Categories: Gujarat

Breif News: બસ…એક CLICK માં વાંચો શહેરના ક્રાઇમ ન્યૂઝ

હાઈવે પરના માર્ગ અકસ્માતમાં ત્રણ યુવાનોનાં કમકમાટીભર્યા મોત
અમદાવાદ: ડેડિયાપાડા અને ખેડબ્રહ્મા નજીક બનેલા વાહન અકસ્માતના બે બનાવમાં ત્રણ યુવાનોના ઘટનાસ્થળે જ કમકમાટીભર્યાં મોત નિપજ્યા હોવાનું જાણવા મળે છે. ડેડિયાપાડા રોડ પર ઘાટોલી ગામના સર્કલ પાસેથી પુરઝડપે પસાર થઈ રહેલા કન્ટેનરે બાઈકને અડફેટે લેતાં બાઈક પર જઈ રહેલા ચંદુભાઈ રામસિંહ વસાવા અને સુનીલકુમાર વસાવા નામના બંને યુવાનોના ગંભીર ઈજાઓ થવાના કારણે ઘટનાસ્થળે જ મોત થયા હતા.

અા ઉપરાંત ખેડબ્રહ્મા રોડ પર હરણાવ નદીના પુલ નજીક એક હિટ એન્ડ રનની ઘટના બનવા પામી હતી, જેમાં કોઈ અજાણ્યા વાહનચાલકે રોડ પરથી પસાર થઈ રહેલા અમદાવાદની એક કંપનીના બે કારીગરોને અડફેટે લેતાં સુનીલ નામના એક યુવાનનું માથાના ભાગે ઈજા થવાની ઘટનાસ્થળે જ મોત થયું હતું. અા યુવાન અમદાવાદના કાંકરિયા વિસ્તારમાં રહેતો હોવાનું જાણવા મળે છે. પોલીસે અા અંગે ગુનો દાખલ કરી અાગળની કાર્યવાહી હાથ ધરી છે.

સસ્તું સોનું ખરીદવાની લાલચ અાપી ગઠિયાઓ રૂ. ૪ લાખ પડાવી ફરાર
અમદાવાદ: સસ્તું સોનું ખરીદવાની લાલચ અાપી એક ગઠિયાઓ એક યુવાન પાસેથી રૂ. ૪ લાખ પડાવી લઈ ફરાર થઈ જતાં અા અંગે નરોડા પોલીસે ગુનો દાખલ કરી તપાસ હાથ ધરી છે.

અા અંગેની વિગત એવી છે કે સાબરમતી વિસ્તારમાં ધર્મનગરચોક પાસે અાવેલ ધન્યવાદ એપાર્ટમેન્ટમાં રહેતા રાજેન્દ્રભાઈ રામચન્દ્રભાઈ વૈષ્ણવ સાંજના સુમારે નરોડા વિસ્તારમાં નાના ચિલોડા ખાતે ઉમિયા ભોજનાલયની બાજુમાં ઊભા હતા ત્યારે એક અજાણી સ્ત્રી સાથે બે ગઠિયાઓ તેમને મળ્યા હતા અને વાતચીતનો દોર લંબાવી વિશ્વાસમાં લઈ રાજેન્દ્રભાઈને સસ્તું સોનું ખરીદી અાપવાની લાલચ અાપી હતી અને ખોટી પીળી ધાતુનાં ઘરેણાં બતાવી રાજેન્દ્રભાઈ પાસેથી રૂ. ચાર લાખની રકમ મેળવી હતી, પરંતુ અા ગઠિયાઓએ સોનું ન અાપતાં રાજેન્દ્રભાઈને પોતે છેતરાયાનો અહેસાસ થતાં તેમને અા અંગે નરોડા પોલીસ સ્ટેશનમાં ફરિયાદ નોંધાવી છે.

અાધેડે ગાંધી બ્રિજ ઉપરથી નદીમાં ઝંપલાવી જીવન ટૂંકાવ્યું
અમદાવાદ: શાહપુર વિસ્તારમાં રહેતા એક અાધેડે નદીમાં ઝંપલાવી જીવન ટૂંકાવી નાખતાં પોલીસે અા અંગે અાપઘાતનો ગુનો દાખલ કરી અાગળની તપાસ હાથ ધરી છે.

અા અંગેની વિગત એવી છે કે શાહપુર વિસ્તારમાં ફાયર સ્ટેશનની પાછળ અાવેલ કાઝી મિયાંની ચાલીમાં રહેતા ૫૬ વર્ષની વયના અાભાભાઈ પ્રતાપજી પરાડિયા નામના અાધેડે બપોરના સુમારે ગાંધીબ્રિજ પરથી સાબરમતી નદીમાં ઝંપલાવી અાપઘાત કર્યો હતો. બનાવની જાણ થતાં પોલીસે ફાયરબ્રિગેડની મદદથી લાશને બહાર કઢાવી પીએમ માટે વીએસ હોસ્પિટલ ખાતે મોકલી અાપી હતી. પોલીસે અાત્મહત્યા કરનાર અાધેડના ઘરના સભ્યો તેમજ અાજુબાજુના રહીશોની પુછપરછ કરી નિવેદનો લીધા છે, પરંતુ અાપઘાત કરવા પાછળનું કોઈ ચોક્કસ કારણ હજુ સુધી જાણવા મળ્યું નથી. પરંતુ છેલ્લા કેટલાક વખતથી અા અાધેડ ડિપ્રેશનમાં હોવાનું જાણવા મળે છે.

ઈન્કમટેક્સ ઓફિસરની પત્નીએ ગળાફાંસો ખાઈ અાપઘાત કર્યો
અમદાવાદ: મહેસાણાના તાવડિયા રોડ પરના બંગલામાં રહેતા અને પાટણ ખાતે ફરજ બજાવતા ઈન્કમટેક્સ ઓફિસરનાં પત્નીએ ગળાફાંસો ખાઈ અાત્મહત્યા કરતાં અા ઘટનાએ ભારે ચકચાર જગાવી છે.

અા અંગેની વિગત એવી છે કે પાટણ ખાતે ફરજ બજાવતા ઈન્કમટેક્સ ઓફિસર મુરલી મોહન નાયર બે મહિના અગાઉ જ મહેસાણાના તાવડિયા રોડ પર અાવેલ રુદ્ર બંગલોઝમાં પરિવાર સાથે સ્થાયી થયા હતા. ગઈ કાલે તેઓ ફરજ પર ગયા ત્યારબાદ તેમનાં પત્ની ઉષાબહેનને રહસ્યમય સંજોગોમાં પંખા સાથે દુપટ્ટો બાંધી ગળાફાંસો ખાઈ અાત્મહત્યા કરી હતી.
પ્રાથમિક તપાસમાં ઉષાબહેન છેલ્લાં દસ વર્ષથી માનસિક બીમારીના કારણે પીડાતાં હોવાનું જાણવા મળ્યું છે. અા અંગે પોલીસે ગુનો દાખલ કરી ઈન્કમટેક્સ ઓફિસર તેમજ તેના પુત્ર મુકુંદનની સઘન પૂછપરછ શરૂ કરી હતી.

વાડજની સગીરાનું અપહરણ
અમદાવાદઃ વાડજમાં રહેતી એક સગીરાનું અપહરણ થતાં પોલીસે ગુનો દાખલ કર્યો છે. વાડજમાં રામાપીરના ટેકરા નજીક ભાણજીભાઇના પીઠા પાછળ રહેતી એક સગીરાને કોઇ અજાણ્યો શખ્સ લલચાવી-ફોસલાવી લઇ જતાં પોલીસે તપાસ હાથ ધરી છે.

બે બાઈક અને રિક્ષાની ઉઠાંતરી
અમદાવાદઃ શહેરના નરોડા અને ઓઢવ વિસ્તારમાંથી બે બાઇક અને રિક્ષાની ઉઠાંતરી થતાં પોલીસે ગુના દાખલ કર્યા છે. નરોડામાં મહાજનીયા વાસ નજીકથી એક બાઇકની, નરોડા પાટીયા પાસેથી એક બાઇકની અને ઓઢવ આદીનાથનગર બસસ્ટેન્ડ પાસેથી એક રિક્ષાની ઉઠાંતરી થઈ હતી.

દારૂ-જુગારના અડ્ડા પર દરોડા
અમદાવાદઃ શહેરના જુદા જુદા વિસ્તારમાં દારૂ-જુગારના અડ્ડા પર પોલીસે દરોડા પાડી ૧૦૬ લિટર દેશી દારૂ, ર૪ બોટલ વિદેશી દારૂ, ૧ર બિયરનાં ટીન, એક રિક્ષા, એક બાઇક, રોકડ રકમ અને જુગારનાં સાધનો કબજે કરી ર૯ શખ્સની ધરપકડ કરી છે. આ ઉપરાંત પોલીસે તકેદારીના પગલાંરૂપે ૧પપ શખ્સની અટકાયત કરી છે.

છ યુવાનો રહસ્યમય સંજોગોમાં ગુમ
અમદાવાદઃ વટવામાંથી ગોપાલ વીરબહાદુર થાપા, ભુવનકુમાર ભગવતીપ્રસાદ શર્મા, નારણપુરામાંથી નીલમભાઇ મહેશભાઇ શાહ, ખાડિયામાંથી કેશવ મનોજભાઇ પટેલ, ગોતામાંથી વિજય વિઠ્ઠલભાઇ પરમાર અને નિકોલમાંથી રાકેશ મનસુખભાઇ ચુનારા રહસ્યમય સંજોગોમાં ગુમ થઈ ગયા હતા.

વૃદ્ધની લાશ મળી આવી
અમદાવાદઃ સિવિલ હોસ્પિટલ નજીકથી એક વૃદ્ધની લાશ મળી આવતાં પોલીસે તપાસ હાથ ધરી છે. સિવિલ હોસ્પિટલ નજીકની ફૂટપાથ પર એક વૃદ્ધની લાશ પડી હોવાની જાણ થતાં પોલીસે તાત્કાલિક પહોંચી જઇ જરૂરી કાર્યવાહી શરૂ કરી હતી.

Krupa

Recent Posts

પુલવામામાં ફરી આતંકીઓ ઘૂસ્યાઃ સુરક્ષાદળો સાથે અથડામણ જારી

શ્રીનગર: દ‌િક્ષણ કાશ્મીરના પુલવામા અને કુપવાડાના તંગદર વિસ્તારમાં ફરી એક વાર આતંકીઓની પ્રવૃત્તિ જોવા મળી છે. આ વિસ્તારમાં આતંકીઓ ઘૂસી…

37 mins ago

H. L. કોમર્સ કોલેજમાં રેગિંગ વિદ્યાર્થીનો આપઘાતનો પ્રયાસ

અમદાવાદ: શહેરના નવરંગપુરા વિસ્તારમાં આવેલ એચ.એલ. કોમર્સ કોલેજમાં એફવાય બીકોમમાં પ્રથમ સેમેસ્ટરમાં અભ્યાસ કરતા વિદ્યાર્થી સાથે રેગિંગનો બનાવ સામે આવ્યો…

59 mins ago

Audaની જૂની લિ‌મિટના નોન ટીપી વિસ્તારમાં પાણી-ગટરનાં કામ કરાશે

અમદાવાદ: ગત વર્ષ ર૦૦૬માં ઔડાની જૂની લિમિટના વેજલપુર, રાણીપ, બોડકદેવ જેવી કુલ ૧૭ નગરપાલિકાનો મ્યુનિસિપલ કોર્પોરેશનમાં સમાવેશ કરાયો હતો. જોકે…

1 hour ago

મ્યુનિસિપલ ટેક્સ માટે ટેરિફ પંચની રચનાનો મામલો 20 વર્ષથી અધ્ધરતાલ

અમદાવાદ: શહેરી વિકાસ વિભાગ હસ્તક કાર્યરત રાજ્યનાં તમામ મ્યુનિસિપલ કોર્પોરેશન માટે ટેક્સની આવક એ બહુ જ મહત્ત્વનો સ્રોત ગણાય છે,…

1 hour ago

Ahmedabad શહેરમાં આગામી 48 કલાકમાં હળવો વરસાદ પડવાની શક્યતા

અમદાવાદ: શહેર સહિત સમગ્ર રાજ્યમાં લોકો વરસાદની ચાતકડોળે રાહ જોઇ રહ્યા છે, પરંતુ આના બદલે ગરમીએ માઝા મૂકી છે, જોકે…

1 hour ago

ટ્રેનની લાંબા રૂટની ટિકિટ પણ મોબાઈલ એપથી બુક થઈ શકશે

અમદાવાદ: વેસ્ટર્ન રેલવે દ્વારા વડા પ્રધાન નરેન્દ્ર મોદીના જન્મદિવસ ૧૭ સપ્ટેમ્બરે લોન્ચ થયેલી અનરિઝર્વ ટિકિટિંગ સિસ્ટમને જબ્બર પ્રતિસાદ મળતાં હવે…

2 hours ago