Categories: India

બિહારમાં ભાજપના નેતાની ગોળી મારીને હત્યાઃ આજે બંધનું એલાન

પટણા: બિહારની રાજધાની પટણાની નજીક આવેલા દાનાપુરમાં કેટલાક બદમાશોએ ભાજપના ટોચના નેતા અને ભાજપ પ્રદેશ કારોબારીના સભ્ય અશોક જયસ્વાલની ધોળે દિવસે જાહેરમાં ગોળી મારીને હત્યા કરી હતી. તેમના પર ચાર ગોળી છોડવામાં આવી હતી. આ હત્યાના બે આરોપી પૈકી એકની પોલીસે ધરપકડ કરી છે. દરમિયાન ભાજપે પોતાના નેતાની હત્યાના વિરોધમાં આજે ગુરુવારે દાનાપુર બંધનું એલાન આપ્યું છે.

અહેવાલો અનુસાર ભાજપ નેતા અશોક જયસ્વાલને અપરાધીઓએ દાનાપુરના ગોલારોડ સ્થિત તેમના નિવાસસ્થાન નજીક ગોળી મારી હતી. જયસ્વાલને ગંભીર સ્થિતિમાં બેલીરોડ સ્થિત એક ખાનગી હોસ્પિટલમાં તાબડતોબ ખસેડવામાં આવ્યા હતા. પરંતુ ડોક્ટરોએ તેમને ત્યાં મૃત જાહેર કર્યા હતા. આ ઘટનાનું કારણ હજુ સ્પષ્ટ થયું નથી, પરંતુ તેની પાછળ પ્રણય સંબંધો હોવાનું જણાવાય છે.
આ કેસમાં પોલીસે અશોક જયસ્વાલના પુત્રની પ્રેમિકા અને તેના પરિવારજનોની ધરપકડ કરી છે. ઘટના બાદ પોલીસે બેમાંથી એક આરોપીની ધરપકડ કરી છે. આ ઘટના પાછળ કોઈ અંગત અદાવત પણ જવાબદાર હોવાનું માનવામાં આવે છે. જોકે પોલીસ આ ઘટનાના તમામ પાસાઓ પર સઘન તપાસ કરી રહી છે.

અશોક જયસ્વાલ બિહારના રાજકારણમાં એક સક્રિય નામ છે. વર્ષ ૨૦૧૦માં તેમણે નાનાપુર મથક ક્ષેત્રમાંથી અપક્ષ ઉમેદવાર તરીકે ચૂંટણી લડી હતી. છેલ્લા કેટલાક મહિનામાં ભાજપના નેતાની હત્યાની આ બીજી ઘટના છે. આ અગાઉ ફેબ્રુઆરીમાં પણ ભાજપના ઉપાધ્યક્ષ વિશ્વેશ્વર ઓઝાને બિહારના આરામાં ગોળી મારીને હત્યા કરવામાં આવી હતી.

આ ઘટના અંગે પ્રતિક્રિયા આપતાં ભાજપના અધ્યક્ષ મંગલ પાંડેયે જણાવ્યું હતું કે રાજ્યમાં કાયદો અને વ્યવસ્થાનું શાસન હવે અસ્તિત્વમાં નથી. અપરાધીઓ કોઈ પણ જાતના ડર વગર હુમલાને અંજામ આપે છે. ડાયરેક્ટર જનરલ ઓફ પોલીસે અપરાધીઓની તાત્કાલિક ધરપકડ કરવી જોઈએ.

divyesh

Recent Posts

ગોવા સરકારનું નેતૃત્વ મનોહર પર્રિકર જ કરશેઃ અમિત શાહ

ન્યૂ દિલ્હીઃ તમામ વિવાદો પર વિરામ લગાવતા ભાજપનાં રાષ્ટ્રીય અધ્યક્ષ અમિત શાહે આખરે સ્પષ્ટ કરી દીધું છે કે, મનોહર પર્રિકર…

8 hours ago

મોઢેરા સૂર્યમંદિરમાં પ્રવેશ ફીનો ચાર્જ વધારતા પર્યટકોમાં રોષ

મહેસાણા: મોઢેરાનું ઐતિહાસિક સૂર્યમંદિર એ એક ઐતિહાસિક વારસો ધરાવે છે તેમજ દરેક નાગરિક આ વારસાથી પરિચિત છે. તેને જોવા માટે…

8 hours ago

આતંકવાદ અને વાતચીત એક સાથે ક્યારેય શક્ય ના બનેઃ બિપીન રાવત

ન્યૂ દિલ્હીઃ ભારતનાં આર્મી ચીફ જનરલ બિપીન રાવતે પાકિસ્તાનને સણસણતો જવાબ આપ્યો છે. આર્મી ચીફ બિપીન રાવતે નિવેદન આપતાં કહ્યું…

9 hours ago

ગણેશ વિસર્જન યાત્રાનાં નામે સુરતમાં PAAS અને SPGનું શક્તિપ્રદર્શન

સુરતઃ ગણેશ વિસર્જનની આડમાં SPG અને PAASએ સુરતમાં શક્તિ પ્રદર્શન કર્યું છે. અલ્પેશ કથીરિયાની જેલ મુક્તિની મુખ્ય માંગ સાથે હજારો…

11 hours ago

વિઘ્નહર્તાની અશ્રુભીની વિદાય, વિસર્જનને લઇ બનાવાયાં ભવ્ય કૃત્રિમ તળાવો

વડોદરાઃ આજે ઠેર-ઠેર ભગવાન ગણેશજીનું વિસર્જન થશે અને બાપ્પાને આવતા વર્ષે જલ્દી આવવા માટેની ભક્તો દ્વારા વિનંતી પણ કરાશે. ત્યારે…

12 hours ago

વિશ્વની સૌથી મોટી હેલ્થ સ્કીમ લોન્ચ, મોદીએ કહ્યું,”હવે ગરીબ પણ કરાવી શકશે મોંઘી સારવાર”

ઝારખંડઃ પ્રધાનમંત્રી નરેન્દ્ર મોદીએ ઝારખંડની રાજધાની રાંચીથી કેન્દ્ર સરકારની મહત્વાકાંક્ષી આયુષ્માન ભારત-રાષ્ટ્રીય સ્વાસ્થ્ય સુરક્ષા મિશનનું શુભારંભ કરાવાયું. આ યોજના અંતર્ગત…

12 hours ago