Categories: Lifestyle

યુવાનો વળ્યા બ્લાઇન્ડ ફોલ્ડ યોગ તરફ

બ્લાઇન્ડ ફોલ્ડ યોગમાં આંખ પર  કાપડ બાંધવામાં આવે છે. જેના કારણે તમે આજુબાજુ કોણ શું કરે છે તે જોઇ શકતા નથી ને તમારું સંપૂર્ણ ધ્યાન યોગ પર જ રહે છે. આ પદ્ધતિથી યોગ કરવા યુવાનોને વધુ પસંદ છે. આંખે માસ્ક લગાવવાથી ચારે બાજુ અંધારું થઇ જાય છે. તમને તમારી આસપાસનું કશું જ દેખાતું નથી. જેથી ધ્યાન બીજે ક્યાંય ખેંચાતું નથી અને વ્યક્તિ નેચરલી શ્વાસ લેવા, હોલ્ડ કરવા અને કાઢવાની પ્રક્રિયાને ફૉલો કરતી થઇ જાય છે.

આ સંદર્ભે વાત કરતા યોગ કલાસીસ ચલાવતાં પ્રજ્ઞાબહેન કહે છે કે, “આજકાલ યુવાનો નાનીનાની વાતોનું ટેન્શન અને સ્ટ્રેસ લેતા થયા છે. ત્યારે લયબદ્ધ રીતે યોગ કરવામાં આવે તો તે અકસીર પુરવાર થાય છે. તેમાં પણ બ્લાઇન્ડ ફોલ્ડ યોગ સૌથી સારું સ્ટ્રેસ બુસ્ટર છે. બંધ આંખે કરવામાં આવતા યોગથી મગજ ખૂબ શાંત થાય છે. જોકે આપણે ત્યાં હજુ આ યોગ પ્રત્યે જોઇએ તેટલી જાગૃતિ નથી આવી. હજુ આપણા માટે બ્લાઇન્ડ ફોલ્ડ યોગની શરૂઆત જ કહેવાય. છતાં જે યુવાવર્ગ છે તે આવું નવું અવતરણ કરવા આતુર હોય છે. જેના કારણે આ યોગ ધીમેધીમે લોકપ્રિય બની રહ્યા છે.”

મેઘના અભિમન્યુ કહે છે કે, “યોગ શરીરને સંતુલિત રાખવાની સાથેસાથે મનને પણ શાંત રાખવામાં અસરકારક રીતે ઉપયોગી છે. મને યોગ કરવામાં પહેલેથી જ રસ છે. મેં કોઇ યોગ ક્લાસ જોઇન્ટ નથી કર્યા પરંતુ નિયમિતપણે યોગ કરું છું. બ્લાઇન્ડ ફોલ્ડ યોગ વિશે સોશિયલ મીડિયા દ્વારા ઘણું જાણ્યું છે ને માટે જ આ યોગ પણ મેં શરૂ કર્યા છે. શરૂઆતમાં આ રીતે યોગ કરવામાં થોડી મુશ્કેલી પડે છે પણ જેમજેમ પ્રેક્ટિસ થાય તેમતેમ આ યોગ કરવામાં મજા આવે છે. મારી સાથે મારા બે-ત્રણ મિત્ર પણ આ યોગ કરે છે. અમને આ નવો પ્રયોગ ગમે છે.” જ્યારે પીયૂષ પારેખ કહે છે કે, “જિમમાં જઇને સિક્સ પેક બનાવવાની મજા જ કંઈક અલગ હોય છે. છતાં સબ રોગ કી દવા યોગ છે. યોગથી બોડીમાં એક નવી જ ચેતના જાગે છે અને હવે તો યોગ માટે દરેક વર્ગ આગળ આવી રહ્યો છે. તેમાં હવે બ્લાઇન્ડ ફોલ્ડ યોગથી એક નવી અનુભૂતિ થાય છે. જોકે હજુ યોગા કલાસીસમાં આ યોગ વિશે ધીમેધીમે જાણકારી વિસ્તરી રહી છે.”

આંખે પાટા બાંધીને યોગાભ્યાસ કરવાથી અન્ય ઈન્દ્રિયો સતેજ થાય છે, એકગ્રતા વધે છે, શરીર સંતુલન બને છે. બોડી અને માઇન્ડ વચ્ચેનું કનેક્શન સુધરે છે. યુવાનોમાં આ યોગને લઇને ઘણો ક્રેઝ જોવા મળે છે.

Krupa

Recent Posts

IPL-2019: ચેન્નઈ સુપર કિંગ્સે ત્રણ ખેલાડીઓને કર્યા રિલીઝ

ચેન્નઈઃ ગત આઇપીએલ ચેમ્પિયન ચેન્નઈ સુપર કિંગ્સ (સીએસકે)એ ગઈ કાલે જાહેરાત કરી છે કે આઇપીએલની ૨૦૧૯ની સિઝન માટે ૨૨ ખેલાડીઓને…

3 mins ago

વરુણ અને ટાઈગરને લઈને બનાવવી છે એક ફિલ્મઃ જ્હોન અબ્રાહમ

વિકી ડોનર, 'મદ્રાસ કેફે', 'ફોર્સ-૨', 'રોકી હેન્ડસમ' અને 'પરમાણુઃ ધ સ્ટોરી ઓફ પોખરણ' જેવી ફિલ્મો બનાવનાર અભિનેતા અને નિર્માતા બનેલા…

18 mins ago

અમૂલ હસ્તક બગીચામાં મેન્ટેનન્સનાં ધાંધિયા, તંત્રએ નથી ફટકાર્યો એક પણ રૂપિયાનો દંડ

અમદાવાદઃ મ્યુનિસિપલ તંત્ર દ્વારા શહેરનાં મોટા ભાગનાં બગીચા અમૂલને સાર-સંભાળ માટે અપાયાં છે. તેનાં બદલામાં સત્તાવાળાઓએ લાખો કરોડો રૂપિયાની બગીચાની…

39 mins ago

રાજ્યવ્યાપી એકતા યાત્રાનાં બીજા તબક્કાનો આજથી પ્રારંભ, CM રૂપાણીએ કરાવ્યું પ્રસ્થાન

અમદાવાદઃ સરદાર પટેલનાં એકતા-અખંડિતતાનાં સંદેશને ઊજાગર કરતી એકતા યાત્રાનાં પ્રથમ તબક્કામાં ગ્રામીણ-શહેરી ક્ષેત્રનાં ૧૬ લાખથી વધુ નાગરિકોએ એકતાના સામૂહિક શપથ…

58 mins ago

કન્સલ્ટન્ટનાં અભાવે શહેરમાં 250 કરોડનાં રસ્તાનાં કામમાં વિઘ્ન

અમદાવાદઃ શહેરભરનાં ઊબડખાબડ રસ્તાથી વાહનચાલકો દરરોજ તોબા પોકારે છે. મેટ્રો રેલ રૂટને સંલગ્ન રસ્તા પણ ખરાબ હાલતમાં છે, જોકે મેટ્રો…

1 hour ago

260 કરોડનાં કૌભાંડ મામલોઃ વિનય શાહ અને સુરેન્દ્ર રાજપુત વચ્ચેની ઓડિયો ક્લિપ વાઇરલ

અમદાવાદઃ એકનાં ડબલ કરી આપવાની પોન્ઝી સ્કીમ લાવીને લોકો પાસેથી 260 કરોડ રૂપિયા ખંખેરીને ફરાર થઈ ગયેલા વિનય શાહની મુશ્કેલીઓ…

2 hours ago