Categories: Sports

ક્રિકેટ ઓસ્ટ્રેલિયાને બોલ ટેમ્પરિંગથી રૂપિયા ૧૩૦ કરોડનો ઝટકો લાગ્યો

સિડનીઃ બોલ ટેમ્પરિંગના કારણે સમગ્ર વિશ્વમાં બદનામ થઈ ચૂકેલી ઓસ્ટ્રેલિયાની ટીમનો એક મોટો ઝટકો લાગ્યો છે. ક્રિકેટ ઓસ્ટ્રેલિયાની ટોચની સ્પોન્સર કંપની મેગલને ક્રિકેટ ઓસ્ટ્રેલિયા સાથે તેમની ભાગીદારીનો અંત લાવી દીધો છે. મેગલનના ચીફ એક્ઝિક્યુટિવ અને સહસંસ્થાપક હામિશ ડગ્લાસે આ વાતને સમર્થન આપ્યું છે. તેમણે કહ્યું કે, અમારી ભાગીદારી સાચી ભાવનાવાળી રમત, પ્રતિષ્ઠા, અખંડતા, શ્રેષ્ઠ નેતૃત્વ અને સમર્પણ પર આધારિત હતી.

મેગલને ક્રિકેટ ઓસ્ટ્રેલિયા સાથે ઓગષ્ટ, ૨૦૧૭માં ૨૦ મિલિયન ડોલર (લગભગ ૧૩૦ કરોડ રૂપિયા)નો કોન્ટ્રાક્ટ સાઇન કર્યો હતો, પરંતુ હવે બોલ ટેમ્પરિંગના કારણે એ કોન્ટ્રેક્ટ રદ કરી દેવામાં આવ્યો છે. એક માહિતી મુજબ ક્રિકેટ ઓસ્ટ્રેલિયાના અન્ય સ્પોન્સર્સ પણ બોર્ડથી અલગ થવાનું નક્કી કરી ચૂક્યા છે.

ક્રિકેટ ઓસ્ટ્રેલિયાના મોટા કોર્પોરેટ સ્પોન્સર ક્વાન્ટાસ એરવેઝ અને સેનેટેરિયમ બોલ ટેમ્પરિંગની ઘટના બાદ નારાજ છે. તેઓને કંપનીનું નામ ખરડાવાનો ભય સતાવી રહ્યો છે. ક્વાન્ટાસ એરવેઝે કહ્યું કે, અમને આ પ્રતિષ્ઠિત ટીમ પાસેથી આવી અપેક્ષા નહોતી. સ્મિથ સેનેટરિયમ કંપનીનો બ્રાન્ડ એમ્બેસેડર પણ છે અને હવે આ કંપની પણ સ્મિથને પડતો મૂકી શકે છે.

આ બંને સ્પોન્સર્સ ઉપરાંત એએસઆઈસીએ, કોમનવેલ્થ બેંક ઓફ ઓસ્ટ્રેલિયા, બુપા, સ્પેક્સાવેરસ, ટોયોટા વગેરે પણ તેમના કોન્ટ્રાક્ટ પણ રદ કરવાનું વિચારી રહ્યા છે એટલું જ નહીં, બોલ ટેમ્પરિંગ બાદ ઓસ્ટ્રેલિયન ટેલિવિઝન નેટવર્ક સાથે કરેલા પાંચ વર્ષના ટેલિકાસ્ટ કોન્ટ્રાક્ટ સામે પણ જોખમ ઊભું થયું છે.

Navin Sharma

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

22 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

22 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

22 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

22 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

22 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

23 hours ago