ભારત બંધઃ ગુજરાત સહિત દેશભરમાં ઉગ્ર વિરોધ, કોંગ્રેસ કાર્યકર્તાઓએ દુકાનો કરાવી બંધ

અમદાવાદઃ પેટ્રોલ-ડીઝલનાં ભાવ વધારાને લઈને કોંગ્રેસે ભારત બંધનું એલાન આપ્યું ત્યારે અમદાવાદનાં કેટલાંક વિસ્તારોમાં બંધને મિશ્ર પ્રતિસાદ મળ્યો તો શહેરનાં પશ્ચિમ વિસ્તારોમાં બંધની નહીવત અસર જોવા મળી છે. અમદાવાદનાં પશ્ચિમ વિસ્તારોની વાત કરીએ તો ઘાટલોડિયા, એસ.જી હાઈવે, ગુરુકુળ સહિતનાં વિસ્તારોમાં દુકાનો રાબેતા મુજબ ચાલુ જોવાં મળી.

ભારત બંધની અસર સમગ્ર અમદાવાદમાં પણ જોવાં મળી. આજ સવારથી જ અમદાવાદ શહેરમાં કોંગ્રેસી નેતાઓ અને કાર્યકર્તાઓ બંધ કરાવવા માટે માર્ગો પર ઉતરી પડ્યાં હતાં અને દુકાનો અને બજારો બંધ કરાવવા માટે તેઓ રસ્તે નીકળી પડ્યાં હતાં. તો કેટલાંક સ્થળોએ બળજબરી પણ કરાઇ તો ક્યાંક ઘર્ષણ થયું તેમજ ક્યાંક કાર્યકર્તાઓની અટકાયત પણ થઈ. રોડ પર ચક્કાજામ કરવા માટે કાર્યકર્તાઓએ ટાયરો સળગાવ્યાં. તો કેટલીક શાળા અને કોલેજો પણ બંધ કરાવી.

માત્ર એટલું જ નહીં પરંતુ એસ.ટી. અને AMTSની બસો પણ અટકાવી દેવાઇ. કોંગ્રેસે એસ.ટી. બસનાં ટાયરની હવા કાઢી નાખીને વિરોધ નોંધાવ્યો હતો. તો રિલીફ રોડ પાસે કોંગ્રેસ પ્રદેશ પ્રમુખ અમિત ચાવડા બંધ કરાવવા માટે નીકળ્યાં હતાં. તે દરમ્યાન અમિત ચાવડાની પોલીસ દ્વારા અટકાયત પણ કરવામાં આવી હતી.

અમિત ચાવડાની સાથે સાથે લાલદરવાજા વિસ્તારમાંથી પણ કોંગ્રેસનાં કાર્યકરોની અટકાયત કરવામાં આવી. આ દરમ્યાન કોંગી કાર્યકર્તાઓ અને પોલીસ વચ્ચે ઘર્ષણ થયું. માત્ર એટલું જ નહીં પણ મહિલા કાર્યકર્તાઓ પણ બંધ કરાવવા માટે માર્ગો પર ઉતરી આવી હતી અને મહિલા કાર્યકર્તાઓ અને પોલીસ વચ્ચે ઘર્ષણ થયા બાદ મહિલા કાર્યકર્તાઓની પણ અટકાયત કરી લેવામાં આવી હતી.

તો આ તરફ અમદાવાદનાં કાલુપુર વિસ્તારમાં પણ બંધની અસર જોવાં મળી. ભારત બંધનાં એલાનને પગલે કાલુપુરનાં વેપારીઓએ સ્વયંભુ દુકાનો બંધ રાખી હતી. કાલુપુરથી ગીતા મંદિર રોડ પર સજ્જડ બંધ જોવાં મળ્યો. તો ઘંટાકર્ણ માર્કેટ અને ક્લોથ માર્કેટમાં પણ વેપારીઓએ પોતાની દુકાનો બંધ રાખી હતી.

કાલુપુરથી આસ્ટોડિયા દરવાજા સુધીનાં રસ્તાઓ પર પણ મોટા ભાગની દુકાનો બંધ જોવાં મળી. કાલુપુરમાં માર્કેટ બંધ હોવાંથી રસ્તા પર લોકોની ઓછી અવરજવર જોવાં મળી. બંધનાં આ એલાનને ધ્યાનમાં રાખીને કોઈ અનિચ્છનીય બનાવ ન બને તે માટે કાલુપુર વિસ્તારમાં પણ પોલીસનો ચુસ્ત બંદોબસ્ત જોવાં મળ્યો.

કોંગ્રેસ દ્વારા ભારત બંધનું એલાન આપવામાં આવ્યું છે. ત્યારે અમદાવાદમાં કોંગ્રેસનાં કાર્યકરોએ રસ્તાઓ બંધ કરાવીને વિરોધ નોંધાવ્યો છે. શિલજ-રાંચરડા રોડ પર વાહનો રોકીને કોંગ્રેસનાં કાર્યકરોએ વિરોધ કર્યો હતો. કોંગ્રેસનાં કાર્યકરોએ ST, AMTS સહિતનાં વાહનો રોકીને ટાયરો સળગાવીને ઉગ્ર વિરોધ કર્યો હતો.

Dhruv Brahmbhatt

Recent Posts

બિનાની સિમેન્ટનાં ટેક ઓવર માટે અલ્ટ્રાટેકનો પ્રસ્તાવ મંજૂર

નવી દિલ્હીઃ નેશનલ કંપની લો એપેલેટ ટ્રિબ્યૂનલ (એનસીએલએટી) દેવામાં ફસાયેલી કંપની બિનાની સિમેન્ટના ટેક ઓવર માટે આદિત્ય બિરલા ગ્રૂપની અલ્ટ્રાટેક…

9 mins ago

શેરબજાર સામાન્યઃ સેન્સેક્સ અને નિફ્ટી ફ્લેટ, રૂપિયો ૨૫ પૈસાનાં વધારા સાથે ખૂલ્યો ૭૨.૦૬ની સપાટીએ

શેરબજારમાં આજે શરૂઆત સામાન્ય રહી હતી. સેન્સેક્સ ૩.૭૬ પોઇન્ટ વધીને ૩૫,૧૪૫ પર ખૂલ્યો હતો, જ્યારે નિફ્ટી ૪.૩ પોઇન્ટ વધીને ૧૦,૫૮૦…

23 mins ago

નોટબંધી બાદ પણ રિટર્ન નહીં ભરનાર ૮૦ હજાર લોકો પર બાજ નજર

નવી દિલ્હીઃ ઇન્કમટેક્સ વિભાગ એવાં ૮૦ હજાર લોકોની તલાશમાં છે કે જેમણે નોટબંધી બાદ મોટી રકમ જમા કરાવી હતી અને…

38 mins ago

તામિલનાડુનાં કિનારે ૧૦૦ કિ.મી.ની ઝડપે ટકરાયું ‘ગાજા’ તોફાન, સ્કૂલ-કોલેજો બંધ-નૌસેના એલર્ટ

ચેન્નઈઃ હવામાન વિભાગનાં જણાવ્યાં અનુસાર ચક્રવાતી તોફાન ‘ગાજા’ આજે સવારે તામિલનાડુનાં સમુદ્ર કિનારે ટકરાયું છે. આ દરમ્યાન ૧૦૦ કિલોમીટર પ્રતિકલાકની…

52 mins ago

રાજ્યમાં નાસતા-ફરતા આરોપીઓને ઝડપવા ઝુંબેશ હાથ ધરાશે, CMએ ગૃહવિભાને આપ્યાં આદેશ

અમદાવાદઃ રાજ્યમાં નાસતા-ફરતા આરોપીઓને ઝડપવા માટે એક ઝૂંબેશ હાથ ધરવામાં આવશે. 21 હજાર જેટલાં આરોપીઓને પકડવા માટે ગૃહવિભાગે કવાયત હાથ…

18 hours ago

PNBને ડિંગો બતાવનાર નીરવ મોદી વિદેશી બેંકોને કરોડો ચૂકવવા તૈયાર

નવી દિલ્હીઃ પંજાબ નેશનલ બેન્ક કૌભાંડનાં મુખ્ય આરોપી નીરવ મોદીની હજુ શોધખોળ જારી છે. નીરવ મોદી ભારતીય બેન્કોના કરોડો રૂપિયા…

19 hours ago