Categories: Gujarat

બનાસ તારાં વહેતાં પાણી બચી તો માત્ર વ્યથા

‘તારા ખોળે જીવન પાંગર્યાં.
તું તો લોકમાતા હતી. તું કેમ રૂઠી ગઈ. તું શા માટે અમારી 15-15 જિંદગીઓ ભરખી ગઈ’-આ સવાલ બનાસકાંઠાનો એ પરિવાર વારંવાર કરી રહ્યો છે, જેણે પોતાનાં વહાલસોયાં ગુમાવ્યાં અને પરિવાર પાસે રહી તો માત્ર કુદરત સમક્ષ ફરિયાદો.

બનાસકાંઠામાં કુદરતે રૌદ્ર સ્વરૂપ ધારણ કર્યું. અનેક જિંદગીઓ તણાઈ.અબોલ પશુઓએ પોતાના જીવ ગુમાવ્યા. પછી એ 2015ની વાત હોય કે 2017ની, બરબાદ તો થવાનું જ હતું ને. લાચાર જિંદગીઓને શોધવા અમે સફર ખેડી અમદાવાદથી 300 કિ.મી.નું અંતર કાપીને એ ગામની કે જે ગામને બનાસ નદી ભરખી ગઈ. આ ગામમાં પ્રવેશ કરતાં એવાં વરવાં દૃશ્યો નજરે પડ્યાં, જે હચમચાવી નાખનારાં હતાં, તૂટેલા રસ્તા-તૂટેલાં મકાન અને ઉઝડેલાં ખેતર-આ દૃશ્યો વિનાશ લીલાની સાક્ષી પૂરી રહ્યાં છે.

ઉપર આભ-નીચે ધરતી-વચ્ચે ઝઝૂમતી જિંદગી
ખા‌િરયા ગામના ઠાકોર પરિવારને ક્યારેય અંદાજ ન હતો કે તેમને બનાસ નદી સાથે કાયમી દુશ્મની થઈ જશે. પાણીના પ્રવાહમાં ઠાકોર પરિવાર પોતાના મકાનની છત પર ચડ્યો હતો, પરંતુ તોફાની બનાસ મકાન સાથે પરિવારના તમામ સભ્યોને તાણી ગઈ. આ દુર્ઘટનામાં પરિવારના બે સભ્ય બચી ગયા, જે આ સમગ્ર ઘટનાને સ્વમુખે વર્ણવે છે. બચી ગયેલા પરિવારોને થરાની છાત્રાલયમાં આશરો આપવામાં આવ્યો છે તો બીજી તરફ બચી ગયેલા પ્રધાનભાઈ અને લાલાભાઈ પોતાની વ્યથા ઠાલવતાં જણાવે છે કે જિંદગીભર તેઓ પોતાની જમીન પર હવે પાછા નહીં આવે, ભલે ભીખ માગવી પડે. પ્રધાનભાઇએ પોતાની 13 વર્ષની દીકરી, પત્ની, ભાઈ અને માતા -પિતા ગુમાવ્યાં છે.

એક જ પરિવારની 15-15 જિંદગીઓને બનાસ ભરખી ગઈ
આ ઘટના બનાસકાંઠાના ખા‌િરયા ગામની છે, જે ગામના એક જ પરિવારે પોતાના 15-15 લોકોને ગુમાવ્યા છે. 23 જુલાઈની એ રાત જ્યારે બનાસ નદીએ પોતાનો કિનારો વટાવ્યો અને પાણીનો પ્રવાહ સતત વધતો ગયો તથા બનાસ તોફાની બનતી ગઈ.

બનાસ નદીના તોફાન વચ્ચે ઝઝૂમતી જિંદગી
એ રાત તો વીતી ગઈ, પરંતુ પાછળ છોડી ગઈ અશ્રુઓનું ઘોડાપૂર. પૂર પછીની સ્થિતિ અને લોકોની હાલતની જમીની હકીકત ચકાસવા અમારી ટીમ નીકળી હતી, પરંતુ અમને અંદાજ ન હતો કે આટલી દયનીય સ્થિતિ અમારે જોવી પડશે.

13 વર્ષની સોનલ હવે સ્કૂલે નહીં જઈ શકે
આ ઘટનામાં બચી ગયેલા પ્રધાનભાઇ કહે છે, છેલ્લી ઘડીએ ભાઈને પકડવાનો પ્રયાસ કર્યો હતો પણ તેનો માત્ર બૂટ જ હાથમાં આવ્યો તો બીજી તરફ13 વર્ષની સોનલને પણ બનાસ ભરખી ગઈ. પ્રધાનભાઇ કહે છે કે સાહેબ, મારી સોનલ-7મા ધોરણમાં ભણતી હતી. તેના માસ્તરો પણ સોનલને યાદ કરીને રડે છે તો આ તરફ લાલાભાઈએ આખો પરિવાર ગુમાવ્યો છે.

લાલાભાઈને તરતાં નહોતું આવડતું પણ કેવી રીતે તરી ગયા એ તો તેઓ ખુદ પણ નથી જાણતા. લાલાભાઈ પોતે 3 દિવસ સુધી વીજળીના થાંભલા પર રહ્યા. અંતે હે‌િલકોપ્ટરથી રેસ્ક્યૂ કરીને બચાવી લેવાયા. આ લાલાભાઈએ પોતાનો સંપૂર્ણ પરિવાર ગુમાવ્યો છે, રહી છે તો બસ લાચાર જિંદગી.

કોણ કોને આશ્વાસન આપે
આ ઘટનામાં કોઈએ પોતાનો જુવાનજોધ દીકરો ગુમાવ્યો તો કોઈએ પોતાની પુત્રી ગુમાવી તો કોઈએ પોતાના આંગણમાં કિલ્લોલ કરતાં બાળકો ગુમાવ્યાં તો કોઈને હજુ સુધી પોતાની બહેનનો પત્તો નથી લાગ્યો. હવે જીવ બચી ગયાનો આનંદ વ્યક્ત કરવો કે વહાલસોયાં ગુમાવ્યાંનો શોક તે વાત આ લોકોને સમજાતી નથી.

બનાસ નદીમાં જાણે ભાગ્ય જ તણાઈ ગયું
કહેવાય છે કે પહેલો સગો તે પાડોશી, પણ અહીં જ્યારે ખુદનો જીવ જોખમમાં હોય તો પાડોશી કેવી રીતે વહારે આવે. નજીકમાં રહેતા એક વડીલે પીડિત પરિવારની આ ઘટનાનું વર્ણન કર્યું તે ખરેખર હૃદયદ્રાવક છે. તેઓ જણાવે છે કે જ્યારે આ ઘટના બની ત્યારે તેઓ સામેના મકાનની છત ઉપર હતા. રાતનો સમય હતો અને પાણી એટલી ઝડપથી ફરી વળ્યું કે એક ચીસ સંભળાઈ ‘હે બાપ રે’. ત્યારબાદ શું થયું તે ખુદ વડીલ પણ નથી જાણતા. વડીલ કહે છે કે તેઓ બે દિવસ સુધી મકાનની છત પર ખાધા-પીધા વગર રહ્યા.

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

46 mins ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

53 mins ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

58 mins ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

1 hour ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

1 hour ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

1 hour ago