BJPને હવે મિત્રોની જરૂરીયાત નથી લાગતીઃ ઉદ્ધવ ઠાકરે

મુંબઇઃ મહારાષ્ટ્રનાં પાલઘર લોકસભા સીટ ગુમાવ્યા બાદ ઉદ્ધવ ઠાકરેએ બીજેપી પર નિશાન સાધ્યું છે. શિવસેનાએ ચૂંટણી આયોગથી પાલઘરમાં રિઝલ્ટ રોકવાની પણ વિશેષ માંગ કરી છે. શિવસેના પ્રમુખ ઉદ્ધવ ઠાકરેનાં ઘરે થયેલી બેઠક બાદ શિવસેનાએ ચૂંટણી આયોગથી વોટિંગ પેટર્નમાં ગરબડીની ફરિયાદ કરી હતી.

જો કે ચૂંટણી આયોગે શિવસેનાનાં ઐતરાજને ખારિજ કરી દીધો. શિવસેનાનું કહેવું એમ હતું કે 20માં રાઉન્ડ બાદ વોટ નહીં વધે. ત્યાર બાદ શિવસેનાએ ઉદ્ધવ ઠાકરેનાં ઘરે પ્રેસ કોન્ફરન્સ કરી હતી.

ઉદ્ધવ ઠાકરેએ પ્રેસ કોન્ફરન્સમાં બીજેપી પર બરાબર આકરા પ્રહાર કર્યાં. ઉદ્ધવે જણાવ્યું કે, લાગે છે કે હવે બીજેપીને દોસ્તની જરૂરિયાત નથી. 2014માં જ્યારે ભાજપ સરકાર આવી હતી ત્યારે લોકોને એવું લાગ્યું હતું કે આ સરકાર 25 વર્ષ સુધી ચાલશે પરંતુ 4 વર્ષમાં જ આ સરકારે અનેક જગ્યાએથી પોતાનાં બહુમત ગુમાવી દીધાં છે.

તેઓએ બીજેપીનાં સ્ટાર પ્રચારક અને યૂપીનાં મુખ્યમંત્રી યોગી આદિત્યનાથ પર પણ નિશાન સાધતા કહ્યું કે યોગી આદિત્યનાથ પોતાનાં ઘરમાં ચૂંટણી હારી રહ્યાં છે અને અહીં મહારાષ્ટ્રમાં પ્રચાર કરવા નીકળ્યાં છે. તેઓએ આદિત્યનાથ પર આકરા પ્રહાર કરતા જણાવ્યું કે,”જનતાએ યોગીજીની મસ્તી ઉતારી દીધી છે.”

ઉલ્લેખનીય છે કે મહારાષ્ટ્રની પાલઘર લોકસભા સીટ પર યોજાયેલ પેટાચૂંટણીમાં શિવસેના પ્રત્યાશી શ્રીનિવાસ વનગાને 29,000થી અધિક વોટોથી હરાવતા બીજેપીનાં રાજેન્દ્ર ગાવિત આ સીટ પર પાર્ટીનો કબ્જો ચાલુ રાખવામાં સફળ રહ્યાં છે. વર્ષ 2014ની લોકસભા ચૂંટણી આ બંને પાર્ટીઓએ સાથે મળીને લડી હતી.

બીજેપી 2014ની લોકસભા ચૂંટણીમાં આ સીટ પરથી જીત હાંસલ કરી હતી અને એનાં સાંસદ ચિંતમણ વનગાનાં નિધનને લઇને આ સીટ પર પેટાચૂંટણી થઇ હતી. અહીંયા શિવસેનાએ દિવંગત ભાજપનાં સાંસદ ચિંતામણ વાંગાનાં પુત્ર શ્રીનિવાસ વાંગાને પોતાનો ઉમેદવાર બનાવ્યાં હતાં.

You might also like