સિદ્ધૂ બાદ કિર્તી અને શત્રુધ્ન પણ AAP માં જોડાશે! કુમાર વિશ્વાસે ટ્વિટ કરી કર્યો ઇશારો

નવી દિલ્હી: ચૂંટણી આવતાંની સાથે જ પાર્ટી બદલવાની સિઝન શરૂ થઇ ગઇ છે. ભાજપ છોડીને જનારાઓની સંખ્યા વધતી જાય છે. બે દિવસ પહેલાં જ નવજોત સિંહ સિદ્ધૂએ ભાજપમાંથી રાજીનામું આપી દીધું છે. નવજોત સિંહ સિદ્ધૂની પત્નીએ ઇશારો કર્યો કે તેમના પતિની પાસે આમ આદમી પાર્ટી ઉપરાંત કોઇ વિકલ્પ નથી. એવામાં હવે જે સમાચાર આવી રહ્યાં છે તે ભાજપ માટે વધુ ચિંતાનો વિષય છે.

જો કે ભાજપના વધુ બે દિગ્ગજ નેતાઓ પાર્ટી છોડીને આમ આદમી પાર્ટીમાં સામેલ થાય તેવા અનુમાન લગાવવામાં આવી રહ્યાં છે. આપ નેતા કુમાર વિશ્વાસે ટ્વિટ કરી આ તરફ ઇશારો કર્યો છે. કુમાર વિશ્વાસે ટ્વિટ કર્યું છે કે ‘આપ’ની ‘શત્રુધ્ન’ કિર્તી’ સિદ્ધ થવાને છે.

જો કુમાર વિશ્વાસના આ ટ્વિટનો અર્થ કાઢવામાં આવે તો કીર્તિ (આઝાદ), શત્રુધ્ન (સિંહા) અને સિદ્ધૂ (નવજોત) આમ આદમી પાર્ટીમાં જોડાઇ શકે છે. જો આમ થાય છે તો પંજાબ અને ઉત્તર પ્રદેશ વિધાનસભા ચૂંટણી પહેલાં ભાજપને આકરો ઝટકો લાગવાનો છે.


અત્રે ઉલ્લેખનીય છે કે પાર્ટીથી નારાજ નવજોત સિંહ સિદ્ધૂએ 18 જુલાઇના રોજ રાજ્યસભામાંથી રાજીનામું આપી દીધું હતું. તો બીજી તરફ નાણામંત્રી અરૂણ જેટલી વિરૂદ્ધ મોરચો ખોલવા પર પાર્ટીમાંથી સંસ્પેડેડ સાંસદ કીર્તિ આઝાદની પત્નીએ પણ આપમાં જોડાવવાના સંકેત આપ્યા છે. જ્યારે પોતાના નિવેદનો અને પીએમ મોદી વિરૂદ્ધ બોલવાના બદલે શત્રુધ્ન સિંહા ઘણીવાર પાર્ટી હાઇકમાન્ડની નારાજગીનો સામનો કરી રહ્યાં છે. એવામાં આ નેતાઓ આમ આદમી પાર્ટીમાં જોડાઇ એમાં કોઇ આશ્વર્યની વાત નથી.

You might also like