VIDEO: કોંગ્રેસ બાબા સાહેબનાં નામે રાજકારણ કરી રહ્યું છેઃ CM રૂપાણી

ગાંધીનગરઃ દલિતોએ આપેલા ભારતબંધનાં એલાનને લઇને CM વિજય રૂપાણીએ દલિતોને ગેરમાર્ગે ન દોરાવવા અપીલ કરી છે. તો સાથે બીજી બાજુ કોંગ્રેસ પર નિશાન સાધતા કહ્યું કે,”કોંગ્રેસ બાબા સાહેબ આંબેડકરને લઇને રાજનીતિ કરી રહ્યું છે.

તો સામે પક્ષે કોંગ્રેસનાં વિપક્ષનાં નેતા પરેશ ધાનાણીએ પણ દલિતો દ્વારા વિરોધ મામલે ભાજપ પર નિશાન સાધ્યું હતું. પછાત વર્ગને કાયદાથી સુરક્ષા પૂરી પાડવામાં આવેલી છે. દેશ, જાતિ, ભાષા, ધર્મ અને કોમનાં નામે ફરી ભાજપનાં વિભાજનનાં ષડયંત્રનો ભોગ પછાત વર્ગ બની રહ્યો છે તેવું નિવેદન કર્યું હતું.”

ઉલ્લેખનીય છે કે સુપ્રિમ કોર્ટે દલિત લોકો પર થતાં અત્યાચારને રોકવા માટે ઘડાયેલા SC-ST (એટ્રોસિટી-વિરોધી) કાયદાને લઇ તેઓએ કરેલી ટિપ્પણી સામેનાં વિરોધમાં દલિત સંગઠનો દ્વારા આજે સમગ્ર દેશભરમાં ભારત બંધ આંદોલન કરવામાં આવ્યું છે. ત્યારે દેશનાં અનેક ભાગોમાં હિંસાત્મક ઘટનાઓ બની હતી.

કેટલાંક સ્થળોએ દલિત પ્રદર્શનકારીઓએ આગચંપી પણ કરી હતી. દલિતોએ ગુજરાત સહિત ઠેર-ઠેર વિરોધ પ્રદર્શનો કર્યાં હતાં. પોલીસ અને પ્રદર્શનકારીઓ વચ્ચે ભારે હિંસક અથડામણો પણ થઈ હતી. ભારતનાં અનેક રાજ્યોમાં દલિતો દ્વારા ઠેર-ઠેર દેખાવો થયાં હતાં. જો કે સીએમ વિજય રૂપાણીએ શાંતિ રાખવા અંગેની વિશેષ અપિલ કરી છે.

You might also like