Categories: Gujarat

બાપુનગર પોલીસ લાઈનમાંથી હેડ કોન્સ્ટેબલના નવા બાઈકની ચોરી!

અમદાવાદઃ સામાન્ય રીતે કોઈ ચોર પોલીસકર્મીના ઘરમાં કે તેની ચીજ્વસ્તુની ચોરી કરતાં એક હજાર વાર વિચાર કરે, પરંતુ એક ચોર પોલીસ લાઇનમાંથી જ એક પોલીસકર્મીએ અઠવા‌િડયા અગાઉ જ લીધેલા બાઈકની ચોરી કરી ફરાર થઈ ગયો હોવાની ઘટના સામે આવી છે. બાપુનગર પોલીસ સ્ટેશનમાં ફરજ બજાવતા એક પોલીસકર્મીના નવા બજાજ પલ્સર બાઈકની ચોરી થઈ છે. બાપુનગર પોલીસે હાલ બાઈક ચોરીનો ગુનો નોંધી બાઈક ચોરની શોધખોળ હાથ ધરી છે.
આ અંગેની વિગત એવી છે કે વસ્ત્રાલના દેવનંદન ફ્લેટ ખાતે કૃષ્ણકુમારસિંહ ક્ષત્રિય પોતાના પરિવાર સાથે રહે છે. કૃષ્ણકુમારસિંહ બાપુનગર પોલીસ સ્ટેશનમાં હેડ કોન્સ્ટેબલ તરીકે ફરજ બજાવે છે. ગત ૧૭ જાન્યુઆરીના રોજ તેઓએ નવું બજાજ પલ્સર ૧૫૦ સીસીનું બાઈક ખરીદ્યું હતું. ૨૪ જાન્યુઆરીના રોજ નાઈટ ડ્યૂટીની તેઓની નોકરી હોઈ સાંજે બાઇક લઈ નોકરી ગયા હતા અને તેઓનું બાઈક બાપુનગર પોલીસ લાઈનમાં પાર્ક કર્યું હતું.

બીજા દિવસે સવારે નોકરી પૂરી થતાં તેઓ પોલીસ લાઈનમાં બાઈક લેવા ગયા હતા ત્યારે બાઈક જોવા મળ્યું ન હતું. આસપાસમાં તેઓએ બાઈકની શોધખોળ કરી હતી, પરંતુ બાઈક મળી આવ્યું ન હતું. બે દિવસ સુધી બાઈકની શોધખોળ કર્યા બાદ પણ બાઈક ન મળતાં તેઓએ આ અંગે બાપુનગર પોલીસ સ્ટેશનમાં બાઈક ચોરીની ફરિયાદ નોંધાવી હતી. બાપુનગર પોલીસ સ્ટેશનના તપાસ અધિકારી ખુમાનસિંહે જણાવ્યું હતું કે પોલીસ લાઇનમાંથી બાઈક ચોરી થઈ છે, હજુ સુધી બાઈક મળી આવ્યું નથી.

ઉલ્લેખનીય છે કે ચોર સામાન્ય રીતે પોલીસ લાઈનમાં ચોરી કરતાં એક હજાર વાર વિચારતો હોય છે, પરંતુ કોઈ હિંમતવાન ચોરે પોલીસ લાઇનમાંથી જ ચોરી કરવાની હિંમત બતાવી પોલીસને પડકાર ફેંક્યો છે. જોવાનું છે કે બાપુનગર પોલીસ પોતાના જ વિસ્તારમાં પોતાના જ પોલીસકર્મીનું બાઈક શોધી શકે છે કે પછી અન્ય લોકોની જેમ પોલીસકર્મીએ નસીબ પર આધાર રાખવો પડશે કે કોઈ વાહન ચોર પકડાય અને તેની કબૂલાતમાં તેની બાઈક ચોરી બહાર આવે.

http://sambhaavnews.com/

Navin Sharma

Recent Posts

બુલેટ ટ્રેન મામલે વાઘાણીનું મહત્વનું નિવેદન,”કોંગ્રેસ માત્ર વાહિયાત વાતો કરે છે, એક પણ રૂપિયો અટકાયો નથી”

અમદાવાદઃ PM નરેન્દ્ર મોદીનાં ડ્રીમ પ્રોજેક્ટ બુલેટ ટ્રેનને જાપાનની એજન્સી દ્વારા એક મોટો ઝટકો આપવામાં આવ્યો છે. જેમાં આ પ્રોજેક્ટને…

1 hour ago

સુરતમાં દારૂબંધીને લઈ યોજાઇ વિશાળ રેલી, કડક અમલની કરાઇ માંગ

સુરતઃ શહેરમાં દારૂબંધીને લઈને વિશાળ રેલીનું આયોજન કરવામાં આવ્યું હતું. દારૂનાં કારણે મોતને ભેટેલાં લોકોનાં પરિવારજનો પણ ખૂબ મોટી સંખ્યામાં…

2 hours ago

રાષ્ટ્રપતિનાં હસ્તે વિરાટ કોહલી અને મીરા બાઈ ચાનૂને ખેલ રત્ન એવોર્ડ

જલંધરઃ ભારતીય ક્રિકેટ ટીમનાં કેપ્ટન વિરાટ કોહલીને રાષ્ટ્રપતિ ભવનમાં આયોજિત એક સમારોહ દરમ્યાન રમત સાથે જોડાયેલ વિશિષ્ટ સમ્માન ખેલ રત્ન…

3 hours ago

રાજકોટઃ લસણનાં ભાવમાં એકાએક ઘટાડો થતાં ખેડૂતોને રોવા દહાડો

રાજકોટઃ શહેરનાં માર્કેટિંગ યાર્ડમાં લસણનાં ભાવમાં એકાએક ઘટાડો થયો છે. હાલમાં એક મણ લસણનો ભાવ 20થી 150 સુધી નોંધાયો છે.…

5 hours ago

બુલેટ ટ્રેનઃ PM મોદીનાં ડ્રીમ પ્રોજેક્ટનું જાપાની એજન્સીએ અટકાવ્યું ફંડીંગ, લાગી બ્રેક

પ્રધાનમંત્રી નરેન્દ્ર મોદીનાં ડ્રીમ પ્રોજેક્ટ બુલેટ ટ્રેનને એક મોટો ઝટકો લાગ્યો છે. આ પ્રોજેક્ટને લઇ ફંડિંગ કરતી જાપાની કંપની જાપાન…

5 hours ago

વડોદરાઃ પોલીસે કાઢ્યો નવો ટ્રેન્ડ, આરોપીને કૂકડો બનાવતો વીડિયો વાયરલ

વડોદરાઃ શહેર પોલીસે હવે આરોપીઓ સામે લાલ આંખ કરી છે. વડોદરા પોલીસે ખંડણી, હત્યા અને અપહરણ સહિતનાં અનેક ગુનામાં સંડોવાયેલો…

6 hours ago