Categories: Gujarat

શહેરમાં કેસરી નહીં, માત્ર વાદળી અને લીલા રંગની જ ડસ્ટબિન

અમદાવાદ: ગત તા.પ જૂનના આંતરરાષ્ટ્રીય પર્યાવરણ દિવસ નિમિત્તે કોર્પોરેશન દ્વારા શહેરમાં પચાસ હજાર ડસ્ટ‌િબનનું વિતરણ કરાયું હતું. કેન્દ્ર સરકારની નવી સૂચના મુજબ કચરાને સૂકો અને ભીનો કચરો એમ અલગ કરવાનો થાય છે. સૂકા કચરાના ડસ્ટ‌િબન માટે વાદળી રંગ અને ભીના કચરાના ડસ્ટ‌િબન માટે લીલો રંગ નિશ્ચિત કરાયો છે, જોકે અત્યાર સુધી અમદાવાદીઓમાં ભાજપનું પ્રતિનિધિત્વ કરતા પ્રજાના પ્રતિનિધિઓ કેસરી રંગનાં ડસ્ટ‌િબનનું વિતરણ કરતા હતા, પરંતુ કેન્દ્રની તાકીદના પગલે કોર્પોરેશન દ્વારા ડસ્ટ‌િબનને કેસરી રંગથી રંગીને નાગરિકોમાં વિતરણ કરવા પર પ્રતિબંધ મૂકી દેવાયો છે.

તાજેતરમાં ભાજપના ધારાસભ્ય ભૂષણ ભટ્ટ દ્વારા તેમના જમાલપુર-ખાડિયા વિધાનસભા મતવિસ્તારમાં નાગરિકોને કેસરી રંગનાં ડસ્ટ‌િબનનું વિતરણ કરાયું હતું. ખુદ ધારાસભ્ય ભૂષણ ભટ્ટે ઘરે-ઘેર ફરીને ગૃહિણીઓને કેસરી રંગનાં ડસ્ટ‌િબન વહેંચ્યાં હતાં. આ ઉપરાંત સ્ટેન્ડિંગ કમિટીના સભ્ય અને નરોડાના કોર્પોરેટર ગિરીશ પ્રજાપતિએ પણ લોકોમાં કેસરી રંગનાં ડસ્ટ‌િબન વહેંચ્યાં હતાં.

એક તરફ તંત્ર શહેરમાં ભવ્ય સમારંભ યોજીને લીલા અને વાદળી રંગનાં ડસ્ટ‌િબનનો પ્રચાર કરે છે, બીજી તરફ શહેરના શાસક ભાજપ પક્ષના ધારાસભ્ય અને કોર્પોરેટરો દ્વારા જ તંત્રના આ નિર્ણયની વિરુદ્ધ કેસરી રંગનાં ડસ્ટ‌િબનનું ખુલ્લેઆમ વિતરણ થઈ રહ્યું છે, જોકે આના ગંભીર પડઘા કોર્પોરેશનમાં પડ્યા છે. સ્ટેન્ડિંગ કમિટીના ચેરમેન પ્રવીણ પટેલને આ અંગે પૂછતાં તેઓ કહે છે, કોર્પોરેટરોના જૂના બજેટમાં આવી જોગવાઈ હતી. હવે નવા બજેટમાં ડસ્ટ‌િબનને કેસરી રંગ આપી શકાશે નહીં.

જોકે કોર્પોરેશન દ્વારા ચાલુ નાણાકીય વર્ષ ૨૦૧૭-૧૮ના બજેટમાં ડસ્ટ‌િબન માટે નાણાં ફાળવનાર સંસદસભ્ય, ધારાસભ્ય અને કોર્પોરેટરોને ફક્ત વાદળી અને લીલા રંગનાં ડસ્ટ‌િબનનું વિતરણ કરવાની મૌખિક સૂચના અપાઈ ગઈ છે.

આ અંગે વધુ માહિતી આપતાં હેલ્થ વિભાગના ઈન્ચાર્જ વડા ડો. ભાવિન સોલંકી કહે છે, પહેલાં પ્રજાના ચૂંટાયેલા પ્રતિનિધિઓ પોતાનો મનપસંદ રંગ ડસ્ટ‌િબનને આપી શકતા હતા, પરંતુ હવે કેન્દ્રની નવી ગાઈડલાઈન મુજબ ફક્ત વાદળી અને લીલો રંગ જ માન્ય છે એટલે ટૂંક સમયમાં તમામ પ્રજાના ચૂંટાયલા પ્રતિનિધિઓને વાદળી અને લીલા રંગનો ઉપયોગ કરવાની પત્ર લખીને તાકીદ કરાશે.
http://sambhaavnews.com/

divyesh

Recent Posts

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

8 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

8 hours ago

ગુજરાત સરકારનો મહત્વનો નિર્ણય, પ્રાથમિક શાળાઓમાં કન્યાઓને અપાશે માસિક ધર્મનું શિક્ષણ

ગાંધીનગરઃ રાજ્ય સરકાર દ્વારા એક મહત્વનો નિર્ણય લેવામાં આવ્યો છે. હવેથી પ્રાથમિક સ્કૂલોમાં માસિક ધર્મ અંગેનું માર્ગદર્શન આપવામાં આવશે. પ્રાથમિક…

8 hours ago

DeepVeer Wedding: દીપિકા-રણવીર કોંકણી રીતિ રિવાજથી બંધાયા લગ્નનાં બંધનમાં

બોલીવૂડની સૌથી સુંદર જોડીઓમાંની એક જોડી એટલે દીપિકા પાદુકોણ અને રણવીર સિંહ. જેઓ હવે પતિ-પત્ની બની ચૂક્યાં છે. ઘણાં લાંબા…

9 hours ago

ઇસરોને અંતરિક્ષમાં મળશે મોટી સફળતા, લોન્ચ કર્યો સંચાર ઉપગ્રહ “GSAT-29”

અંતરિક્ષમાં સતત પોતાની ધાક જમાવી રહેલ ભારતે આજે ફરી વાર એક મોટી સફળતાનો નવો કીર્તિમાન રચ્યો છે. ઇસરોએ બુધવારનાં રોજ…

10 hours ago

RBI લિક્વિડિટી વધારવા ફાળવશે રૂ.૧૫ હજાર કરોડ

મુંબઇઃ રિઝર્વ બેન્ક ઓફ ઇન્ડિયાએ દેશની ઇકોનોમીમાં લિક્વિડિટી વધારવાની સરકારની માગણી સ્વીકારી લીધી છે. આરબીઆઇએ સરકારી સિક્યોરિટીઝની ખરીદી દ્વારા ઇકોનોમિક…

10 hours ago