Categories: Gujarat

અમરાઇવાડીમાં બુટલેગરનો અાતંક વેપારીના ઘર પર હુમલો કર્યો

અમદાવાદ: અમરાઇવાડી વિસ્તારમાં ગઇ કાલે મોડી રાતે બુટલેગર અને તેના સાગરીતોએ એક વેપારીના પરિવાર પર હુમલો કરીને તોડફોડ મચાવીને ખુરશીઓ સળગાવતા સમગ્ર વિસ્તારમાં ચકચાર મચી ગઇ છે. આ હિંસક ઘટના બાદ ડીસીપી સહિતનો કાફલો મોડી રાતે ઘટના સ્થળે પહોંચી ગયો હતો અને આતંક મચાવનાર ચાર શખ્સો વિરુદ્ધમાં લૂંટની ફરિયાદ દાખલ કરીને તપાસ શરૂ કરી હતી.

પોલીસ સૂત્રોના જણાવ્યા અનુસાર અમરાઇવાડી વિસ્તારમાં આવેલી પોસ્ટ ઓફિસની બાજુમાં મનીશા કાર્ટિંગ અને મનીશ કાર્ટિંગ નામથી રેતી અને ઇંટો વેચતા જશુભાઇ ઓડ અને તેમના બહેન ગજરાબહેન પવારના પરિવાર પર લુખ્ખા તત્વોએ મોડી રાતે હુમલો કર્યો છે. અમરાઇવાડી વિસ્તારમાં રહેતા અશોક મારવાડી, અર્જુન સોની, હિતેશ અને વિકાસ નામના ચાર શખ્સોએ ગજરાબહેનના પરિવાર પર હુમલો કરીને તોડફોડ કરી હતી. અશોક અને અર્જુન બન્ને જણા પર દારૂ જુગારના અસંખ્ય કેસો થયેલા છે. બે દિવસ પહેલા દારૂ મામલે જશુભાઇ ઓડની અર્જુન અને અશોક સાથે માથાકુટ થઇ હતી.

જેની અદાવાત રાખીને મોડી રાતે અશોક, અર્જુન, હિતેશ અને વિકાસ લાકડી અને ધોકા લઇને આવ્યા હતા અને ગજરાબહેનના પુત્ર મહેશ અને કલ્પેશ પર હુમલો કર્યો હતો ત્યારે જશુભાઇ પર પણ હુમલો કર્યો હતો હુમલો કર્યા બાદ ચારેય શખ્સોએ તેમની ઘર પાસે મુકેલી ખુરશી સળગાવીને પાનના ગલ્લામાં તોડફોડ મચાવી હતી. ત્યારે હુમલા વખતે આરોપીઓએ સોનાની ચેઇન પણ લૂંટી લીધી હોવાના આક્ષેપ કર્યા હતા. આ ઘટનાની જાણ પોલીસ કંટ્રોલમાં થતા ડીસીપી, એસીપી સહિત પોલીસનો કાફલો ઘટના સ્થળે પહોંચી ગયો હતો અને ઉશ્કેરાયેલા ટોળાને વેરવિખેર કરીને ૪ શખ્સો વિરુદ્ધમાં લુંટની ફરિયાદ દાખલ કરી હતી. સ્થાનિક સૂત્રોના જણાવ્યા અનુસાર ચારેય શખ્સો લાકડા ગેંગ સાથે સંકળાયેલા હોય તેવી પણ ચર્ચા ઊઠી છે. હાલ તો પોલીસે સમગ્ર વિસ્તારમાં ચાંપતો બંદોબસ્ત ગોઠવીને તપાસ શરૂ કરી છે.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

9 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

9 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

10 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

10 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

10 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

11 hours ago