SC-ST એક્ટ : સર્વણો દ્વારા ભારત બંધનું એલાન, કેટલાંક રાજ્યોમાં ધારા 144 લાગૂ

અનુસૂચિત જાતિ-જનજાતિ (એસસી-એસટી) સંશોધન અધિનિયમ વિરુધ્ધ સર્વણો સંગઠનો દ્વારા આજે ભારત બંધના એલાનની જાહેરાત કરવામાં આવી છે. બંધનું આહવાન સર્વણ સમાજ, કરણી સેના, સપાક્સ તેમજ કેટલાંક અન્ય સંગઠનો દ્વારા આપવામાં આવ્યું છે.

જો કે સુરક્ષા એજન્સીઓનું માનવું છે કે ભારત બંધની અપીલ સોશિયલ મીડિયા દ્વારા કરવામાં આવી છે જેની જવાબદારી કોઇપણ સંગઠને સ્વીકારી નથી. તેમ છતાં દેશના દરેક જિલ્લામાં પોલીસ અને પ્રશાસનને સતર્ક રહેવા આદેશ આપવામાં આવ્યાં છે. બંધને ધ્યાનમાં રાખતા દેશભરમાં સુરક્ષા વ્યવસ્થા સઘન કરવામાં આવી છે.

કેટલાંક સ્થાનો પર ધારા 144 લાગુ કરી દેવામાં આવી છે. કોઇપણ હિંસાને કાબુમાં કરવા કડક અમલનો આદેશ આપવામાં આવ્યો છે. બંધને સમર્થન કરનારા સંગઠનોએ જણાવ્યું છે કે તેઓ જાતિ અને ધર્મના આધારે અનામતનો વિરોધ કરી રહ્યાં છે. ભારત બંધને ધ્યાનમાં રાખતા ઉત્તર પ્રદેશમાં અલર્ટ જાહેર કરવામાં આવ્યું છે.

જ્યારે મધ્યપ્રદેશના ત્રણ જિલ્લા મુરૈના, ભિંડ અને શિવપુરીમાં સુરક્ષાને લઇને 144 ધારા લાગુકરી દેવામાં આવી છે. જ્યારે રાજસ્થાનમાં સવર્ણ સમાજના કેટલાંક સંગઠનો દ્વારા ભારત બંધે સમર્થન આપવામાં આવ્યું છે. રાજસ્થાનમાં મોટાભાગના શૈક્ષણિક સંસ્થાઓએ બંધના એલાનને ધ્યાનમાં રાખી સ્કૂલ-કોલેજોમાં રજા જાહેર કરી દીધી છે.

ઉલ્લેખનીય છે કે એસસી-એસટી સંશોધન વિધેયક 2018 દ્વારા મૂળભૂત કાનૂનને ધારા18એ સાથે જોડી દેવામાં આવશે. જેના લઇને જૂનો કાનૂન ફરી લાગુ થઇ જશે અને સુપ્રીમ કોર્ટનો નિર્ણય રદ્દ થઇ જશે. આ મામલે કેસ દાખલ કરતા સાથે જ ધરપકડ તેમજ અગ્રિમ જમાનત નહી આપવાનું પ્રાવધાન છે. આરોપીઓને હાઇકોર્ટમાંથી જ નિયમિત જમાનત મળી શકશે. સર્વણ સંગઠનો આ પ્રાવધાનોનો વિરોધ કરી રહ્યાં છે.

You might also like