સોહરાબુદ્દીન એન્કાઉન્ટર કેસમાં આજે બોમ્બે હાઇકોર્ટનો ચુકાદો

મુંબઇ: સોહરાબુદ્દીન એન્કાઉન્ટર કેસમાં બોમ્બે હાઇકોર્ટ પોતાનો ચુકાદો સંભળાવી શકે છે. હાઇકોર્ટના ચુકાદા બાદ એ ખબર પડી જશે કે શકમંદ ગેંગસ્ટર સોહરાબુદ્દીન શેખ, તેની પત્ની અને સાગરીતનાં એન્કાઉન્ટર મામલામાં ગુજરાત અને રાજસ્થાનના કેટલાક વરિષ્ઠ પોલીસ અધિકારીઓ આરોપી છે કે નહીં.

સીબીઆઇના જણાવ્યા અનુસાર ર૦૦પ-૦૬માં બંને રાજ્યની પોલીસનાં નકલી એન્કાઉન્ટરમાં સોહરાબુદ્દીન શેખ, તેની પત્ની કૌસરબી અને તેના સાગરીત તુલસીરામ પ્રજાપતિનાં મોત થયાં હતાં. ગુજરાત પોલીસે એ વખતે દાવો કર્યો હતો કે સોહરાબુદ્દીન શેખને આતંકવાદીઓ સાથે સાઠગાંઠ હતી.

ન્યાયમૂર્તિ એ.એમ.બદરનાં વડપણ હેઠળ ૧૬ જુલાઇએ હાઇકોર્ટની સિંગલ જજની બેન્ચ દ્વારા ગુજરાતની એક નીચલી અદાલત દ્વારા આ કેસમાં આરોપીઓને આરોપમુકત કરવા સામે પડકાર ફેંકનાર પાંચ રિવ્યુ પિટિશન પર ચુકાદો અનામત રાખવામાં આવ્યો હતો.

નીચલી અદાલતે ગુજરાતના આઇપીએસ અધિકારી રાજકુમાર પાંડિયન, ગુજરાત એટીએસના પૂર્વ વડા ડી.જી. વણજારા, ગુજરાતના પોલીસ અધિકારી એન.કે.અમીન, રાજસ્થાન કેડરના આઇપીએસ અધિકારી દિનેશ એમ.એન. અને રાજસ્થાન પોલીસના કોન્સ્ટેબલ દલપતસિંહ રાઠોડને દોષમુકત જાહેર કર્યા હતા.

ન્યાયમૂર્તિ એ.એમ.બદરે સોહરાબુદ્દીનના ભાઇ રબાબુદ્દીન અને સીબીઆઇ દ્વારા દાખલ પાંચ રિવ્યુ પિટિશન પર ૪ જુલાઇ બાદ નિયમિત સુનાવણી શરૂ કરી હતી. સુપ્રીમ કોર્ટના આદેશ બાદ આ કેસ ગુજરાતથી મુંબઇની સ્પેશિયલ કોર્ટમાં ટ્રાન્સફર કરવામાં આવ્યો હતો, જ્યાં ર૦૧૪થી ર૦૧૭ વચ્ચે ૩૮ લોકોમાંથી ૧પને દોષમુકત જાહેર કરાયા હતા.

divyesh

Recent Posts

IPL-2019: ચેન્નઈ સુપર કિંગ્સે ત્રણ ખેલાડીઓને કર્યા રિલીઝ

ચેન્નઈઃ ગત આઇપીએલ ચેમ્પિયન ચેન્નઈ સુપર કિંગ્સ (સીએસકે)એ ગઈ કાલે જાહેરાત કરી છે કે આઇપીએલની ૨૦૧૯ની સિઝન માટે ૨૨ ખેલાડીઓને…

15 mins ago

વરુણ અને ટાઈગરને લઈને બનાવવી છે એક ફિલ્મઃ જ્હોન અબ્રાહમ

વિકી ડોનર, 'મદ્રાસ કેફે', 'ફોર્સ-૨', 'રોકી હેન્ડસમ' અને 'પરમાણુઃ ધ સ્ટોરી ઓફ પોખરણ' જેવી ફિલ્મો બનાવનાર અભિનેતા અને નિર્માતા બનેલા…

29 mins ago

અમૂલ હસ્તક બગીચામાં મેન્ટેનન્સનાં ધાંધિયા, તંત્રએ નથી ફટકાર્યો એક પણ રૂપિયાનો દંડ

અમદાવાદઃ મ્યુનિસિપલ તંત્ર દ્વારા શહેરનાં મોટા ભાગનાં બગીચા અમૂલને સાર-સંભાળ માટે અપાયાં છે. તેનાં બદલામાં સત્તાવાળાઓએ લાખો કરોડો રૂપિયાની બગીચાની…

50 mins ago

રાજ્યવ્યાપી એકતા યાત્રાનાં બીજા તબક્કાનો આજથી પ્રારંભ, CM રૂપાણીએ કરાવ્યું પ્રસ્થાન

અમદાવાદઃ સરદાર પટેલનાં એકતા-અખંડિતતાનાં સંદેશને ઊજાગર કરતી એકતા યાત્રાનાં પ્રથમ તબક્કામાં ગ્રામીણ-શહેરી ક્ષેત્રનાં ૧૬ લાખથી વધુ નાગરિકોએ એકતાના સામૂહિક શપથ…

1 hour ago

કન્સલ્ટન્ટનાં અભાવે શહેરમાં 250 કરોડનાં રસ્તાનાં કામમાં વિઘ્ન

અમદાવાદઃ શહેરભરનાં ઊબડખાબડ રસ્તાથી વાહનચાલકો દરરોજ તોબા પોકારે છે. મેટ્રો રેલ રૂટને સંલગ્ન રસ્તા પણ ખરાબ હાલતમાં છે, જોકે મેટ્રો…

1 hour ago

260 કરોડનાં કૌભાંડ મામલોઃ વિનય શાહ અને સુરેન્દ્ર રાજપુત વચ્ચેની ઓડિયો ક્લિપ વાઇરલ

અમદાવાદઃ એકનાં ડબલ કરી આપવાની પોન્ઝી સ્કીમ લાવીને લોકો પાસેથી 260 કરોડ રૂપિયા ખંખેરીને ફરાર થઈ ગયેલા વિનય શાહની મુશ્કેલીઓ…

2 hours ago