Categories: India

ધર્મશાળા જેવી છે ભોપાલ સેન્ટ્રલ જેલઃ ડિઝાઇનમાં છે અનેક ખામીઓ

ભોપાલ: થોડા દિવસ પહેલાં ભોપાલ સેન્ટ્રલ જેલમાંથી સિમીના આઠ આતંકવાદી જેલ તોડીને ફરાર થઇ ગયા હતા અને ત્યાર બાદ તેમનાં એન્કાઉન્ટરથી દેશભરમાં મોટો હોબાળો મચ્યો હતો. અધિકારીઓના જણાવ્યા અનુસાર ભોપાલ સેન્ટ્રલ જેલની હાલત ધર્મશાળા જેવી થઇ ગઇ છે. આ ઉપરાંત જેલની ડિઝાઇનમાં પણ અનેક પ્રકારની ખામીઓ છે. જેલની સુરક્ષા વ્યવસ્થા પણ સઘન નથી. લાંબા સમયથી ભોપાલ જેલમાં રાખવામાં આવેલા કેદીઓને સુરક્ષાનાં છીંડાંની પૂરી જાણકારી છે, પરંતુ આ અંગે કોઇ પગલાં ભરવામાં આવ્યાં નથી.

ભોપાલ જેલ બ્રેક અંગે થોડા થોડા સમયે ચોંકાવનારા ખુલાસા થયા છે. જેલ અધિકારીઓના જણાવ્યા અનુસાર સમગ્ર મધ્યપ્રદેશની જેલ વ્યવસ્થા ઘણી નબળી છે અને જેલ તોડવાની ઘટના નવી નથી. વર્ષ ર૦૧૧માં નવ કેદી છ સિકયોરિટી ગાર્ડસની ચાની અંદર નશીલી દવા ભેળવીને તેમને બેભાન કરી નાસી છૂટયા હતા. ર૦૧૩માં જર્જરીત દીવાલો અને સુરક્ષા કર્મચારીઓની ઉણપ સામે ઝઝૂમતી ખંડવા જેલમાંથી પાંચ ‌કેદી બાથરૂમની બારી તોડીને ભાગી ગયા હતા.

મધ્યપ્રદેશમાં ૧૧ સેન્ટ્રલ જેલ, ૭ર તાલુકા અને જિલ્લાસ્તરની જેલ સહિત કુલ ૧ર૪ જેલ આવેલી છે. મોડલ જેલ કોડ અનુસાર જેલમાં સામાન્ય રીતે નિયત સંખ્યા કરતાં કેદીઓની સંખ્યા દસ ટકા જ વધુ હોવી જોઇએ, પરંતુ રાજ્યની મોટા ભાગની જેલમાં નિયમ કરતાં ૪૦ ટકા વધુ કેદી ભરેલા છે.

ભોપાલ સેન્ટ્રલ જેલની ક્ષમતા ૧૪૦૦ કેદીની છે, પરંતુ ત્યાં ૩,૦૦૦ કરતાં વધુ કેદીને રાખવામાં આવે છે. એક સમયે મધ્યપ્રદેશની તમામ જેલની વ્યવસ્થા સંભાળનારા નિવૃત્ત જેલ અધિકારી જી.કે. અગ્રવાલે જણાવ્યું કે, “રાજ્યની જેલ વ્યવસ્થા સાવ ખાડે ગઇ છે, પરંતુ કોઇને તેની ચિંતા નથી. રાજકારણી અને અધિકારી પોતાની મસ્તીમાં ડૂબેલા છે. મેં અનેક વખત વરિષ્ઠ જેલ અધિકારીઓના લખેલા અનેક પત્રો સરકાર સુધી પહોંચાડયા છે, પરંતુ હજુ સુધી કોઇ નક્કર કાર્યવાહી હાથ ધરવામાં આવી નથી.”

રાજ્ય અને કેન્દ્રના અધિકારીઓને સાવચેત કરતા એક પત્રમાં ભોપાલ જેલ પ્રશાસને જણાવ્યું હતું કે, જેલ ભવનની રચના, તેના ગુપ્ત સ્થાન, સુરક્ષા વ્યવસ્થામાં છીંડાં, સુરક્ષાની અવિવેકપૂર્ણ વ્યવસ્થા, ઓછો અને અપૂરતો સ્ટાફ જેવી સમસ્યા સામે ઝઝૂમતી ભોપાલ જેેલને સરકારી મદદની જરૂર છે.

Navin Sharma

Recent Posts

IPL-2019: ચેન્નઈ સુપર કિંગ્સે ત્રણ ખેલાડીઓને કર્યા રિલીઝ

ચેન્નઈઃ ગત આઇપીએલ ચેમ્પિયન ચેન્નઈ સુપર કિંગ્સ (સીએસકે)એ ગઈ કાલે જાહેરાત કરી છે કે આઇપીએલની ૨૦૧૯ની સિઝન માટે ૨૨ ખેલાડીઓને…

14 mins ago

વરુણ અને ટાઈગરને લઈને બનાવવી છે એક ફિલ્મઃ જ્હોન અબ્રાહમ

વિકી ડોનર, 'મદ્રાસ કેફે', 'ફોર્સ-૨', 'રોકી હેન્ડસમ' અને 'પરમાણુઃ ધ સ્ટોરી ઓફ પોખરણ' જેવી ફિલ્મો બનાવનાર અભિનેતા અને નિર્માતા બનેલા…

28 mins ago

અમૂલ હસ્તક બગીચામાં મેન્ટેનન્સનાં ધાંધિયા, તંત્રએ નથી ફટકાર્યો એક પણ રૂપિયાનો દંડ

અમદાવાદઃ મ્યુનિસિપલ તંત્ર દ્વારા શહેરનાં મોટા ભાગનાં બગીચા અમૂલને સાર-સંભાળ માટે અપાયાં છે. તેનાં બદલામાં સત્તાવાળાઓએ લાખો કરોડો રૂપિયાની બગીચાની…

49 mins ago

રાજ્યવ્યાપી એકતા યાત્રાનાં બીજા તબક્કાનો આજથી પ્રારંભ, CM રૂપાણીએ કરાવ્યું પ્રસ્થાન

અમદાવાદઃ સરદાર પટેલનાં એકતા-અખંડિતતાનાં સંદેશને ઊજાગર કરતી એકતા યાત્રાનાં પ્રથમ તબક્કામાં ગ્રામીણ-શહેરી ક્ષેત્રનાં ૧૬ લાખથી વધુ નાગરિકોએ એકતાના સામૂહિક શપથ…

1 hour ago

કન્સલ્ટન્ટનાં અભાવે શહેરમાં 250 કરોડનાં રસ્તાનાં કામમાં વિઘ્ન

અમદાવાદઃ શહેરભરનાં ઊબડખાબડ રસ્તાથી વાહનચાલકો દરરોજ તોબા પોકારે છે. મેટ્રો રેલ રૂટને સંલગ્ન રસ્તા પણ ખરાબ હાલતમાં છે, જોકે મેટ્રો…

1 hour ago

260 કરોડનાં કૌભાંડ મામલોઃ વિનય શાહ અને સુરેન્દ્ર રાજપુત વચ્ચેની ઓડિયો ક્લિપ વાઇરલ

અમદાવાદઃ એકનાં ડબલ કરી આપવાની પોન્ઝી સ્કીમ લાવીને લોકો પાસેથી 260 કરોડ રૂપિયા ખંખેરીને ફરાર થઈ ગયેલા વિનય શાહની મુશ્કેલીઓ…

2 hours ago