Categories: Sports

ચોથી વન ડેમાં પણ પાકિસ્તાનનો પરાજય, મેન ઓફ ધ મેચ બેરિસ્ટોના ૬૧ રન

લિડ્સઃ પાકિસ્તાનના ૨૪૮ રનના જવાબમાં ઈંગ્લેન્ડે ૪૮ ઓવરમાં છ વિકેટે ૨૫૨ રન બનાવી લઈને પાંચ મેચની શ્રેણીમાં ચોથી જીત હાંસલ કરી લીધી છે. આમ હવે ઈંગ્લેન્ડ શ્રેણીમાં ૪-૦થી આગળ છે. આ સાથે જ હવે ઈંગ્લેન્ડની નજર પોતાના વન ડે ઇતિહાસમાં બીજી વાર કોઈ શ્રેણીમાં ૫-૦થી ક્લીન સ્વીપ કરવા પર ટકેલી છે. આ અગાઉ ઈંગ્લેન્ડે વર્ષ ૨૦૧૧માં ઝિમ્બાબ્વેને તેઓની જ ધરતી પર ૫-૦થી હરાવ્યું હતું.

ઈંગ્લેન્ડ તરફથી સ્ટોક્સ (૬૯) અને જોની બેરિસ્ટો (૬૧)ની અર્ધસદીઓ અને મોઇન અલીના અણનમ ૪૫ રનની મદદથી ઈંગ્લેન્ડે ૧૨ બોલ બાકી હતા ત્યારે મેચ જીતી લીધી હતી, જોકે ઈંગ્લેન્ડની શરૂઆત ખરાબ રહી હતી અને એક સમયે ૧૫ ઓવરમાં જ ૭૨ રનના કુલ સ્કોર પર તેની ચાર વિકેટ પડી ચૂકી હતી.

ત્યાર બાદ સ્ટોક્સ અને બેરિસ્ટોએ શાનદર રમતનું પ્રદર્શન કરીને ૧૦૦ રનની નિર્ણાયક ભાગીદારી દ્વારા પોતાની ટીમને જીત અપાવવામાં મહત્ત્વપૂર્ણ ભૂમિકા ભજવી. પાકિસ્તાન તરફથી સૌથી સફળ બોલર મોહંમદ ઇરફાન રહ્યો અને તેણે બે વિકેટ ઝડપી હતી. આ ઉપરાંત ઉમર ગુલ, હસન અલી અને ઇમાદ વસિમને એક-એક વિકેટ મળી હતી. બેરિસ્ટો રનઆઉટ થયો હતો.

આ અગાઉ પાકિસ્તાને ટોસ જીતીને પહેલા બેટિંગ કરવાનો નિર્ણય કર્યો હતો, પરંતુ ફરી એક વખત પાકિસ્તાન સારી શરૂઆત કરવામાં નિષ્ફળ રહ્યું હતું. ત્યાર બાદ પણ પાકિસ્તાન તરફથી કોઈ મોટી ભાગીદારી નોંધાઈ નહોતી. કેપ્ટન અઝહર અલીની સમજદારીપૂર્વકની બેટિંગ અને ઇમાદ વસીમની ઝડપી અર્ધસદીની મદદથી પાકિસ્તાને નિયમિત અંતરે વિકેટો ગુમાવવા છતાં આઠ વિકેટે ૨૪૭ રન બનાવ્યા હતા.

અઝહર અલીએ ૧૦૪ બોલમાં પાંચ ચોગ્ગા અને બે છગ્ગાની મદદથી ૮૦ રન બનાવ્યા, જ્યારે વસીમે અંતિમ ઓવર્સમાં ૪૧ બોલમાં અણનમ ૫૭ રનની ઇનિંગ્સ રમી હતી, જેમાં સાત ચોગ્ગા અને એક છગ્ગાનો સમાવેશ થતો હતો. પાક. ટીમ તરફથી ફક્ત એક જ અર્ધસદીની ભાગીદારી નોંધાઈ હતી, જે વસીમે આઠમી વિકેટ માટે હસન અલી સાથે નોંધાવી હતી. આ ભાગીદારીમાં હસન અલીનું યોગદાન ફક્ત નવ રનનું જ હતું.

divyesh

Recent Posts

અહીં મળશે બેસ્ટ ક્વોલિટીવાળા જેકેટ એ પણ માત્ર રૂ.180માં, આ છે દુનિયાનું સૌથી સસ્તું માર્કેટ

હવે સમગ્ર દેશભરમાં ઠંડીની ઋતુ એવી શિયાળાની શરૂઆત થઇ ગઇ છે. ત્યારે ધીમે-ધીમે સવાર-સાંજનાં તાપમાનમાં પણ ઘટાડો થવા લાગ્યો છે.…

15 hours ago

PM મોદીએ વારાણસીને અર્પણ કરી કરોડોની ભેટ, કહ્યું,”દેશે જે સપનું જોયું તે સાકાર થયું”

પ્રધાનમંત્રી નરેન્દ્ર મોદી આજે વારાણસીની મુલાકાતે છે. ત્યારે પ્રધાનમંત્રી નરેન્દ્ર મોદીએ પોતાનાં સંસદીય ક્ષેત્રમાં 2413 કરોડ રૂપિયાની પરિયોજનાઓનું લોકાર્પણ-શિલાન્યાસ કર્યો.…

16 hours ago

આ છે એવાં શાનદાર કપલ ટેટૂ, જે બન્યાં છે એકબીજાનાં પ્રેમની નિશાની માટે

ન્યૂ દિલ્હીઃ "કપલ ટેટૂ" ખાસ તરીકે તેવાં લોકો માટે છે કે જે કાં તો કોઇ રિલેશનશિપમાં હોય અથવા તો પૂરી…

17 hours ago

અરે આ શું! જાડેજાનો મેન ઓફ ધ મેચ પુરસ્કાર મળી આવ્યો કચરામાંથી!

ક્રિકેટ મેચ નિહાળતી વખતે તમે જોયું હશે કે મેચ પૂરી થયા બાદ જ્યારે પણ કોઈ ખેલાડીને કોઈ પુરસ્કાર આપવામાં આવે…

17 hours ago

રિવરફ્રન્ટનાં પૂર્વ છેડા પરનાં દધિચી બ્રિજની નીચે બનાવાશે ફૂડ કોર્ટ

અમદાવાદઃ મ્યુનિસિપલ સત્તાવાળાઓ દ્વારા કરોડો રૂપિયાના ખર્ચે સાબરમતી રિવરફ્રન્ટને નયનરમ્ય બનાવાયા બાદ સહેલાઈઓ માટે એક પછી એક નવી સુવિધાઓ ઉભી…

18 hours ago

રૂ.1.50 લાખમાં મકાન વેચાણ નહીં આપતાં પાડોશીએ આધેડનું ઢીમ ઢાળ્યું

વડોદરાઃ આજવા રોડ પર આવેલ એકતાનગરમાં મકાન વેચાણમાં લેવાના મામલે એક આધેડને પાઇપના ફટકા મારીને મોતને ઘાટ ઉતારી દેતાં સમગ્ર…

18 hours ago