Categories: Dharm

બહુચર બાળાનું પવિત્ર ધામ બહુચરાજી

મહેસાણાથી ૩૦ કિમી દૂર બહુચરાજી આવેલું છે. આમ તો માતાજી બહુચરાજી પાસે આવેલા શંખલપુર ખાતે પ્રગટ થયેલાં છે ત્યાં એક વરખડાનું ઝાડ છે. એક વખતની વાત છે. દંઢાવ્ય પ્રદેશનો અસુરરાજ દંઢાસુર ભગવાન શિવનું ભયંકર તપ આદરીને બેઠો હતો. તેની ઉગ્ર તથા ભયંકર તપસ્યાથી ત્રિલોક હાલવા લાગ્યું. તેનું અપાર તપ તથા ભક્તિ જોઇ ભગવાન સદાશિવ તેના પર પ્રસન્ન થયા. ભગવાને તેને દર્શન આપ્યાં. વરદાન માગવા કહ્યું. દંઢાસુરે વરદાનમાં દુર્જય તથા દુર્ધર્ષ શક્તિઓ માગી. ભોળા શિવે તેને એવી શક્તિ આપી. મદોન્મત્ત તથા ગર્વાંધ થયેલો દંઢાસુર જે સામે આવે તેને ખતમ કરવા લાગ્યો. તે ભયંકર આતંકવાદી જેવો બની ગયો. ફરતો ફરતો એક વખત તે શંખલપુર આવ્યો છે. ત્યાં વરખડાના ઝાડ પાસે એક અપાર સૌંદર્ય ધરાવતી સુંદરીને જોઇ. તેનું સૌંદર્ય એટલું અદ્ભુત હતું કે તેને જોઇ આ અસુર મોહાંધ થયો છે. તે તેમને જોઇ અપલક્ષણ કરવા ગયો. આ તો સાક્ષાત્ મા બહુચરાજી હતાં. તેમણે ક્ષણમાત્રમાં લંપટ અસુરને હણી નાખ્યો. તે વખતે શંખલપુરમાં માનાં જે પગલાં પડ્યાં તેનું આજે પણ પૂજન થાય છે.

બહુચરાજી માતા આજે અનેક જ્ઞાતિઓનાં કુળદેવી તરીકે પ્રખ્યાત થયાં છે. અહીંનું માનું સ્થાનક ખૂબ પ્રાચીન છે. આ સ્થળ મા બાલા બહુચરાજી તરીકે પણ ઓળખાય છે. માના ભક્તો તથા તંત્રવિદ્યાના તાંત્રિકો તેમને ‘બાલા ત્રિપુરા’ તરીકે ઓળખે છે. દશ મહાવિદ્યાં માનું આ સ્વરૂપ બાળાસ્વરૂપ હોવાથી ‘ષોડશી’ તરીકે પણ ઓળખાય છે. બહુચરાજીનો એક અર્થ ઘણા રાક્ષસનો સંહાર કરનાર તરીકે પણ થાય છે. મૂળ અર્થમાં બહુચરાજી ‘બર્હિચર’ એટલે કે મોરનાં પીંછાં ધારણ કરનારાં કહેવાય છે. જોકે તેમનું વાહન કૂકડો છે. ઘણાં ભક્તો તેમને મોર ઉપર બેઠેલાં પણ માને છે. બહુચરાજીનું મંદિર ૧૮૩૯માં વડોદરાના માનાજીરાવ ગાયકવાડે બંધાવ્યું છે. સમગ્ર ભારતમાંથી લોકો પોતાનું વાંઝિયામેણું ભાંગવા બહુચરાજી આવે છે. તેમની બાધા રાખનાર નિઃસંતાન દંપતીને ત્યાં બાળક અવતરે છે. તેમની કૃપાથી અનેક નિઃસંતાનને શેર માટીની ખોટ પુરાઇ છે.

ભક્તો તેમની ઇચ્છા પૂરી થતાં જ માનું એક બાળપૂતળું અહીં આવી ચડાવી જાય છે. ઘણા ભક્તો લાકડાં કે ચાંદીનાં પારણાં ચડાવી જાય છે. તો કોઇ ભક્ત માના મંદિરમાં કૂકડો રમતો મૂકે છે. દર માસની પૂનમે અહીં મેળો ભરાય છે. ચૈત્રી તથા આસોની નવરાત્રિએ અહીં હૈયું હૈયાથી દબાય તેટલી ભીડ જામે છે. માગશર સુદ પૂનમે અહીં વિશાળ મેળો ભરાય છે. આ વખતે માનું સ્વરૂપ એટલું અદ્ભુત લાગે છે કે જોનારા દંગ રહી જાય. આ એવું સ્થળ છે, જ્યાં વારંવાર આવવાનું મન થાય છે. મા બહુચરાજીની દરરોજ સવારે ષોડ્શોપચારે પૂજા થાય છે. કૂકડાની મૂર્તિને શણગારાય છે.

admin

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

47 mins ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

1 hour ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

1 hour ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

1 hour ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

1 hour ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

1 hour ago