Categories: Lifestyle

હોટલમાં રૂમ બુક કરતાં પહેલાં રાખો આટલું ધ્યાન

શહેરથી બહાર ક્યાં ફરવા ગયા હોઇ ત્યારે સ્ટે કરવા માટે હોટલની જરૂર પડે છે. પરંતુ હોટલનો રૂમ બુક કરતી વખતે આપણે ઘણી ભૂલો કરતા હોઇએ છીએ. જેનો ખ્યાલ આપણને પાછળથી આવે પણ છે. તેથી જ હોટલનો રૂમ બુક કરાવતા પહેલાં કેટલીક એવી બાબતોનું ધ્યાન રાખવું જોઇએ કે જેનાથી હોટલના સ્ટાફ દ્વારા થતી છેતરપીડીથી બચી શકાય.

  • આજે ટૂરિઝમના વધી રહેલા પ્રમાણેને કારણે શહેર હોય કે ટાઉન હોય દરેક જગ્યાએ નાની મોટી હોટલો ઉપલબ્ધ હોય જ છે. પરંતુ નાની હોટલો શહેરના મેઇન લોકેશનમાં ભાગ્યે જ હોય છે અને હોય તો પણ ક્યાંક નાની ગલીમાં હોય છે. તેથી જ હોટલ બુક કરતી વખતે તેનું લોકેશન ચોક્કસથી ચેક કરવું જોઇએ. જ્યાંથી પબ્લિક ટ્રાન્સપોટેશન સરળતાથી મળી રહે તેવી હોટલ પર જ પસંદગી ઉતારવી.
  • આજકાલ દરેક હોટલ ઇન્ટરનેટ સાથે જોડાયેલી છે અને ઓનલાઇન બુકિંગ પણ કરે છે અને હોટલના રિવ્યુ પણ ઇન્ટરનેટ પર હોય છે. તેથી જ હોટલમાં રૂમબુક કરતાં પહેલાં લોકોના રિવ્યુ ચોક્કસથી જાણી લેવા જોઇએ. હોટલની સર્વિસ સહિતની તમામ બાબતો ચકાસી લેવી જોઇએ.
  • ઘણી વખત પોતાની ગાડીમાં જ ટ્રાવેલિંગ કરી રહ્યાં હોવ તો હોટલના રૂમની સાથે તમારી ગાડીના પાર્કિંગ અંગે પણ વિચારવું જોઇએ. પાર્કિગમાં તમારી ગાડી સુરક્ષીત રહેશે કે નહીં તે ચકાસી લેવું જોઇએ. ઘણી વખત હોટલમાં પાર્કિંગની વ્યવસ્થા તો હોય છે પણ તેનો અલગથી ચાર્જ વસુલ કરવામાં આવે છે. તેથી બધી જ બાબતની સ્પષ્ટતા બુકિંગ પહેલા જ કરી લેવી જોઇએ.
  • કેટલીક હોટલમાં રાત્રે રૂમ બુક કરાવીએ તો સવારનો બ્રેકફાસ્ટ હોટલ તરફથી હોય છે. પરંતુ તે બાબતને લઇને પહેલેથી જ હોટલના સ્ટાફ સાથે ચર્ચા કરી લેવી જોઇએ કે તેનો કોઇ અલગથી ચાર્જ લેવામાં આવે છે કે નહીં કે પછી તેનો કોઇ ચોક્કસ સમય તો નથી. સાથે જ વેજ- નોનવેજ અંગે પણ સ્પષ્ટતા કરી લેવી જોઇએ.
  • કેટલીક વખત કોઇ પ્રોગ્રામ કે સમારોહને લઇને ઘણા રૂમ બુક કરવા પડે છે. તેવી પરિસ્થિતિમાં ઓનલાઇન બુકિંગની જગ્યાએ રૂબરૂ જઇને રૂમ ચેક કર્યા પછી જ નિર્ણય કરવો જોઇએ. સાથે જ હોટલ સ્ટાફ સાથે સુવિધા બાબતે ખાસ સ્પષ્ટતા કરી લેવી જોઇએ. શું ફ્રી મળશે અને શેનો ચાર્જ થશે તે બધી જ સ્પષ્ટતા કરી લેવી જોઇએ.
  • હોટલનો રૂમ બુક કરાવો ત્યારે યોગ્ય ભાવતાલ નક્કી કરવો જોઇએ. તમે ચોક્કસથી સારા એવા પૈસા બચાવી શકશો. કેટલાક હોટલવાળા વધારે ભાવ માંગે છે. પરંતુ ભાવતાલ નક્કી કરીને સરળતાથી પૈસા બચાવી શકાય છે. હોટલનો રૂમ બુક કરાવતી વખતે હોટલના રૂમ ચાર્જ સાથે ટેક્સ અંગે પણ ખુલાસો કરી લેવો જોઇએ. જેથી પાછળથી કોઇ જ મુશ્કેલી ન પડે.
  • જ્યારે હોઇ પણ હોટલમાં ચેકઇન કરો ત્યારે તે પહેલા ચેક કરવું કે રૂમ યોગ્ય રીતે સાફ થયેલો છે કે નહીં. ઘણી હોટલમાં ગ્લાસ અને ફર્નિચર ચમકતુ રહે તેના માટે પોલીશનો ઉપયોગ કરવામાં આવે છે. તેથી શક્ય હોય ત્યાં સુધી ડિસ્પોઝેબલ ગ્લાસનો જ ઉપયોગ કરવો.
Navin Sharma

Recent Posts

ઘેર બેઠા બનાવો ટેસ્ટી અને પૌષ્ટિક આઇટમ ફ્રૂટ લસ્સી

સૌ પ્રથમ તમારે ફ્રુટ લસ્સી બનાવવા માટે આપે ઢગલાબંધ સિઝનેબલ ફળોનો ઉપયોગ કરવો પડશે. તમને આજે અમે ફ્રૂટ લસ્સી કઈ…

8 hours ago

ભગવાન શિવ બાદ રામની શરણે રાહુલ ગાંધી, જઇ શકે છે ચિત્રકૂટ

ન્યૂ દિલ્હીઃ તાજેતરમાં જ થોડાંક દિવસો પહેલાં જ માનસરોવર યાત્રાએથી પરત ફરેલ કોંગ્રેસનાં અધ્યક્ષ રાહુલ ગાંધી હવે ભગવાન રામની શરણે…

9 hours ago

રાજકોટ ખાતે વડોદરા PSIનાં આપઘાત મામલે કરણીસેનાનો ઉગ્ર વિરોધ

રાજકોટઃ વડોદરાનાં પોલીસ સબ ઈન્સ્પેક્ટર અજયસિંહ જાડેજાનાં આપઘાત મામલે કરણીસેનાએ ઉગ્ર વિરોધ કર્યો હતો. ગ્રીનલેન્ડ ચોકડી પાસે ચક્કાજામ કરીને કરણીસેનાએ…

10 hours ago

અમદાવાદ સહિત રાજ્યભરમાં મેઘરાજાનું ધમાકેદાર આગમન, લોકોને ગરમીથી રાહત

ગુજરાતઃ ઓરિસ્સામાં હાહાકાર મચાવ્યાં બાદ 'ડેઈ તોફાને' હવે દેશનાં અન્ય રાજ્યોને પણ પોતાની લપેટમાં લઇ લીધાં છે. ત્યારે ડેઈ તોફાનને…

11 hours ago

સુરતઃ પાકિસ્તાનનાં PM ઇમરાન ખાનનાં પુતળાનું કોંગ્રેસ દ્વારા જાહેરમાં દહન

સુરતઃ શહેરમાં પાકિસ્તાન પીએમ ઈમરાન ખાનનાં પુતળાનું દહન કરવામાં આવ્યું છે. કોંગ્રેસ દ્વારા પૂતળાનાં દહનનું આયોજન કરવામાં આવ્યું હતું. સુરતનાં…

12 hours ago

વડોદરાઃ ડભોઇ ખાતે બે ટ્રકો સામસામે અથડાતાં એકનું મોત, ત્રણને બહાર કઢાયાં

વડોદરાઃ ડભોઈ તાલુકા અંબાવ ગામ નજીક બે ટ્રકો સામસામે ભટકાતાં ઘટના સ્થળે જ એકનું મોત નિપજ્યું હતું જ્યારે અન્ય ૩…

13 hours ago