Categories: Gujarat

બાપુનગરના બુદ્ધવિહારની આસપાસ ઇંડાં-મટનની લારીઓથી લોકોમાં રોષ

અમદાવાદ: બાપુનગરમાં આવેલા આશરે ૪૦ વર્ષ જૂના બૌદ્ધ ધર્મની આસ્થા સાથે સંકળાયેલા પંચશીલ બુદ્ધ વિહારની આસપાસ છેલ્લા દોઢ વર્ષથી ગેરકાયદે રીતે મટન અને ઇંડાંની લારીઓનો ધમધમાટ થતાં શ્રદ્ધાળુઓની ધાર્મિક લાગણી દુભાઇ રહી છે. કેટલાંક તત્ત્વો આ પ્રકારનાં દબાણ કરીને સમગ્ર પરિસર પર ભવિષ્યમાં કબજો જમાવવાનો મલિન ઇરાદો ધરાવતાં હોવાના પણ ગંભીર આક્ષેપ ઉઠ્યા છે.

પંચશીલ બુદ્ધ વિહારના એક અગ્રણી રમેશ મનવર કહે છે, ‘અમદાવાદ કે ગુજરાતના અન્ય કોઇ પણ ધર્મનાં દેવસ્થાનોના મુખ્ય દરવાજાની બાજુમાં મટન-ઇંડાં કાઉન્ટર, લારીઓ કે અન્ય દબાણ જોવા મળતાં નથી. કમનસીબે પંચશીલ બુદ્ધ વિહારના મુખ્ય દરવાજાની બહાર જ આવી અનિચ્છનીય પ્રવૃત્તિઓ ફૂલી-ફાલી છે. કોર્પોરેશનના સત્તાવાળાઓ સમક્ષ પણ લારીઓ હટાવવાની ઉગ્ર રજુઆત કરી ચુક્યા છે પરંતુ તંત્ર આંખ આડા કાન કરી રહ્યું છે.

ભવિષ્યમાં આ જગ્યાનો ગેરકાયદે નાણાં લેવાના આશયથી કેટલાક લોકોએ આ બજાર ચાલુ કરાવ્યું હોય તેમ લાગે છે.’ આ અંગે ગઇ કાલે ગાંધીનગર રૂબરૂ જઇને મુખ્યપ્રધાન વિજય રૂપાણીના કાર્યાલયમાં આવેદનપત્ર પણ સુપરત કરાયું છે. સ્થાનિક ધારાસભ્ય જગરૂપસિંહ રાજપૂતને પણ ઉગ્ર રજૂઆત કરાઇ હોવાનું ભારતીય બૌદ્ધ સંઘ સાથે સંકળાયેલા અગ્રણીઓ કહે છે. દરમ્યાન આ અંગે ઉત્તર ઝોનના એસ્ટેટ ઓફિસર રમેશ દેસાઇને પૂછતાં તેઓ કહે છે, ‘તંત્ર સમક્ષ લારીઓના દબાણ અંગે હજુ સુધી કોઇ રજૂઆત આવી નથી. તેમ છતાં તપાસ કરીને યોગ્ય કાર્યવાહી કરાશે.’
http://sambhaavnews.com/

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

23 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

23 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

23 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

23 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

23 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

23 hours ago