Categories: India Top Stories

BJP નો 39મો સ્થાપના દિવસ, અમિત શાહ મુંબઇમાં 3 લાખ કાર્યકર્તાઓને સંબોધન કરશે

કેન્દ્ર સહિત દેશના 21 રાજ્યોમાં સત્તા પર બેસેલ ભારતીય જનતા પાર્ટી આજે પોતાનો 39માં સ્થાપના દિવસની ઉજવણી કરી રહી છે. ભાજપ દ્વારા દેશભરમાં સ્થાપના દિવસની ઉજવણી કરવામાં આવી રહી છે. ભાજપના રાષ્ટ્રીય અધ્યક્ષ અમિત શાહ આજે મુંબઇમાં ત્રણ લાખ કાર્યકર્તાઓને સંબોધન કરશે. તો બીજી તરફ વડાપ્રધાન નરેન્દ્ર મોદી 5 સંસદીય ક્ષેત્રોના કાર્યકરો સાથે સીધો સંવાદ કરશે. વડાપ્રધાન નરેન્દ્ર મોદીએ ભાજપના સ્થાપના દિવસે સવારે ટવિટ કરી બધા ભાજપના કાર્યકર્તાઓને શુભેચ્છા પાઠવી છે.

ભાજપના રાષ્ટ્રીય અધ્યક્ષ અમિત શાહ મુંબઇમાં એક રેલીને સંબોધન કરશે. આ રેલીમાં ભાજપ અધ્યક્ષ 2019ની લોકસભાની ચૂંટણીનું રણશિંગુ ફુંકશે. અમિત શાહની આ રેલીમાં અંદાજે 3 લાખ કાર્યકર્તાઓ ઉપસ્થિત રહેશે તેવી શક્યતાઓ જોવા મળી રહી છે. આ રેલી માટે દેશભરમાંથી ભાજપના કાર્યકર્તાઓ મુંબઇ પહોંચી રહ્યાં છે.

પક્ષના સ્થાપના દિવસ પર વડાપ્રધાન નરેન્દ્ર મોદી 5 સંસદીય ક્ષેત્રોના કાર્યકર્તાઓ સાથે સીધો સંવાદ કરશે. વડાપ્રધાન નરેન્દ્ર મોદી કાર્યકર્તાઓને નમો એપ દ્વારા સંવાદ કરશે. આ પાંચ સંસદીય ક્ષેત્રમાં નવી દિલ્હી, ઉત્તરી-પૂર્વી દિલ્હી, ઉત્તરી મધ્ય મુંબઇ, હમીરપુર (હિમાચલ પ્રદેશ) અને સારણ (બિહાર)નો સમાવેશ થાય છે.

ઉલ્લેખનીય છે કે દેશમાં કટોકટી સમયે ભારતીય જનસંઘ અને બીજા રાજકીય પક્ષોએ ગઠબંધન કર્યું અને જનતા પાર્ટીનો જન્મ થયો. જનતા પાર્ટીને તત્કાલીન વડાપ્રધાન ઇન્દીરા ગાંધીની નીતિઓ વિરુધ્ધ ચૂંટણી લડી અને પક્ષની મોટી જીત થઇ.

પરંતુ જનતા પાર્ટીમાં આંતરિક વિખવાદ થયો અને જનતા પાર્ટીની સરકાર પોતાના કાર્યકાળ પણ પુરો કરી શકી નહીં. ત્યારબાદ જનસંઘ જનતા પાર્ટીથી અલગ થઇ. 6 એપ્રિલ 1980ના રોજ ભારતીય જનતા પાર્ટીના નામે નવી પાર્ટી રચાઇ. પૂર્વ વડાપ્રધાન અટલ બિહારી વાજપઇ પક્ષના પ્રથમ અધ્યક્ષ બન્યા.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

59 mins ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

1 hour ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

2 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

2 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

2 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

3 hours ago