Categories: Gujarat

બેન્કોમાં ફ્રેન્કિંગની કામગીરી લગભગ ઠપ

અમદાવાદ: સરકાર દ્વારા ૮ નવેમ્બરે રૂ.૫૦૦ અને ૧૦૦૦ની રદ કરાયા બાદ તમામ બેન્ક નોટો જમા કરવાની અને એક્સચેન્જની કામગીરીમાં વ્યસ્ત રહી હોઈ તેની સીધી અસર ફ્રેન્કિંગ સુવિધા પર પડી છે. અમદાવાદ શહેરની મોટા ભાગની બેન્કે હાલમાં ફ્રેન્કિંગ કરી આપવાની સુવિધા કામચલાઉ બંધ કરી દેતાં નોટરી કે અન્ય કોઈ દસ્તાવેજ રજિસ્ટર્ડ કરાવવા ઈચ્છતા નાગરિકો સ્ટેમ્પ પેપર મેળવવા ભાગદોડ કરી રહ્યા છે.

નોટબંધીને પગલે બેન્કનું કામકાજનું ભારણ વધ્યું છે. નોટનાં એક્સચેન્જ અને ડિપોઝિટમાં સમગ્ર સ્ટાફ રોકાયેલો હોઈને ૯મીથી મોટાભાગની બેન્કમાં સ્ટેમ્પ ડ્યૂટી ચૂકવણી કરવા અર્થે થતું ફ્રેન્કિંગ બંધ હોવાથી સ્ટેમ્પ પેપર પર નાના મોટા દસ્તાવેજી કામો કરવા ઈચ્છતા નાગરિકો મુશ્કેલીમાં મુકાયા છે. તેમણે ફરજિયાત સ્ટેમ્પ પેપર લેવા કોર્ટ કે વેન્ડર સુધી જવું પડે છે.

હૂંડી પેપર્સ, બ્રોકર્સ લોન સ્ટેમ્પ, ફોરેન બિલ સ્ટેમ્પ, શેર ટ્રાન્સફર સ્ટેમ્પ, ઈન્સ્યુરન્સ સ્ટેમ્પ, એગ્રીમેન્ટ સ્ટેમ્પ, રેવન્યુ સ્ટેમ્પ, નોન જ્યુડિશયલ સ્ટેમ્પ વગેરે જુદા જુદા સ્ટેમ્પની જરૂરિયાત અર્થે નાગરિકો જે તે દસ્તાવેજ બનાવ્યા બાદ તેટલી જ રકમનું ફ્રેન્કિંગ નજીકની બેન્કમાં કરાવી લે છે. પરંતુ અત્યારે બેન્કે આ કામગીરી બંધ કરતાં નાગરિકો હાલાકી ભોગવી રહ્યા છે.

એટલું જ નહીં નોટરીનો બિઝનેસ પણ અત્યારે અર્ધાથી વધુ ઘટ્યો છે. અમદાવાદમાં આશરે ૬૦૦ જેટલા નોટરી છે. આ અંગે નોટરી એસોશિયેશન ઓફ ગુજરાતના પ્રેસિડેન્ટ ધીરેશ શાહે જણાવ્યું હતું કે છેલ્લા ૧૫ દિવસથી નોટરીનું કામકાજ લગભગ ઠપ જેવું છે. જો ફ્રેન્કિંગ કે સ્ટેમ્પનું વેચાણ થાય તો લોકો નોટરી કરાવવા આવે પરંતુ નોટબંધીને કારણે બંનેની કામગીરીને ફટકો પડ્યો છે.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

20 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

20 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

20 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

20 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

20 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

21 hours ago