેટે આપ્યો પરાજય

દુબઇઃ એશિયા કપમાં આજે ટીમ ઇન્ડીયા અને પાકિસ્તાન વચ્ચે પાંચમી એવી ભવ્ય મેચનો દુબઇમાં મુકાબલો થયો. જેમાં પાકિસ્તાનની ટીમે 43…

12 hours ago

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

13 hours ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

14 hours ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

14 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

16 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

17 hours ago