‘બ્લૂ વ્હેલ ગેમ’ અને ‘કીકી ચેલેન્જ’ કરતાં પણ ખતરનાક છે ‘મોમો ચેલેન્જ’

મુંબઇ: જો તમે વોટ્સએપ કે ફેસબુક પર વધુ સમય વીતાવતાં હો તો સાવધાન થઇ જાઓ. આ નેટવર્કિંગ સાઇટ પર તમે અજાણ્યા નંબરને વિચાર્યા વગર સેવ પણ ન કરો. જો તમે અજાણ્યા નંબરને સેવ કર્યા તો તે અજ્ઞાત નંબર તમારા માટે જીવલેણ સાબિત થઇ શકે છે.

જે નંબર મોત વહેંચી રહ્યું છે તેને ‘મોમો’ કહે છે. ‘બ્લૂ વ્હેલ ગેમ’ અને ‘કીકી ચેલેન્જ’ બાદ હાલના દિવસોમાં સોશિયલ મીડિયામાં ‘મોમો ચેલેન્જ’ ખૂબ જ ઝડપથી વાઇરલ થઇ રહી છે. તે વોટ્સએપ દ્વારા ફેેલાઇ રહી છે. એવો દાવો કરવામાં આવે છે કે ‘મોમો’ જાપાનથી આવી છે. ‘મોમો ચેલેન્જ ગેમ’ માટે જે ડરામણી તસવીરનો ઉપયોગ થયો છે તેને જાપાની કલાકાર મિદોરી હાયાસીએ બનાવી છે.

હાયાસીને આ ગેમ સાથે કોઇ લેવાદેવા નથી. આ ચેલેન્જ જોખમ ભરેલી છે. ‘મોમો’ તે પૂરી ન કરતાં યુઝર્સને લડે છે અને સખત સજા આપવાની ધમકી પણ આપે છે. તેનાથી ડરીને યુઝર્સ આદેશ માનવા મજબૂર થઇ જાય છે. આ ‘મોમો’ની વાતોમાં ફસાઇને વ્યક્તિ ડિપ્રેશનમાં ચાલી જાય છે અને જીવ આપવા મજબૂર બને છે. ‘મોમો ચેલેન્જ’ લેનારા લોકોમાં મોટા ભાગે બાળકો અને યુવાનો છે.

સાયબર નિષ્ણાતોના જણાવ્યા મુજબ ‘મોમો ચેલેન્જ’ ગેમથી એક નહીં, પરંતુ અનેક ખતરા છે. આ ગેમના માધ્યમથી અપરાધીઓ બાળકો અને યુવાનોને ફસાવે છે. પર્સનલ જાણકારી ચોર્યા બાદ તેમનાં પરિવારજનોને બ્લેકમેલ કરવા અને ખંડણી માગવામાં પણ તેનો ઉપયોગ કરે છે એટલું જ નહીં, આ પ્રકારની ગેમથી બાળકોને તણાવમાં નાખી દઇને આપઘાત કરવા માટે ઉશ્કેરે છે.

કેવી રીતે મળે છે ચેલેન્જ?
સૌથી પહેલાં યુઝર્સને અજાણ્યો નંબર મળે છે, જેને સેવ કરીને ‘હાય હેલો’ કરવાની ચેલેન્જ અપાય છે. ત્યારબાદ તે અજ્ઞાત નંબર વાત પર કરવાની ચેલેન્જ અપાય છે. આગળ જતાં શંકાસ્પદ નંબરથી યુઝર્સને ડરામણી તસવીરો અને વીડિયો ‌િક્લપ આવવા લાગે છે. યુઝર્સને કેટલાંક કામ અપાય છે તે પૂરાં ન થાય ત્યારે તેને ધમકાવવામાં આવે છે.

ધમકીથી ડરીને યુઝર્સ આત્મહત્યા કરવા માટે મજબૂર બને છે. ઓસ્કાર હોસ્પિટલના ડો.રાજેશ કાકડેનું કહેવું છે કે વોટ્સએપ અને ફેસબુક પર જો બાળક વધુ સક્રિય રહેતું હોય તો તેના પર નજર રાખવી જોઇએ. બાળકને અજ્ઞાત નંબર પર વાત કરતાં અટકાવવું જોઇએ.

divyesh

Recent Posts

ક્રૂડ ઓઈલ 11 મહિનાની નીચી સપાટીએઃ 6.5 ટકાનો જંગી ઘટાડો

વોશિંગ્ટન: વૈશ્વિક બજારમાં બ્રેન્ટ ક્રૂડનો ભાવ ૧૧ મહિનાની સૌથી નીચી સપાટીએ આવી ગયો છે. ગ્લોબલ આર્થિક મંદી અને સપ્લાય વધવાની…

9 hours ago

CBI વિવાદમાં NSA અ‌જિત ડોભાલનો ફોન ટેપ થયાની આશંકા

નવી દિલ્હી: સીબીઆઇના આંતરિક ગજગ્રાહ વચ્ચે એક ચોંકાવનારી હકીકત બહાર આવી છે. સરકારને એવી આશંકા છે કે કેટલાય સંવેદનશીલ નંબરો…

9 hours ago

મેઘાણીનગરના કેટરરના દસ વર્ષના અપહૃત બાળકનો હેમખેમ છુટકારો

અમદાવાદ: મેઘાણીનગર વિસ્તારના ભાર્ગવ રોડ પરથી ગઇ કાલે મોડી રાતે એક દસ વર્ષના બાળકનું અપહરણ થતાં ચકચાર મચી ગઇ હતી.…

9 hours ago

સાયન્સ સિટીમાં દેશની પહેલી રોબોટિક ગેલેરી ખુલ્લી મુકાશે

અમદાવાદ: આપણે અત્યાર સુધી રોબોટની સ્ટોરી ફિલ્મો જોઈ હશે પણ આવી કાલ્પનિક કથા વાસ્તલવિક રૂપમાં હવે અમદાવાદ અને દેશમાં પહેલી…

9 hours ago

મ્યુનિસિપલ કોર્પોરેશનમાં બાવીસ વર્ષ પછી ક્લાર્ક કક્ષાએ બઢતી અપાઈ

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા ગઈ કાલે બાવીસ વર્ષ બાદ કલાર્ક કક્ષાના કર્મચારીઓને સિનિયોરિટીના આધારે બઢતી અપાતાં કર્મચારીઓમાં ભારે આનંદની…

9 hours ago

Ahmedabadમાંથી વધુ એક કોલ સેન્ટર પકડાયુંઃ રૂ.84 લાખ જપ્ત

અમદાવાદ: ગેરકાયદે ચાલતા કોલ સેન્ટરમાં પોલીસની ધોંસ વધતાં હવે લોકો તેમના ઘરમાં નાના નાના પાયે કોલ સેન્ટર ચલાવી રહ્યા છે.…

9 hours ago