Categories: Dharm Trending

રણુજાના રાજાઃ બાબા રામદેવપીર

રામદેવ પીરનો જન્મ આજથી આશરે ૬૦૦ વર્ષ પહેલાં રાજસ્થાનના બાડમેર જિલ્લાના કાશ્મીર ગામમાં સંવત ૧૪૦૯ની ભાદરવા સુદ બીજને દિવસે થયો હતો. તેમની માતાનું નામ મીનલદેવી (મૈણાદે) અને પિતાનું નામ અજમલરાય હતું. તેમના પિતા આ વિસ્તારના રાજા હતા.

કાશ્મીર ગામ હાલમાં રામદેરિયા તરીકે પણ ઓળખાય છે. રામદેવ પીરને ભગવાન દ્વારકાધીશ (કૃષ્ણ)ના અવતાર માનવામાં આવે છે. ખાસ કરીને રાજસ્થાન અને ગુજરાતમાં તેમના મંદિરો વધુ જોવા મળે છે અને આ બે રાજ્યોમાં જ તેમના અનુયાયીઓની સંખ્યા પણ વધુ છે.

ઇતિહાસમાં તેના પુરાવાઓ છે કે મક્કાથી પાંચ મુસ્લિમ પીર બાબા રામદેવ પીરની ખ્યાતિ સાંભળી તેમની પરીક્ષા કરવા આવ્યા હતા. તેમણે રામદેવ પીર બાબાના પરચાઓનો જાતે અનુભવ કર્યો અને બાબાને ‘રામશાહપીર’નું નવું નામ આપ્યું. ત્યારથી મુસ્લિમ લોકો પણ બાબા રામદેવ પીરને એજ માન અને આદરથી પ્રભુ પદે ગણે છે.

બાબા રામદેવ પીરના કાળ દરમિયાન તેમની ખ્યાતિની સુવાસ ચારેકોર વાયુવેગે ફેલાયેલી હતી. શ્રી રામદેવ પીર બાબા દરેક માનવી પછી તે કાળો હોય કે ગોરો, ધનવાન હોય કે ગરીબ, ઊંચ હોય કે નીચ બધાને સમાન ગણતા અને તેમના અનુયાયીઓને પણ તેઓ એવો જ બોધ આપતા.

તેમના આ પૃથ્વી પરના નિયત કાર્યને અંતે બાબા શ્રી રામદેવ પીર મહારાજે ૧૪૫૯માં સમાધિ લીધી હતી. તે સમયે તેમની ઉમર ૪૨ વરસની હતી. બિકાનેરના મહારાજ ગંગાસિંઘે ૧૯૩૧માં તેમની સમાધિની ઉપર મંદિર બંધાવ્યું હતું.

બાબાના ભક્તો રામદેવપીરને ચોખા, શ્રીફળ, ચૂરમું, ગૂગળ ધૂપ અને કપડાંના ઘોડા ચઢાવે છે. તેમની સમાધિ રાજ્સ્થાનના રામદેવરા પાસે આવેલી છે. ભાદરવો મહિનો આવે છે ત્યારે કોમી એકતા અને સર્વધર્મ સમભાવના પ્રતીક સમા રામદેવરાના માર્ગો શ્રદ્ધાળુઓથી ઊભરાય છે.

માર્ગો પર માનવ મહેરામણ જોવા મળે છે. નેજો ચડાવ્યા વગર રામદેવ પીરની યાત્રા અધૂરી ગણાય છે તેથી કલાત્મક અને પચરંગી-નવરંગી નેજાઓ લઇ શ્રદ્ધાળુઓ પગપાળા યાત્રા કરે છે. કેટલાક આળોટતા આવે છે તો કેટલાક સાષ્ટાંગ પ્રમાણ કરતા.

ભાદરવા સુદ બીજ બાબા રામદેવપીરનો પ્રાગટયદિન છે. તેથી વર્ષોથી કેટલાક શ્રદ્ધાળુ ભકતો રામદેવરા-રામદેરિયા (અવતારધામ મંદિર, ઉન્ડૂ-કાશ્મીર) બીજ ભરવા જાય છે. રામદેવ પીરની કૃપાથી અસાઘ્ય રોગ મટે છે. ગમે તેવું સંકટ ટળી જાય છે.

ધાર્યાં કાર્યો સિદ્ધ થાય છે. વાંઝિયા મોટી ઉમરે પણ પુત્ર રત્ન પામે છે. નિર્ધન ધનવાન બને છે અને દુષ્ટ સજજન બને છે. ભાદરવા સુદ બીજને દિવસે રામદેવ પીરની જન્મ જયંતી મનાવવામાં આવે છે.

બાબા રામદેવજી તંવર રાજપૂત કુળના રાજા હતા કે જેઓને હિંદુ લોકો ભગવાન શ્રીકૃષ્ણનો અવતાર માને છે. પ્રભુ શ્રીકૃષ્ણ જ બાબા રામદેવ પીર તરીકે આ પૃથ્વી પર અવતર્યા હતા. ઘણા તેમને ભગવાન વિષ્ણુનો અવતાર પણ માને છે.•

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

11 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

11 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

11 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

11 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

11 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

11 hours ago