Categories: World

પ્રેમિકાની હત્યા બદલ બ્રિટનમાં NRI સૈનિકને ૨૨ વર્ષની સજા

નવી દિલ્હીઃ બ્રિટનમાં ભારતીય મૂળના સૈનિકને તેની પૂર્વ ગર્લ ફ્રેન્ડની હત્યા કરવાના કેસમાં 22 વર્ષની સજા ફરમાવવામાં આવી છે. હેરી ધીલોન પર આરોપ હતો કે તેણે નોર્થ-ઈસ્ટ ઈંગ્લેન્ડના એક ફલેટમાં ઘૂસી જઈને તેની પૂર્વ ગર્લ ફ્રેન્ડનું ગળું કાપી નાખી હત્યા કરી હતી. ગઈ કાલે ન્યૂ કેસલ ક્રાઉનની કોર્ટે તેને દોષિત ઠરાવી આ સજા ફરમાવી હતી.

સમાચાર સંસ્થાના જણાવ્યા અનુસાર લાન્સ કોરપોરલ ત્રિમાન હેરી ધીલોન (ઉ.વ.26) એ એલિસ રગલ્સના ફલેટમાં ઘૂસી જઈને તેની હત્યા કરી હોવાનો તેના પર આક્ષેપ હતો.તેમજ હત્યા બાદ તે એલિસને આપેલી ચોકલેટ અને ગિફટ લઈને ફરાર થઈ ગયો હતો.જોકે આ અંગે કમાન્ડિંગ ઓફિસરે તેને યુવતીથી દૂર રહેવા આદેશ આપ્યો હતો. તેમ છતાં તે આ યુવતીને ફોન કરતો હતો અને પત્ર પણ મોકલતો હતો. આ કેસમાં કોર્ટને કેટલાક મજબૂત પુરાવા મળતાં અત્યાર સુધી હત્યાનો ઈનકાર કરનાર ભારતીય મૂળના સૈનિકને કોર્ટે 22 વર્ષની સજા ફરમાવી છે.

વકીલના જણાવ્યા અનુસાર 10 ઓકટોબર 2016ના રોજ ધીલોન એલિસના ઘેર ગયો હતો. ચાકુ વડે યુવતીનું ગળું કાપી નાખ્યું હતું. આ દરમિયાન એલિસ અને હેરી વચ્ચે થયેલી તકરારનો અવાજ પડોશીઓએ સાંભળ્યો હતો. હત્યા બાદ એલિસની લોહીથી લથબથ લાશને તેની સાથે રહેતી બીજી યુવતીએ જોઈ હતી. તેથી તેણે આ અંગે આસપાસના લોકોને જાણ કરી હતી. પોલીસ તપાસમાં જાણવા મળ્યું હતું કે એલિસના ગળા પર ચાકુના છ ઘા મારવામાં આવ્યા હતા. ધીલોન અને એલિસની મિત્રતા ઈન્ટરનેટ દ્વારા થઈ હતી. ત્યારે હેરી અફઘાનિસ્તાનમાં ફરજ બજાવતો હતો. જોકે કોર્ટને પૂરતા પુરાવા મળી જતાં આ કેસમાં ભારતીય મૂળના સૈનિક હેરીને 22 વર્ષની સજા ફરમાવવામાં આવી છે.
http://sambhaavnews.com/

divyesh

Recent Posts

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોની થશે કારકિર્દીક્ષેત્રે પ્રગતિ

મેષઃ સમારોહ, પારિવારિક મેળાવડાઓમાં ભાગ લઇ શકશો. તમારાં સ૫નાં અને આશાઓ વાસ્તવિકતામાં ફેરવાતાં જણાશે. પારિવારિક સંબંધો મજબૂત અને સુરક્ષિત રહેશે, તમારી…

9 hours ago

…તો મારી પાસે ટોપ બેનરની ફિલ્મો ન હોતઃ સોનમ કપૂર

સોનમ કપૂરે બોલિવૂડમાં ૧૦ વર્ષ પૂરાં કરી લીધાં છે તેમ છતાં પણ તે ટોપ ફાઇવ અભિનેત્રીઓમાં ક્યારેય સામેલ થઇ શકી…

9 hours ago

રૂ.11 લાખની ઉઘરાણી કરતાં વેવાઈ પક્ષના સંબંધીની બે ભાઈએ હત્યા કરી

અમદાવાદ; શહેરમાં નવા વર્ષથી હત્યાનો સિલસિલો શરૂ થઇ ગયો છે. દર એકાદ-બે દિવસે અલગ અલગ કારણોસર હત્યાના બનાવ બની રહ્યા…

9 hours ago

નર્મદાનાં પાણીમાં પેસ્ટિસાઈડ્સનું પ્રમાણ ચકાસવા મશીન મુકાશે

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા શહેરીજનોને ખુલ્લી નર્મદા કેનાલમાંથી પીવાનું પાણી પૂરું પડાતું હોઇ આ પાણીમાં ભળતાં પેસ્ટિસાઇડ્સ(જંતુનાશક દવાઓ)ના પૃથક્કરણ…

9 hours ago

એક તરફી પ્રેમમાં પાગલ યુવાને સિવિલનાં મહિલા ડોક્ટરની ઊંઘ હરામ કરી

અમદાવાદ: સિવિલ હોસ્પિટલના રે‌િડયોલોજી વિભાગમાં ફરજ બજાવતી એક રે‌િસડન્ટ ડોક્ટર યુવતીએ શાહીબાગમાં રહેતા એક યુવક વિરુદ્ધમાં અશ્લીલ ચેનચાળા કરવા અંગેની…

9 hours ago

ઓસ્ટ્રેલિયા પ્રવાસઃ કરો ‘નવા યુગ’ની શરૂઆત

નવી દિલ્હીઃ ભારતીય ક્રિકેટ ટીમ ઓસ્ટ્રેલિયા પહોંચી ચૂકી છે અને તા. ૨૧ ને બુધવારથી શરૂ થઈ રહેલી ત્રણ મેચની ટી-૨૦…

9 hours ago